Isroil Bosh vaziri Benyamin Netanyaxu payshanba kuni matbuot anjumanida shaxsan ishtirok etdi va o‘zining o‘limi haqidagi yolg‘on da’volarga bevosita munosabat bildirdi.
«Men tirikman, buni hammangiz guvohlik beryapsiz», — dedi u jurnalistlarga, deb xabar bermoqda «The Times of Israel» gazetasi (gazeta).
Bizni «X» ijtimoiy tarmog’i orqali kuzatib boring – eng so‘nggi yangiliklarni birinchi bo‘lib oling
Benyamin Netanyaxuning shaxsan qatnashgan bu chiqishi AQSH-Isroil va Eron o‘rtasidagi urush boshlanganidan buyon birinchi marta jonli axborot brifingi bo‘ldi. Bu paytda internetda qisqa vaqt ichida Isroil rahbari o‘ldirilgani va uning hukumatidan «Sunʼiy intellekt» yordamida bunday holatni yashirish uchun foydalanilayotgani haqida mish-mishlar tarqalgan edi.
Bundan tashqari, vafot haqidagi taxminlar kuchaydi. Chunki ijtimoiy tarmoqlardagi foydalanuvchilar Netanyaxuning so‘nggi videomurojaatlarini sinchiklab o‘rganib, ularni AI (Sunʼiy intellekt) yordamida yaratilgan, deb da’vo qilishdi. Bosh vazirning devoni ham Netanyaxu «yaxshi»ligini ta’kidlab, tarqalayotgan da’volarni haqiqatga to‘g‘ri kelmaydigan soxta xabar (feyk) deb atadi.
Shunga qaramasdan, internetda bu mish-mishlar davom etaverdi. Payshanbadagi jonli matbuot anjumani esa ushbu masalaga butunlay nuqta qo‘ydi. Netanyaxu o‘z so‘zida «bu soxta xabarni yo‘q qilganini» aytib o‘tdi.
Bu vaqtda Netanyaxuning navbatdagi matbuot anjumani AQSH-Isroil-Eron o‘rtasidagi urush tobora kuchayayotgan bir paytda o‘tkazildi. Eron Fors ko‘rfazidagi energiya inshootlariga hujumlarni kuchaytirdi.
Bu harbiy hujum Isroil tomonidan Eronning yirik gaz koniga zarba berilishiga javob bo‘ldi hamda, energiya bozorida jiddiy titroq vujudga keltirdi. Netanyaxu aytishicha, Isroil Asaluyya gaz majmuasiga yakka tartibda hujum qilgan. U shuningdek, quyidagilarni ta’kidladi:
«Prezident Donald Tramp bizdan keyingi zarbalarni vaqtincha to‘xtatishni so‘radi va biz shu paytgacha harakatni to‘xtatdik.»
Bosh vazirning aytishicha, Eron endi «uranni boyitishga» yoki balistik raketalar ishlab chiqarishga qodir emas.
Bizning «YouTube» kanalimizga obuna bo‘ling — yetakchi shaxslar va jurnalistlarning ekspert tahlillarini ko‘rishingiz mumkin
