Monero (kriptovalyuta) so‘nggi bir oy ichida kuchli sotuv bosimi ostida qoldi, uning narxi atigi to‘rt haftada deyarli 60 foizga tushib ketdi. Bu keskin pasayish bir necha haftalik o‘sishni to‘liq yo‘qqa chiqardi va XMR uzoq davom etayotgan pasayish tendentsiyasiga kirib qoldi.
Bu holat investorlarning ishonchi tez susayganidan darak beradi. Uzoq muddatli sarmoyadorlar ham, qisqa muddatli treyderlar ham bozor bosimi kuchaygani sababli o‘z mablag‘larini qisqartirishmoqda.
Monero savdogarlari bozorga ehtiyotkorlik bilan yondashmoqda
Derivativ — ya’ni hosilaviy moliyaviy vositalar bo‘yicha ma’lumotlar Monero’dan savdogarlarning faol chiqib ketayotganini ko‘rsatadi. Ochiq pozitsiyalar hajmi keskin kamaydi: yanvar o‘rtalarida taxminan 279 million dollardan 118 million dollargacha tushib ketdi. Ya’ni, 57 foizga qisqardi, bu esa fyuchers bozorlarida ishtirokchilar soni kamayganini va XMRga bo‘lgan spekulyativ qiziqish pasayganini bildiradi.
Ushbu qisqarishni asosan ikki omil tushuntiradi. Avvalo, avvalgi narx ko‘tarilishidan keyin foyda olish uchun tokenlarni sotish boshlandi. Bundan tashqari, bozorga qarama-qarshi — pasayuvchi holat kirib kelgani treyderlar ishonchini susaytirib, ishtirokchilar o‘z pozitsiyalarini yopishiga va bozor likvidligi (faol savdo imkoniyati) kamayishiga sabab bo‘ldi.
Ishtirokchilar soni kamaysa, ko‘pincha narx uchun qo‘llab-quvvatlash kuchsizlashadi. Bu holda, narx o‘zgaruvchanligi va sotuv bosimi yanada ortishi mumkin.
Faol ishtirokchilar soni kamayishiga qaramay, qisqa muddatli asosiy indikatorlar sotuv bosimi sekinlashayotganini ko‘rsatmoqda. Pul oqimi indeksida (MFI) XMR narxiga nisbatan «bul» (ko‘tarilish) divergentsiyasi paydo bo‘lmoqda. Uzoq davom etayotgan past narxlarga qaramay, pul oqimi indeksi yuqori quyi cho‘qqilarni ko‘rsatmoqda, bu esa pasayuvchi tendensiya kuchsizlanayotganidan dalolat beradi.
Bunday tafovut, ya’ni indikator va narx harakati o‘rtasidagi farq, odatda sotuvchilar kuchini yo‘qota boshlaganiga ishora qiladi, hatto narx hali javob bermagan bo‘lsa ham. Tarixda bunday holatlar narx barqarorlashuvi yoki qisqa muddatli qayta tiklanishdan oldin kuzatilgan.
Bunday signal to‘liq burilish kafolatini bermaydi. Biroq, bu shuni bildiradiki, agar talab barqarorlashsa, XMR narxi hozircha katta yo‘qotishlardan qochishi mumkin.
XMR narxining tiklanishi sekin bo‘lishi mumkin
XMR narxi asta-sekin tiklanishga urinyapti, lekin hozircha kuchli o‘sish tasdig‘i yo‘q. Ushbu maqola yozilgan paytda Monero 326 dollar atrofida savdoda bo‘lib, 335 dollarlik qarshilik darajasidan pastda turibdi. Narx deyarli to‘rt haftadan beri davom etayotgan pasayish kanalida qolmoqda va hozircha yuqoriga harakat qilish imkonini cheklamoqda.
335 dollardan yuqori ko‘tarilish hozirgi sharoitda juda qiyin. Keyingi muhim qarshilik darajasi 357 dollar atrofida joylashgan, bu esa narxning tiklanishini yana to‘xtatib turishi mumkin. Yangi mablag‘lar kirishi yoki bozor hissiyotlari yaxshilanmasa, XMR ehtimol shu diapazonda barqaror bo‘lib turadi, chunki xaridor va sotuvchilar ehtiyotkor bo‘lmoqda.
Agar pasayish bosimi kuchaysa, narx uchun xavf saqlanib qoladi. «Death Cross» — (ya’ni 200 kunlik o‘rtacha narx 50 kunlikdan yuqoriga o‘tsa) xavfi yuzaga kelishi mumkin. Bunday signal odatda uzoq davom etuvchi zaiflikka olib keladi. Bunday holatda, XMR narxi 291 dollardan pastga tushib, 265 dollarga yoki undan ham pastga tushib ketishini davom ettirishi mumkin.
