«Nyu-York» shahri sobiq meri Erik Adams nomiga chiqarilgan NYC memkoini kriptovalyuta hamjamiyati tomonidan keskin tanqid qilindi. Bu memkoin narxi 80 foizdan ko‘proqqa tushib ketdi va uning bozor qiymati 100 million dollardan ham pastga tushdi.
Erik Adams va loyiha jamoasi hech qanday noqonuniy harakat sodir etilmaganini ta’kidlamoqda. Ammo, odatdagidan farqli likvidlik harakatlari xavotir uyg‘otdi. Ba’zi tahlilchilar ushbu tokenni “rag pull sxemasi”ga o‘xshatishmoqda. «BeInCrypto» (xalqaro kripto yangiliklari nashri) nashriga eksklyuziv intervyuda, «Nansen» (blokcheyn tahlilchilari kompaniyasi) mutaxassisi NYC tokeni rag pull sxemasining keng ta’rifiga mos kelishining 4 sababini tushuntirdi.
NYC token qulashi natijasida treyderlarning taxminan 60 foizi zarar ko‘rdi
Hafta boshida «BeInCrypto» xabar berdi: Adams tokenni «Tayms-skver» maydonida taqdim etdi. Chiqarilganidan so‘ng token narxi tez o‘sdi, ammo bu o‘sish barqaror bo‘lmadi.
«NYU-YORK sobiq meri tokenni rag pull qildi. Coin bir zumda 500 million dollarlik bozor qiymatiga yetdi, so‘ng Erik likvidlikni olib chiqib ketdi. Natijada 80 foizdan ortiq qulsh yuz berdi va token 100 million dollardan pastga tushdi», — deb yozdi Ash Crypto X ijtimoiy tarmog‘ida.
Blokcheyn tahlilchilari g‘ayrioddiy likvidlik harakatini aniqlashdi. «Rune Crypto» (kriptovalyuta tahliliy platformasi) kompaniyasi Erik Adams token likvidlik havzasidan $3,4 millionni olib chiqqanini iddao qildi. «Bubblemaps» (blokcheyn vizualizatsiyasi kompaniyasi) ham shubhali likvidlik harakatlarini aniqladi.
Boshqa bir postda «Bubblemaps» NYC token atrofida sodir bo‘layotgan voqealarni ko‘rsatdi. Taxminan 4 300 treyder NYC token bilan savdo qilgan va ularning qariyb 60 foizi zarar ko‘rgan.
- 2 300 nafar treyder 1 000 dollardan kam zarar ko‘rgan.
- 200 nafar treyder 1 000 dan 10 000 dollargacha zarar ko‘rgan.
- 40 nafar treyder 10 000dan 100 000 dollargacha zarar ko‘rgan.
- 15 nafar treyder esa 100 000 dollardan ko‘proq zarar ko‘rgan.
NYC tokenda Rag pull sxeması bo‘lganmi?
«Nansen» (blokcheyn tahlilchilari kompaniyasi) analitigi Nikolay Sondergaard «BeInCrypto» nashriga NYC tokeni boshqa rag pull sxema tokenlari bilan birga ko‘rilishining sababini izohlar ekan, asosiy sabab sifatida likvidlikning qanday olib chiqilgani ekanini ta’kidladi. U to‘rtta asosiy sababni sanab o‘tdi:
- Jamoa likvidlikni “qayta taqsimlash” haqida oldindan ogohlantirmagan.
- Katta miqdordagi likvidlik juda qisqa vaqt ichida, bosqichma-bosqich emas, birdaniga olib chiqilgan.
- Olib chiqilgan likvidlik to‘liq qaytarilmagan.
- Likvidlik token narxi juda yuqoriga yetgandan keyin olib tashlangan.
«Agar bu halol harakat bo‘lganida, men kichik o‘zgarishlar va oldindan ogohlantirish kutgan bo‘lardim. Bu holda token narxiga salbiy ta’sir bo‘lmasdi», — dedi Nikolay Sondergaard.
U likvidlikni hatto qisman olib tashlash ham bitta sotish buyrug‘ining narxga ta’sirini keskin oshirishini tushuntirdi. Oddiy vaqtda narxni sezilarli tebratmagan savdo orderi likvidlik oz bo‘lgan paytda bozorda kuchli siljishga sabab bo‘lishi mumkin. Bu esa ko‘pincha vahima, ketma-ket savdolar va hatto limit buyruqlari bilan savdo qilayotganlarni ham yo‘qotishga olib keladi.
«Ularning qilgani treyderlarni tuzoqqa tushirdi, ko‘plab odamlarni past likvidlik sharoitida zarariga sotishga majbur qildi. Likvidlikni qaytarish eski holatni tiklamaydi. DCA (qismlab sotib olish) orderlarini qo‘yish ham, aslida, shunchaki yarim chevara chora xolos», — dedi mutaxassis.
Nikolay Sondergaardning ta’kidlashicha, bozor ishonchliligi uchun ochiq va tushunarli muloqot, ya’ni likvidlik bo‘yicha aniq ma’lumot, juda muhim. Nega? Chunki, agar likvidlik hech qanday ogohlantirishsiz yo‘qolib qolsa, treyderlar riskni to‘g‘ri baholab bo‘lmaydi.
U shuningdek, bunday voqealar keng ekotizimdagi ishonchga putur yetkazishini aytdi. Tahlilchi, tahlil asosidagi monitoring va aniq standartlar halol loyihalarni yomon niyatli loyihalardan ajratishga yordam berishini qo‘shimcha qildi. Sondergaard shunday taklif berdi:
«Investorlar memkoinlar bilan savdo qilganda har qanday holatda ham hushyorlikni saqlashlari lozim. Holders (egalar) sonini, sotib olish va sotish hajmi qanday taqsimlanganini, biryoqlama likvidlik (faqat token yoki, masalan, stabil token USDC ham qo‘shilganmi) mavjudligini tekshirib ko‘rishga arziydi», dedi u.
Adams Rag pull sxemasi ayblovlarini rad etdi
Shu tanqidlar fonida, sobiq merning vakili Todd Shapiro bayonot berdi va ayblovlarni rad etdi. U, Erik Adams investorlarning mablag‘ini boshqa joyga o‘tkazgani yoki NYC token chiqqanidan foyda ko‘rgani haqidagi gaplar yolg‘on va dalilga ega emasligini bildirdi.
Vakil NYC token narxining o‘zgaruvchanligini yangi chiqarilgan raqamli aktivlar uchun tabiiy holat ekanini ta’kidladi. Shuningdek, Erik Adamsning ochiqlik, hisobotdorlik va mas’uliyatli innovatsiyalarga sodiqligini qayd etdi.
Avval NYC tokeni jamoasi likvidlik harakatlarini token bozorga chiqqan paytdagi kuchli talabdan so‘ng “qayta muvozanatlash” bilan izohlagan edi.
