Bu hafta kriptovalyuta bozorida umumiy qiymati $636,4 milliondan ortiq bo‘lgan tokenlar savdoga chiqadi. Asosiy loyihalar — «Sui» (SUI), «EigenCloud» (EIGEN) va «Kamino» (KMNO) — yangi tokenlarning muhim qismini chiqaradi.
Yangi tokenlarning muomalaga chiqarilishi bozorda o‘zgaruvchanlik keltirib chiqarishi va qisqa muddatli narx harakatlariga ta’sir qilishi mumkin. Shu sababli, quyidagi ma’lumotlarga e’tibor bering.
1. Sui (SUI)
- Chiqarilish sanasi: 1-avgust
- Ochiladigan tokenlar soni: 13,72 million SUI
- Muomaladagi umumiy miqdor: 4,06 milliard SUI
- Jami ta’minot: 10 milliard SUI
«Sui» blokcheyni yuqori samarali blokcheyn bo‘lib, kengayuvchanlik, tez ishlash va markazlashmagan ilovalar (dApp) uchun qulay muhit yaratishga mo‘ljallangan. «Sui» o‘zining obyektlarga asoslangan ma’lumotlar modeli va mavjud blokcheyn tizimlaridagi kamchiliklarni bartaraf etishga yo‘naltirilgan «Move» dasturlash tili bilan ham ajralib turadi.
1-avgust kuni tarmoq 13,72 million SUI tokenini bozorda muomalaga chiqaradi. Bu amaliyot oy boshida tokenlarni bir yo‘la chiqarish an’anasining davomidir. Ularning qiymati $9,91 millionni tashkil qiladi va bu joriy muomaladagi tokenlarning 0,34 foiziga tengdir.
Tarmoq ochiladigan altkoinlarni uchta yo‘nalishda taqsimlaydi. Dastlabki ishtirokchilar 7,65 million tokenga ega bo‘ladi. Bundan tashqari, Jamg‘arma rezervi uchun 4 million, «Mysten Labs» (kompaniya) g‘aznasiga esa 2,07 million SUI ajratiladi.
2. EigenCloud (EIGEN)
- Chiqarilish sanasi: 1-avgust
- Ochiladigan tokenlar soni: 36,82 million EIGEN
- Muomaladagi umumiy miqdor: 635,67 million EIGEN
- Jami ta’minot: 1,67 milliard EIGEN (2035-yil uchun)
«EigenCloud» (ilgari «EigenLayer») — bu «EigenLayer» protokoli asosida qurilgan ishonchli bulutli platforma. U ishlab chiquvchilarga xavfsiz va ishonchli markazlashmagan Web3 ilova va xizmatlar yaratish uchun yagona infratuzilmani taqdim etadi.
1-avgust kuni tarmoq 36,82 million EIGEN tokenini ochadi. Ularning umumiy qiymati taxminan $7,63 millionni tashkil qiladi. Bu miqdor muomaladagi tokenlarning 5,79 foizini tashkil etadi.
«EigenCloud» 19,75 million tokenni investorlar uchun yo‘naltiradi. Yana 17,07 million EIGEN tokenlari dastlabki ishtirokchilarga beriladi.
3. Kamino (KMNO)
- Chiqarilish sanasi: 30-iyul
- Ochiladigan tokenlar soni: 229,17 million KMNO
- Muomaladagi umumiy miqdor: 7,71 milliard KMNO
- Jami ta’minot: 10 milliard KMNO
«Kamino Finance» — bu «Solana» (SOL) blokcheynidagi markazlashmagan moliyaviy protokol bo‘lib, u qarz olish, qarz berish va likvidlik ta’minlashga ixtisoslashgan.
30-iyul kuni «Kamino» 229,17 million KMNO tokenini muomalaga chiqaradi. Ularning umumiy qiymati taxminan $4,14 million bo‘lib, bu hozirgi muomaladagi jamg‘armalarning 2,97 foizini tashkil etadi.
Jamoa ochiladigan tokenlarning asosiy qismini — ya’ni 145,83 million KMNO — asosiy ishtirokchilar va maslahatchilarga taqsimlaydi. Qo‘shimcha ravishda, «Kamino» asosiy hissa qo‘shuvchilarga 83,33 million token beradi.
Bundan tashqari, bu hafta investorlar diqqatini tortishi mumkin bo‘lgan yana bir nechta muhim unlocklar mavjud. Ularning orasida «Falcon Finance» (kompaniya) (FF), «Plasma» (kompaniya) (XPL), «Sign» (kompaniya) (SIGN) va boshqalar bor.
