Midnight (NIGHT) tokeni dekabr oyida savdo hajmining katta qismini o‘ziga jalb qildi. Ko‘plab sarmoyadorlar bu token narxi oshishda davom etadi deb kutmoqda.
Garchi narx yaqinda eng yuqori nuqtasidan 30% ga pasaygan bo‘lsa-da, bir necha omillar savdogarlarga NIGHT hanuz o‘sishi mumkinligini ko‘rsatmoqda.
Investorlar nima uchun Coinbase va Binance birjalari tez orada NIGHT kriptovalyutasini ro‘yxatga olishini kutishyapti?
«Binance Alpha» (kripto-birja) o‘zining airdrop (tokenlarni bepul tarqatish) dasturi orqali Midnight (NIGHT) tokenini qo‘llab-quvvatlamoqda. «CoinMarketCap» (kripto ma’lumotlar platformasi) ma’lumotiga ko‘ra, NIGHT savdo hajmining 61% dan ortig‘i aynan «Binance Alpha» birjasiga to‘g‘ri keladi.
Shuning uchun sarmoyadorlar NIGHT tokenining «Binance» rasmiy spot ro‘yxatidan joy olishi vaqt masalasi, deb hisoblashadi.
Bundan tashqari, ba’zi investorlar umid qilmoqdaki, «Coinbase» (kripto-birja) xam tez orada NIGHT tokenini ro‘yxatga oladi. Sababi so‘nggi haftalarda NIGHT savdo hajmi keskin oshib ketgan.
«Coingecko» ma’lumotiga ko‘ra, NIGHT tokeni 9-dekabr kuni birinchi marta ro‘yxatga kiritilganda savdo hajmi bor-yo‘g‘i 130 million dollar bo‘lgan. Lekin 23-dekabrgacha spot savdo hajmi 5 milliard dollardan oshdi. Bu ko‘rsatkich hatto SOL, XRP va BNB tokenlarining umumiy savdo hajmidan ham yuqori bo‘ldi.
Odatda airdrop orqali olingan tokenlarda ro‘yxatga chiqarilgandan keyin savdo hajmi ko‘tariladi, bu sotuv bosimi bilan bog‘liq. Biroq NIGHT tokenida aksincha, vaqt o‘tishi bilan investorlarning token sotib olishi kuchaymoqda.
«1-sabab: Coinbase NIGHT tokenini ro‘yxatga olishi kerak – sababi katta savdo hajmi. NIGHT chiqarilgandan buyon har kuni milliardlab savdo amalga oshirildi. Yaqinda kunlik 3 milliard dollardan ortiq hajm bilan dunyoda eng faol 10 ta token qatoriga kirdi. Maxfiylik texnologiyasiga bo‘lgan institutsional va oddiy foydalanuvchilar ishtiyasi oshmoqda», – deydi sarmoyador Josh (Josh Xyuis) o‘zining X ijtimoiy tarmog’i sahifasida.
Yirik birja altkoinni (muqobil tokenni) ro‘yxatga olsa, bu token orqali yig‘ilgan savdo to‘lovlari birjaga foyda keltiradi. «Cardano» (kripto-proyekt) asoschisi Charlz Hoskinson (Charlz Hoskinson) baholashicha, «Coinbase» NIGHT tokenini ro‘yxatga kiritmaslik natijasida yiliga 20 million dollar atrofida komissiya yig‘imini boy bermoqda.
Bozor qiymati 1,4 milliard dollardan oshgan NIGHT hozirda eng yirik 75 ta kriptovalyuta qatoriga kiradi. Ba’zi sarmoyadorlar prognoz qilmoqdaki, yirik birjalarda ro‘yxatdan o‘tgach, NIGHT eng kuchli 20 ta kriptovalyuta qatoriga kirishi mumkin. Bu holatda NIGHT bozor qiymati 10 milliard dollarga yetadi.
So‘nggi paytlarda NIGHT narxi 0,11 dollardan 0,07 dollargacha pasaygan bo‘lsa-da, tahlilchilar buni keyingi o‘sish uchun foydali tuzatish sifatida ko‘rmoqda.
Bundan tashqari, «Midnight» (kripto loyihasi) 2026-yilning dastlabki ikki oyida Yaponiyada bir qancha reklama tadbirlarini rejalashtirgan. Ushbu tadbirlar orqali NIGHT tokeniga yangi va oddiy inwestorlar ham e’tibor qaratishi kutilmoqda.
Biroq, boshqa nuqtai nazardan qaralsa, NIGHT tokeniga bo‘lgan ishonch va yuqori umidlar allaqachon narxda aks etgan bo‘lishi mumkin. Demak, yangi birjaga kirishi endi narxni yanada ko‘tarmasligi ham, faqat dastlabki oluvchilarga foyda ko‘rishni va sotishni osonlashtirish uchun likvidlik yaratishini anglatadi.
