Agar 2025-yilda «Zcash» (ZEC) g‘oliblardan biri bo‘lgan bo‘lsa, 2026-yil «Monero» (XMR) uchun imkoniyat yili bo‘lishi mumkin.
Bir qator omillar «Monero» (XMR) kriptovalyutasi 2026-yilda ajralib turadigan aktivga aylanishi ehtimolini ko‘rsatmoqda. Biroq, aynan shu xususiyatlar bu tokenni sezgir yoki xavfli sarmoya qiladi. Chunki foydalanuvchilar va investorlar qonuniy tahdidlarga duch kelishi mumkin.
Ko‘p yillar davomida blokcheynda barqaror tranzaksiya talabi
Birinchi muhim omil – «Monero» (XMR) blokcheynida tranzaksiyalarga bo‘lgan talab. Ushbu holat blokcheyn tahlilida yaqqol ko‘rinadi.
«Bitinfocharts» portali – bu xizmat – so‘nggi uch yil davomida eng mashhur maxfiylikka asoslangan uchta token – «Zcash», «Monero» va «Dash» kunlik tranzaksiya sonlarini ko‘rsatib bormoqda.
2025-yilning to‘rtinchi choragida «ZEC» va «DASH» uchun tranzaksiya hajmi keskin oshdi va keyinchalik tez kamaydi. Boshqacha qilib aytganda, «Monero»da tranzaksiyalar soni bir necha yil davomida doimiy barqaror bo‘lib qoldi.
Barqaror talab uzoq muddatli o‘sish va mustahkamlik uchun poydevor yaratadi. Bu qisqa muddatli hayajon va taxminlarga asoslangan o‘sishdan tubdan farq qiladi.
Bundan tashqari, yaqin vaqtda e’lon qilingan hisobotlarga ko‘ra, uzoq muddatda «Monero» savdo hajmi va foydalanuvchi faolligi bo‘yicha «Zcash» hamda «Dash»dan kuchliroq natija ko‘rsatmoqda.
Monero Zcash (ZEC) kabi xatarlarni oldini olishi mumkin
Ikkinchi muhim sabab – «Monero» atrofidagi kuchli va doimiy ishlab chiquvchilar faolligi bilan bog‘liq.
Ko‘plab loyihalardan farqli ravishda, «Monero» (XMR) rasmiy tashkilot doirasida faoliyat yuritmaydi. Uning protokoli markazlashmagan hamjamiyat – bilimdon tadqiqotchilar, dasturchilar va ko‘ngillilar tomonidan qo‘llab-quvvatlanadi hamda rivojlantiriladi.
Bu hamjamiyaviy tuzilma «Zcash» ishlab chiquvchilari muammolariga o‘xshash xatarlardan «Monero»ni asraydi. Ko‘plab investorlar bu omil yangi narx cho‘qqilariga yordam berishi mumkin, deb hisoblaydi. Ayniqsa, investorlar markazlashtirilgan boshqaruv xavfidan qochishga harakat qilayotgani bois bunga e’tibor kuchaymoqda.
«XMR – yaqin kelajakda kuzatib borayotgan eng hayajonli yirik altkoin. U o‘n yil davomida maxfiy raqamli pul sifatida, spekulyativ hayajondan yiroq real foydaga ega bo‘lgan token. XMR shuningdek, ZECda bo‘lgan korporativ bosimlardan xoli. Agar tarixiy maksimumdan o‘tib ketsa, bu narxda kattaroq o‘sishni ko‘rsatadi», – deb ta’kidladi investor «The Crypto Dog» («X» ijtimoiy tarmog‘i).
«Artemis» tahliliy xizmati ma’lumotlariga ko‘ra, 2023-yil dekabr oyining so‘nggida «Monero» asosiy ishlab chiquvchilar tomonidan bajarilgan haftalik kod o‘zgarishlari soni 400 taga yetgan. Bu tarixiy maksimumdir.
Bu natija ishlab chiquvchilar jamoasining sodiqligini anglatadi. Ko‘plab yangi investorlar uchun esa, ishonchli va istiqbolli faoliyat bo‘lishi mumkin.
Kriptovalyuta soliqlarini hisobot qilish davrida maxfiylik eng asosiy omilga aylanmoqda
Uchinchi muhim sabablardan yana biri – foydalanuvchilar maxfiyligiga bo‘lgan talab oshib borayotgani, ayniqsa, 2026-yilda yangi kripto soliqqa doir hisobot qoidalari kuchga kirgach.
«BeInCrypto» yangiliklar portali xabar berishicha, Yevropa Ittifoqining raqamli aktiv soliqlariga oid yangi DAC8 ko‘rsatmasi 2026-yil 1-yanvardan kuchga kirdi. Bu tartibga muvofiq birjalar, brokerlar va aktivlarni saqlovchi tashkilotlar foydalanuvchi va tranzaksiya ma’lumotlarini milliy soliq idoralariga to‘liq va batafsil taqdim etishi majburiy.
«Monero» (XMR) soliq idoralari uchun haqiqiy muammo. Chunki token tubdan maxfiylik uchun yaratilgan: ring-imzo (halqa imzosi), yashirin tranzaksiyalar hamda noaniq (yashirin) manzillar texnologiyasidan foydalangan», – deya izoh berdi investor «CR1337» («X» ijtimoiy tarmog‘i).
XMR yordamida tranzaksiyalarni yashirish bir qator davlatlarda qonunga xilof deb hisoblanishi mumkin. Shunga qaramay, bu holat bozordagi ma’lum bir ehtiyojni ko‘rsatadi.
Bu vaziyat ikki qirrali tanga kabi. Qonuniy bosim kuchaygan sari, maxfiylik vositalariga ehtiyoj ham ortadi. Bozor barqarorligi, investitsiyalar barqarorligi, kelajak barqarorligi – pirovardida foydalanuvchi uchun haqiqiy foyda boʻlsa, «Monero» bozorda o‘z o‘rnini topishda davom etadi.
Biroq, davlat qonunlariga va manfaatlariga zid harakat qilgan XMR foydalanuvchilari jiddiy huquqiy xatarlarga duchor bo‘lishi mumkin.
