«MYX Finance» (kripto-loyiha) altkoini narxi keskin ko‘tarilib, uzoq davom etgan katta yo‘qotishlardan so‘ng bu kriptovalyutaga bo‘lgan qiziqish yana oshganini ko‘rsatmoqda. 62 foizli sakrash diqqatga sazovor bo‘lsa-da, voqeaning faqat bir qismini aks ettiradi.
Bir kunda kuzatilgan kuchli o‘sishiga qaramay, «MYX Finance» altkoini fevral va mart boshidagi og‘ir yo‘qotishlarni to‘liq qoplashdan hali anchagina uzoqda.
MYX sarmoyadorlari turli xil belgilarni namoyish qilmoqda
Pul oqimi indeksi (Money Flow Index – MFI indikator) oxirgi kunlarda bozor sharoitlarida sezilarli o‘zgarishlar borligini ko‘rsatadi. Sotuv bosimi ancha kamaydi va hozirgi kunda faollik asosan sotib olish tomonga o‘tdi. MFI o‘zgarishi, yangi sarmoyadorlarning «MYX Finance» bozoriga katta ishonch bilan kirib kelayotganini tasdiqlaydi.
Investorlarni «MYX Finance» altkoinining ijtimoiy tarmoqlarda tez-tez tilga olinishi va narxning anchayin pasaygani jalb qilayotgandek. Ko‘plab investorlar narxlarning tiklanishiga umid qilib, arzon narxlarda token jamg‘arishmoqda.
Bu spekulyativ xaridlar — ya’ni asosli emas, asosan bozor hissiyotiga tayangan xaridlar. Shunday xaridlardan keyingi harakatlar asosan ijobiy trend saqlanib qolishiga bog‘liq bo’ladi.
Bunday tokenlar bo‘yicha yanada ko‘proq tahlil va ma’lumotlarni xohlaysizmi? Muharrir Harsh Notariya’ning kunlik kripto-habarnomasiga mana bu havola orqali obuna bo‘ling.
Likvidatsiya xaritasi treyderlar hissiyoti deyarli teng bo‘linganini ko‘rsatmoqda. Hozir «MYX Finance» bo‘yicha qisqa pozitsiyalarning 1,43 million dollar, uzun pozitsiyalarning esa 1,40 million dollar qiymatida majburiy yopilishi (likvidatsiya) kuzatilmoqda. Bu muvozanat variantlarning ikkala tomonida ham katta noaniqlik borligini bildiradi.
Likvidatsiyalar hajmidagi kichik farq, qisqa pozitsiya ochganlar hozirgi vaziyatda anchagina ustunlikka ega ekanligini ko‘rsatadi. Shunga qaramay, ikkala tomonda ham kuchlar tengligi har qanday tomonning keskin harakati natijasida, katta likvidatsiya to‘lqinlari yuzaga kelishiga sabab bo‘lishi mumkin. Bu vaziyat esa bozorga qo‘shimcha o‘zgaruvchanlik va tavakkalchilik olib kiradi, ayniqsa, «MYX Finance» narxi baribir oldindan aniq bashorat qilib bo‘lmaydigan darajada qolayotgan bir paytda.
MYX narxi tiklanishga harakat qilmoqda
Bugungi kunda «MYX Finance» altkoini narxi 62 foizga ko‘tarilib, eng yuqori nuqtada $0,515 ga yetdi va so‘ng $0,402 ga kamaydi. Shunga qaramay, fevral va mart oyidagi 95 foizli yo‘qotishlardan so‘ng bu ko‘tarilish hali bor-yo‘g‘i umumiy muammolar yuzasidan kichik bir qoplama xolos. To‘liq tiklanish uchun yana uzoq vaqt va doimiy yuksalish kerak bo‘ladi.
Altkoin hozir $0,405 darajasidagi qarshilikka yaqinlashmoqda. Agar narx bu chegaradan yuqoriga chiqa olib, uni mustahkam turgan bo‘lsa, bu tiklanish yo‘lidagi birinchi ijobiy qadam bo‘lar edi. Bu darajada o‘sish davom etsa, «MYX Finance» tokeni $0,606 ga tomon harakatlanishga imkon topadi. Bu esa, tiklanishning navbatdagi bosqichi va o‘sishning jiddiy ekanligini isbotlaydi.
Agar bozorga yana salbiy kayfiyat qaytsa, so‘nggi o‘sish natijalari tushib ketishi mumkin. Hissiyotlar salbiy tomonga o‘zgarsa, «MYX Finance» tokeni $0,276 darajasidagi tayanch chegara tomon harakatlanadi va shu orqali, o‘tgan oyning boshidan beri davom etayotgan tor diapazonli holat davom etadi.
