«Hyperliquid» (HYPE) tokenining qiymatini butun dunyo moliyaviy aktivlar bozori — ya’ni 600 trillion dollar — bilan taqqoslash lozim, faqat kriptovalyuta sohasidagi 3 trillion dollar bilan emas. «Bitwise» (fond boshqaruv kompaniyasi) Bosh investitsiya direktori Mett Hougan aynan shuni tez sur’atlarda o‘sayotgan ushbu doimiy fyuchers platformasi uchun asos qilib ko‘rsatdi.
Mett Hougan aytishicha, «Bitwise» kompaniyasining AQSH fond birjasi — NYSE’da may oyining o‘rtalarida birinchi marotaba taqdim etilgan «BHYP» spot «Hyperliquid» ETF (birjada sotiladigan fond) bugungi kungacha 60 million dollarga yaqin mablag‘ni jalb qilgan. U bu jarayonni «Bitkoin» chiqqanidan beri yagona token uchun eng kuchli ETP (birjadagi kripto fondi) starti, deb atadi.
«Bitwise» Bosh investitsiya direktori Hyperliquid tokenini yangi avlod tokeni, deb atadi
Mett Hougan ta’kidlashicha, HYPE oldingi birja tokenlaridan farq qiladi. Platforma savdodan olingan deyarli barcha to‘lovlarni tokenlarni qayta sotib olishga yo‘naltiradi (buybacks).
«Menimcha, investorlar uchun bu yangi avlod — Gen 2 token ekanligini tushunib yetish uchun biroz vaqt kerak bo‘ladi. Bu — yangi versiya. Bu — avvalgidek emas», — deya ta’kidladi u juma kungi intervyusida jurnalist Neyt Jerasiga (havola).
HYPE narxi shanba kuni 68 dollar atrofida savdolashdi, so‘nggi 24 soatda 10 % ga o‘sdi. «BeInCrypto» (axborot sayti) ma’lumotiga ko‘ra, u kapitallashuvi bo‘yicha 11-o‘rinda qayd etilgan.
Rahbarlar va jurnalistlar tomonidan ekspert fikrlarini tinglash uchun YouTube kanalimizga obuna bo‘ling
Nega «Hyperliquid» 600 trillion dollarlik aktivlarga intilmoqda?
Mett Hougan «Hyperliquid» platformasini kriptovalyutaga oid loyiha emas, moliyaviy texnologiyalar («fintex») ilovasi, deb atadi.
«Bu maxsus kriptovalyuta ilovasi emas. Bu — moliyaviy ilova bo‘lib, tez va zamonaviy tajriba uchun orqa fonda kriptovalyuta texnologiyasidan foydalanadi. Ko‘plab jihatlarda bu an’anaviy tizimdan ham samaraliroq», — dedi u.
Unga ko‘ra, hozirda «S&P 500» (fond bozorlari ko‘rsatkichi) hamda neft kabi kriptodan tashqari moliyaviy aktivlar joriy doimiy fyuchers savdolarining yarmidan ortig‘ini tashkil etmoqda (havola).
«Neyt, bugungi kunda ham fyuchers hajmining qariyb 50 foizi aynan kriptodan tashqari aktivlarga to‘g‘ri keladi. Menimcha, yaqin kelajakda bu ko‘rsatkich 90 foizdan ham oshadi», — dedi u.
Raqobat va AQSH investorlarining to‘g‘ridan-to‘g‘ri kirib borishi hali ham xavf omili bo‘lib qolmoqda
Mett Hougan amalga oshirishdagi risklarni tan oldi. U «NYSE» (Birja), «CME» (AQSH yirik tovar birjasi) hamda raqib markazlashmagan moliyaviy protokollar («DeFi») «Hyperliquid»ga kuchli raqobat olib kirishga tayyorlanayotganini aytdi (havola).
«…yaqin kelajakda «Hyperliquid» uchun kuchli raqobatchilar paydo bo‘ladi va uning muvaffaqiyat qozonishiga hech qanday kafolat yo‘q», — dedi u.
AQSH aholisi hali ham xorijiy birjada to‘g‘ridan-to‘g‘ri savdo qila olmaydi. «Bitwise»ning «BHYP» ETF fondi portfeli aktivlarining qariyb 70 foizini o‘z infratuzilmasi asosida boshqaradi (havola).
Kompaniya, shuningdek, boshqaruv uchun yig‘iladigan to‘lovlarning 10 foizini «HYPE» tokenida balansida ushlab turishga yo‘naltiradi.
