«CoinShares» (kriptoaktiv investitsiya kompaniyasi) tomonidan e’lon qilingan so‘nggi hisobotga ko‘ra, o‘tgan hafta kriptofondlarga yo‘naltirilgan mablag‘lar 2 milliard AQSH dollaridan oshdi. Bu oktyabr 2025 yildan beri eng kuchli haftalik ko‘rsatkich bo‘ldi.
Bunga sabab, investorlar global siyosiy ziddiyatlar, yangi bojlar xavfi va siyosiy noaniqlik ortib borayotgan bir paytda kriptovalyuta bozoriga kirishga harakat qilishdi.
Siyosiy noaniqlik kriptovalyutaga 2,17 milliard dollar kirib kelishiga qanday sabab bo‘ldi
Yirik miqdordagi mablag’ oqimi bo’lishiga qaramay, hafta oxirida bozor kayfiyati tubdan o‘zgardi. «CoinShares» (kriptoaktiv investitsiya kompaniyasi) tomonidan chop etilgan «Raqamli Aktiv Fondlari Haftalik Oqimlari» hisobotiga ko‘ra, oqimlar haftaning boshida yuqori bo‘lgan, ammo juma kuni salbiy tomonga o‘tglan.
Bu o‘zgarish Grenlandiya bilan bog‘liq yangi diplomatik keskinlik va qo‘shimcha savdo bojlarining ehtimoli bilan yuz berdi. Bu holatlar sarmoyadorlar orasida riskka bo’lgan ishonchni susaytirdi.
Hafta oxirida raqamli aktivlarga sarmoya kiritilgan mablag‘lar bir kunning o‘zida 378 million dollarga kamaydi. Bu haftaning avvalidagi o‘sishni qisman kamaytirdi.
Siyosiy noaniqlik ham bozor kayfiyatiga ta’sir ko‘rsatdi. «Bozor ishtirokchilari AQSH Federal rezervining kelgusi raisi sifatida nomzod sifatida ko‘rilayotgan va siyosatda yumshoq qarashlari bilan tanilgan Kevin Hassett o‘z lavozimida qolishi mumkinligi haqidagi taxminlarga munosabat bildirishdi».
Bu ehtimol moliyaviy siyosatda tezkor o‘zgarishlar bo‘lishi haqidagi kutishlarni kamaytirdi va hozirda beqaror bozorlarni yana ehtiyotkorlikka undadi.
«…kayfiyat juma kuni siyosiy taranglik, boj solish tahdidlari va siyosatga oid noaniqliklar fonida susaydi», — deyiladi hisobotda.
Hafta davomida sarmoyaning asosiy qismi Bitkoinga to‘g‘ri keldi, unga 1,55 milliard dollar jalb qilindi. Bu ko‘rsatkich investorlar Bitkoinni «katta miqyosdagi xavfdan himoya vositasi» sifatida ko‘rayotganini ko‘rsatadi, ayniqsa geopolitik notinchlik va siyosiy noaniqlik sharoitida.
Aqlli shartnoma platformalari va altkoinlar rasmiy cheklovlarga qaramay sarmoya jalb qilmoqda
Efirium ham kuchli natija ko‘rsatdi. Undagi sarmoya oqimi 496 million dollarni tashkil etdi. Solana blokcheyn tarmog‘iga esa 45,5 million dollar yo‘naltirildi.
Bu daromadlar AQSH Senati Bank ishi bo‘yicha qo‘mitasining CLARITY (Ochiqlikka aniqlik kiritish to‘g‘risidagi qonun) tashabbusi ostida stablekoin (barqaror token) chiqaruvchilarining daromad taklif qilish imkoniyatini cheklovchi takliflarga qaramay yuz berdi.
Aqlli shartnomalar asosidagi platformalarga talab davom etayotgani investorlar qisqa muddatli tartibga solish yangiliklaridan ko‘ra uzoq muddatli o‘sishga ustuvor e’tibor qaratayotganini bildiradi.
O‘sish jarayonida altkoinlar ham qatnashdi. XRP 69,5 million dollar sarmoya jalb qilib, ajralib turdi. Sui, LIDO va Hedera altkoinlariga mos ravishda 5,7 million, 3,7 million va 2,6 million dollar sarmoya kiritildi.
Yirik va o‘rtacha kapitalizatsiyaga ega tokenlarga keng miqyosda sarmoya kiritilgani haftaning boshida riskka bo‘lgan ochiqlik kuchayganini ko‘rsatdi. Biroq, makroiqtisodiy yangiliklar hafta oxirida bu sur’atni pasaytirdi.
Tokenlardan tashqari, blokcheyn texnologiyasiga investitsiya yo‘naltiruvchi kompaniyalar ham o‘tgan hafta kuchli natija ko‘rsatdi. Ularga 72,6 million dollar sarmoya kiritildi. Bu, nafaqat kriptovalyutalarga, balki keng raqamli aktiv ekotizimiga investorlar qiziqishi davom etayotganini ko‘rsatadi.
O‘tgan haftadagi kriptofondlarning mablag‘ oqimi bozor kayfiyati qanchalik tez o‘zgarishini ko‘rsatadi. Masalan, 10-yanvarda tugagan haftada kriptofondlardan 454 million dollar chiqib ketgan edi.
Ko‘rsatilgan haftadagi sarmoya hajmi siyosiy barqarorsizlik, savdo bo‘yicha noaniqlik va aniq bo‘lmagan siyosiy signallar, sarmoyadorlarni tobora ko‘proq raqamli aktivlarga, ya’ni sarmoyalarni diversifikatsiya qilish strategiyasi sifatida yo‘naltirayotganini ko‘rsatadi.
