Kriptovalyuta bozori aniq ikkiga bo‘linayotgan bir vaqtda, sunʼiy intellekt (AI) tokenlari mart oyida eng yorqin sektorlar qatoridan joy oldi. Bu yo‘nalishda hozirda «NEAR Protocol» blokcheyn loyihasi savdo hajmi bo‘yicha yetakchilik qilmoqda.
Biroq, NEAR narxi hali ham o‘tgan tsikl eng yuqori cho‘qqisidan 90% past va o‘tgan yilning eng yuqori darajasidan 80% pastda turibdi. Yangi omillar bu tokenning tiklanishida muhim rol o‘ynashi mumkin.
AI (sunʼiy intellekt) tangalari bozorda yetakchi, NEAR esa AI tangalari orasida hajmi boʻyicha birinchi oʻrinda
«Artemis» tahlil shirkati maʼlumotlariga ko‘ra, sunʼiy intellekt tokenlari o‘tgan oyda eng yaxshi bozor natijasini ko‘rsatdi. Bu yo‘nalishning umumiy bozordagi qiymati 23,7% ga oshdi. Bu ko‘rsatkich boshqa segmentlar: DeFi (markazszlashtirilmagan moliya) 18,8% va aqlli shartnoma platformalaridagi (13,3%) o‘sishni ortda qoldirdi.
Ayni paytda, o‘yinlar, ijtimoiy tarmoqlar va maxfiylikka oid tokenlar kabi boshqa sohalar esa hali-hanuz katta yo‘qotishlar bilan yuzlashmoqda.
Kengayib borayotgan Sunʼiy intellekt tokenlari yo‘nalishida, «NEAR Protocol» blokcheyn loyihasi (NEAR) 24 soatlik savdo hajmi bo‘yicha yuqoriga ko‘tarilib, 317 million dollarni ortda qoldirdi. Bu natija «Bittensor» (TAO) blokcheyn loyihasi va «Render» blokcheyn loyihasidan ham yuqori ko‘rsatkichdir.
Hozirda NEAR tokeni taxminan 1,35 dollar atrofida savdoda, bu so‘nggi 30 kun ichida 39,4% o‘sishni bildiradi.
Investorlar fikriga ko‘ra, so‘nggi vaqtlarda sunʼiy intellekt sohasidagi bir qancha ijobiy voqealar kuchli ijobiy taʼsir ko‘rsatgan. Kapital aynan aniq va kuchli sunʼiy intellekt narrativi bor tokenlarga oqib kiryapti.
NEAR tokenga asos bo‘luvchi infratuzilma aynan sunʼiy intellekt agentlari va blokcheynlararo tranzaksiyalar uchun yaratilgani tufayli bu yo‘nalishdagi ijobiy tendensiyadan bevosita foyda ko‘ra boshladi.
2026 yil 13 mart holatiga ko‘ra, NEAR Sunʼiy intellekt Agentlari bozori 747 dan ortiq faol agent va 2 251 dan ziyod ish o‘rni yaratganini ko‘rsatmoqda.
«Sunʼiy intellekt har bir soha uchun interfeysga aylanadi. Qiymat uzatishda NEAR infratuzilmasidan foydalaniladi», — deya taʼkidlandi loyiha X ijtimoiy tarmog‘idagi sahifasida.
SVRN Research tadqiqot tashkilotining 2026 yil mart hisobotida uzoq muddatli narx prognozi keltirilgan. Hisobotda, agar umumiy bozor sharoiti yomonlashsa yoki o‘sa boshlasa, NEAR narxi 2030 yilgacha 25 dollardan 300 dollarga qadar o‘zgarishi mumkinligi ko‘rsatilgan.
Bu prognoz qisman loyiha tomonidan ishlashga joriy etilgan yangi tokenomika tizimiga tayanadi. Bu tizim 2026 yil fevral oyida bo‘lib o‘tgan Fee Switch hodisasidan so‘ng ishga tushgan. Yangi tartibga ko‘ra, NEAR Intents dan keladigan barcha to‘lovlarning 100 foizi avtomatik tarzda NEAR tokenlariga aylantiriladi. Natijada, platformadagi har bir tranzaksiya bozorida real xarid bosimini vujudga keltiradi.
Qisqa muddatda, tajribali tahlilchi Michael van de Poppe, NEAR tokeni 2 dollarga yaqinlashishi mumkinligini taxmin qilmoqda.
Ijobiy qisqa va uzoq muddatli vaziyatga qaramay, kriptovalyuta bozori hamon yuqori tebranishli (o‘zgaruvchan), investorlar kayfiyati esa qo‘rquv bilan to‘la bo‘lib qolmoqda.
NEAR narxi fevral oyidagi eng past darajasidan 50% dan ko‘proqqa tiklangan bo‘lsa-da, u hali ham tarixiy maksimal darajadan 90% pastda. Yuqori narxda sotib olgan investorlar uchun token narxining to‘liq tiklanish yo‘li yaxshi emasligi mumkin.
Ayni paytda, sunʼiy intellekt sohasida ham o‘zgarishlar favqulodda tez davom etmoqda. Faqat amaliy yechimlarni isbotlab bera oladigan loyihalar omon qolishga va rivojlanishni davom ettirishga muvaffaq bo‘lishi mumkin.
