Kriptovalyuta bozori 2025 yil fevral oyining ikkinchi haftasida qiymati 278 million dollardan ortiq bo‘lgan tokenlarni qabul qiladi. «Connex» (CONX), «Avalanche» (AVAX) hamda «Aptos» (APT) kabi yirik loyihalar muhim miqdorda yangi tokenlar chiqaradi.
Ushbu tokenlar chiqarilishi bozor tebranishlariga va qisqa muddatli narx harakatlariga olib kelishi mumkin. Shu sababli, diqqat qilish zarur bo‘lgan asosiy ma’lumotlarni quyida keltiramiz.
1. Connex (CONX)
- Chiqarilish sanasi: 15-fevral
- Chiqariladigan tokenlar soni: 1,32 million CONX
- Muomalaga chiqarilgan hajm: 84,63 million CONX
- Umumiy hajm: 100 million CONX
«Connex» bu – ruxsat talab etilmaydigan, ochiq va hamkorlikka asoslangan Web3 mutaxassislari tarmog‘i bo‘lib, markazsizlashtirilgan texnologiyadan foydalanadi. «Connex» loyihasi blokcheynni professional soha bilan birlashtiradi va raqamli iqtisodiyotda shaffoflik hamda adolatli qiymat almashinuvini rivojlantiradi. CONX tokenidan to‘lovlar va boshqaruvda foydalanish mumkin.
«Connex» 15-fevral kuni bozorga 1,32 million CONX tokenini chiqaradi. Bu tokenlarning umumiy qiymati taxminan 15,99 million dollarni tashkil qiladi. Bu esa chiqarilgan hajmning 1,56 foiziga teng.
Loyiha jamoasi taxminan 822 500 CONX tokenini ekotizimga taqsimlaydi. Shuningdek, jamiyat xazinasi 500 000 altkoin oladi.
2. Avalanche (AVAX)
- Chiqarilish sanasi: 11-fevral
- Chiqariladigan tokenlar soni: 1,67 million AVAX
- Muomalaga chiqarilgan hajm: 526,13 million AVAX
- Umumiy hajm: 720 million AVAX
«Avalanche» — bu yuqori unumdorlikka ega, ochiq manbali, birinchi darajali (Layer-1) blokcheyn platformasi. U o‘ziga xos uchta blokcheynli arxitekturaga ega bo‘lib, kengayuvchanlik, tezlik va xavfsizlikni ta’minlaydi.
11-fevral kuni «Avalanche» 1,67 million AVAXni chiqaradi. Bu tokenlarning qiymati taxminan 15,13 million dollarni tashkil qiladi. Ular amaldagi muomaladagi hajmning 0,32 foiziga teng.
Butun chiqarilgan tokenlar asos tashkilotga taqsimlanadi.
3. Aptos (APT)
- Chiqarilish sanasi: 10-fevral
- Chiqariladigan tokenlar soni: 11,31 million APT
- Muomalaga chiqarilgan hajm: 1,63 milliard APT
- Umumiy hajm: 2,6 milliard APT (2035 yil uchun)
«Aptos» bu — kengayuvchanlik, xavfsizlik va samaradorlik uchun ishlab chiqilgan birinchi darajali (Layer-1) blokcheyn platformasi. U markazlashmagan ilovalar (dApp), Web3 ekotizimlarida yuqori samaradorlikka erishish uchun «Move» dasturlash tilidan foydalanadi. Bu til ko‘p sonli tranzaksiyalar va aqlli shartnomalarni tez bajarishini ta’minlaydi.
«Aptos» 10-fevral kuni 11,31 million tokenni muomalaga chiqaradi. Bu tokenlarning qiymati 12,07 million dollar atrofida. Ular chiqarilgan hajmning 0,69 foiziga teng.
Loyiha jamoasi asosiy loliychilarni rag‘batlantirish uchun 3,96 million APT ajratadi. Jamiyat va sarmoyadorlar mos ravishda 3,21 million va 2,81 million token oladi. Bundan tashqari, «Aptos» fondiga 1,33 million token ajratiladi.
Bundan tashqari, fevral oyining ikkinchi haftasida investorlar diqqatini tortadigan boshqa muhim chiqarilishlar qatorida «Starknet» (STRK), «Linea» (LINEA), «Movement» (MOVE), «Rain» (RAIN) va boshqalar mavjud.
