Chikago shahrida joylashgan «BlockFills» kriptovalyuta kredit beruvchi va savdo maydonchasi moliyaviy inqirozga yuz tutdi. Kompaniya kredit berish, kriptovalyuta mayningi va savdo faoliyati orqali taxminan 75 million AQSh dollari miqdoridagi yo‘qotishlarni ochiqladi. Bu zararlar ilgari yuz bergan buxgalteriya xatolari bilan yanada kuchaydi.
Kamomad natijasida «BlockFills» kompaniyasi (savdo va kredit tashkiloti) yirik mijozlarining mablag‘lariga kirish imkoni bo‘lmay qoldi. Chunki o‘tgan oyda kompaniya likvidlik (pul aylanishi) bosimi kuchaygani sababli pul yechib olish operatsiyalarini to‘xtatdi.
