Robert Kiyosaki fikriga ko‘ra, boy va kambag‘al odamlar o‘rtasidagi eng katta farqlardan biri ularning kundalik suhbatlarida aks etadi.
«Rich Dad Poor Dad» (boy otam, kambag‘al otam) kitobi muallifi Robert Kiyosaki «Menda bunga pul yetmaydi», «Urinib ko‘raman», yoki «Boylar ochko‘z» kabi iboralar odamlarning moliyaga bo‘lgan munosabatini ochib beradi, deydi. «X» ijtimoiy tarmog‘ida yozgan so‘nggi fikrlarida u bu kabi jumlalarni tez-tez takrorlash, insonning fikrlashida yetishmovchilik (kamchilik bor degan) hissini kuchaytirishini aytdi.
Kiyosaki odamlarni kambag‘al qiladigan iboralar
Kiyosakining fikri shunchaki ijobiy fikrlash bilan cheklanmaydi. U aytadiki, aslida boylar moliyani boshqalarga nisbatan butunlay boshqacha tushunadi, ayniqsa daromadga kelganda.
Robert Kiyosaki daromadni uch turkumga bo‘ladi.
- Mehnat daromadi – bu insonning oylik yoki ish haqidan oladigan puli hisoblanadi va, odatda, eng yuqori soliq stavkasiga duch keladi.
- Portfel daromadi esa – bu pensiya jamg‘armalari va boshqa sarmoyalar hisobidan olinadigan foyda.
- Passiv daromad – bu Kiyosakining eng ko‘p muhim hisoblagan daromad turi bo‘lib, ko‘pincha eng kam soliq stavkasiga ega bo‘lishi mumkin.
Daromad turlari o‘rtasidagi bu farqni Kiyosaki eng ko‘p ko‘rsatadigan misollardan biri sifatida Uorren Baffetni keltiradi.
Baffet baʼzi yillarda o‘zining asosiy boyligini investitsiyalardan topgani bois, xodimiga qaraganda soliqni ancha past stavka bilan to‘lagani bilan mashhur bo‘lgan.
«ProPublica» (axborot tashkiloti) bundan ham chuqurroq tahlil qilgan. IRS (AQSH Ichki daromad xizmati) ma’lumotlari asosida, bir tahlilga ko‘ra, Baffet 2014-2018 yillarda soliq to‘lovlari va umumiy boyligidagi o‘sishlar solishtirilganda, «haqiqiy soliq stavkasi» atiga 0,1 foiz bo‘lganini hisoblab chiqdi.
Ushbu raqam bahsli, chunki investitsiyalarda hali sotilmagan o‘sishlar odatda soliqqa tortiladigan daromad sifatida ko‘rilmaydi.
Nima uchun Kiyosaki odamlarni xodim kabi fikrlashdan voz kechishga chaqiradi?
Robert Kiyosaki ko‘p yillar davomida odamlarni kamroq naqd pulga, ko‘proq esa aktivlarga ega bo‘lishga da’vat qilib kelmoqda.
U o‘zining ta’kidlashicha, 1971 yildan beri oltin, 1965 yildan beri kumush, 2012 yildan boshlab esa Bitkoin, yaqinda esa Efirium aktivlari borligini aytadi.
Uning narx bo‘yicha bashoratlari doim diqqat markazida bo‘ladi, lekin 2026 yil uchun ko‘rsatgan ko‘plab raqamlari hozirgi narxlardan ancha uzoqdir.
Shunday bo‘lsa-da, uning asosiy xulosasi ancha sodda: odamlar moliya haqida qanday gapirsa – o‘z pulidan nimani kutishini aynan shunday ifoda etadi, deya hisoblaydi Kiyosaki.











