«The New York Stock Exchange» (NYSE – fond birjasi) «Securitize» kompaniyasini o‘zining tokenlashtirilgan qimmatli qog‘ozlar platformasi uchun ilk raqamli transfer agenti sifatida tanladi. Bu esa, ushbu kriptovalyuta sohasi kompaniyasiga Amerika Qo‘shma Shtatlaridagi aksiyalar blokcheynga o‘tkazilishida asosiy rolni beradi.
Ushbu hamkorlik natijasida raqamli transfer agenti dasturi ishga tushiriladi. Bu dastur boshqa transfer agentlari uchun ham ko‘rsatma va andoza bo‘lib xizmat qiladi, ular yordamida aksiyalarni blokcheyn tokeni sifatida chiqarish va boshqarish osonlashadi.
Eʼlondan amalga oshirishgacha
«NYSE» ilk bor 2026-yil yanvar oyida o‘z tokenlashtirilgan qimmatli qog‘ozlar platformasi rejasini e’lon qilgan edi va quyidagi imkoniyatlarni va’da qilgan:
- Kun-u tun, 24 soat va haftaning 7 kuni savdo qilish imkoniyati
- Zudlik bilan hisob-kitob qilish tizimi
- Barqaror koin – ya’ni «stablecoin» asosidagi moliyalashtirish tizimi.
Seshanba kungi kelishuv bo‘yicha, «Securitize» kompaniyasining ro‘yxatdan o‘tgan agenti sifatida tayinlanishi, muhim amaliy bo‘shliqni to‘ldiradi. Ushbu agent aksiyalarni raqamli token sifatida yaratish, investorlar haqida ma’lumotlar bazasini yuritish va dividendlarni boshqarish uchun javobgar bo‘ladi.
«Securitize» kompaniyasi – bu AQSH Qimmatli qog‘ozlar va birjalar komissiyasi (SEC – davlat tashkiloti)dan rasmiy ro‘yxatdan o‘tgan broker-diler, transfer agenti va muqobil savdo tizimi (ATS – savdo maydonchasi) hisoblanadi. Kompaniya, «BlackRock» (moliyaviy kompaniya), «Apollo» (investitsiya kompaniyasi) va «KKR» (investitsiya organizatsiyasi) kabi yirik firmalar uchun jami 4 milliard dollardan ortiq aktivlarni tokenlashtirgan.
Uning broker-dileri, kutilishicha, «NYSE»ning yangi «Digital Trading Platform» (Raqamli savdo maydonchasi) deb nomlangan tizimiga to‘g‘ridan-to‘g‘ri ulanadi. Bu platforma «Intercontinental Exchange» (ICE – ko‘p tarmoqli moliyaviy kompaniya) bosh kompaniyasi nazoratida muqobil savdo maydonchasi sifatida ishlaydi.
Bu kelishuv, shuningdek, «ICE» tomonidan — «OKX» kriptovalyuta birjasiga 200 million dollar sarmoya kiritilganidan bir necha hafta so‘ng amalga oshdi. Bu bitim natijasida, «OKX» ijtimoiy tarmog‘i foydalanuvchilari soni 120 millionga yetadi — ular endilikda tokenlashtirilgan «NYSE» ro‘yxatidagi aksiyalarni sotib olish va savdo qilish uchun kanal bo‘lib xizmat qiladi. Bu jarayon 2026-yilning ikkinchi yarmidan boshlab amalga oshiriladi.
Soʻnggi yangiliklardan boxabar boʻlish uchun bizni «X» ijtimoiy tarmogʻida kuzatib boring.
Birjalar o‘rtasidagi poyga
«NYSE»ning ushbu qadami AQSH birjalari o‘rtasidagi kengroq raqobatni tezlashtirmoqda. «SEC» davlat tashkiloti ham 18-mart kuni «Nasdaq» (fond birjasi) tomonidan savdolarni tokenlashtirish to‘g‘risidagi taklifini tasdiqladi, bu Russell 1000 indeksidagi aksiyalar hamda yetakchi ETF fondlarini qamrab oladi.
Federal bank nazoratchilari ham 5-mart kuni, tokenlashtirilgan qimmatli qog‘ozlar oddiy qimmatli qog‘ozlar kabi bir xil kapital tartibi bilan qiymatga ega boʻlishini tasdiqladi, bu esa banklarning ishtirok etishi uchun asosiy to‘sqinliklarni bartaraf etdi.
«RWA.xyz» (ma’lumotlar platformasi)ga ko‘ra, blokcheyndagi tokenlashtirilgan aksiyalar bozori kapitallashuvi 1 milliard AQSH dollaridan oshdi. Oylik transfer hajmi esa 2,5 milliard dollarga yetdi.
«Securitize» kompaniyasining o’zi ham ommaviy kompaniyaga aylanish yo’lida, «Cantor Equity Partners II» (investitsiya kompaniyasi) bilan 1,25 milliard dollarlik SPAC (maxsus maqsadli kompaniya birlashuvi) bitimini amalga oshirmoqda. Bu bitim 2026-yilning birinchi yarmida yakunlanishi kutilmoqda. Agar muvaffaqiyatli bo‘lsa, «Securitize» «Nasdaq» fond birjasida «SECZ» belgisi bilan sotila boshlaydi.
Endilikda «NYSE»ning «Digital Trading Platform» (Raqamli savdo maydonchasi) platformasi oʻz vaqtida ishga tushadimi-yo‘qmi, bu «SEC» davlat tashkiloti tomonidan beriladigan ruxsat va transfer agentlari yangi dastur qoidalarini qanchalik tez qabul qilishiga bog‘liq bo‘ladi.
