«Grayscale» aktivlar boshqaruv kompaniyasi 2026-yilning birinchi choragi uchun yangilangan «Ko‘rib chiqilayotgan aktivlar» ro‘yxatini e’lon qildi.
Ushbu ro‘yxatda turli xil altkoinlar mavjud bo‘lib, ular kompaniyaning kelajakdagi mahsulotlarida muhim o‘rin tutishi mumkin. Har chorak oxiridan taxminan 15 kun o‘tgach, mazkur investitsiya kompaniyasi o‘z mahsulotlar katalogini muntazam ravishda yangilab boradi.
Grayscale 2026 yil birinchi choragi uchun kriptovalyuta aktivlari kuzatuv ro‘yxatini yangiladi
Oxirgi yangilanishda «Grayscale» o‘zining «Ko‘rib chiqilayotgan aktivlar» ro‘yxatiga 36 ta altkoinni kiritganini e’lon qildi. Ushbu ro‘yxatga kirish, ushbu altkoinlar kelajak mahsulotlarga kiritilishi kafolatlanishini anglatmaydi, biroq ular faol o‘rganilayotganini bildiradi. Manba.
2026-yil birinchi chorak nomzodlari besh yo‘nalishni o‘z ichiga oladi: Aqlli shartnoma (Smart Contract), Moliya (Financials), Iste’molchi va madaniyat, Sunʼiy intellekt va Kommunal xizmatlar (Utilities & Services). Aqlli shartnomalar va moliya yo‘nalishida aktivlar soni eng ko‘p.
«Ko‘rib chiqilayotgan aktivlar ro‘yxatida hozirda “Grayscale”ning investitsiya mahsulotlariga kiritilmagan, lekin jamoamiz tomonidan kelgusida mahsulotga kiritish uchun munosib deb topilgan raqamli aktivlar keltiriladi», — deyiladi kompaniyaning blogida.
«Grayscale» kompaniyasining so‘nggi ro‘yxati 2025-yil 4-choragiga nisbatan biroz yangilandi. O‘sha paytda ro‘yxatda 32 ta aktiv bor edi. Kompaniya bir nechta yangi aktivlarni qo‘shdi va birini olib tashladi. Jumladan, aqlli shartnomalar yo‘nalishida «Tron (TRX)» qo‘shildi.
Iste’molchi va madaniyat yo‘nalishi ARIA Protocol (ARIAIP) kiritilishi hisobiga kengaydi. ARIA Protocol – bu intellektual mulk huquqlarini token ko‘rinishida, ya’ni raqamli va likvid aktiv sifatida blokcheyn asosida taqdim etadigan platforma. Bu investorlar, yaratuvchilar, huquq egalari va muxlislarga ushbu aktivlarni blokcheynga joylashtirib, ulardan foyda olish, savdo qilish va ular bilan ishlash imkonini beradi. Manba.
Sunʼiy intellekt yo‘nalishiga «Nous Research» va «Poseidon» qo‘shildi, ammo «Prime Intellect» chiqarib tashlandi. Kommunal xizmatlar (Utilities and Services) yo‘nalishida esa DoubleZero (2Z) aktivining qo‘shilishi kuzatildi.
DoubleZero — bu Markazlashmagan jismoniy infratuzilma tarmog‘i (DePIN) sanaladi. U blokcheyn va tarqatilgan (distributiv) tizimlar uchun yuqori unumli va past “kechikishli” tarmoq infratuzilmasini taqdim etadi. Manba.
Ushbu yangilanishlardan ko‘rinadiki, «Grayscale» tokenlashtirish, DePIN va Sunʼiy intellekt sohasiga alohida e’tibor qaratmoqda. Boshqa yo‘nalishlar, ya’ni aqlli shartnomalar, moliya, Sunʼiy intellekt va kommunal xizmatlar bo‘yicha aktivlar har chorakda deyarli bir xil bo‘lib qolmoqda. Manba.
Yangilangan ro‘yxat «Grayscale» kompaniyasining yaqinda BNB va HYPE fond birjasida savdoga chiqariladigan sarmoya fondlari (ETF) yaratishga oid dastlabki harakatlari ortidan e’lon qilindi. Kompaniya har ikkala mahsulot uchun ham AQShning “Delaware” shtati korporatsiyalari bo‘limida rasmiy ishonchli fondlarni (statutory trusts) ro‘yxatdan o‘tkazdi. Bu esa, ETF mahsulotini chiqarishga tayyorgarlik boshlanganidan dalolat beradi. Manba va batafsil.
