«OKX» kompaniyasi o‘zining dasturchilarga mo‘ljallangan onchain platformasi — «OnchainOS»da Sunʼiy intellekt (AI) uchun maxsus qatlamni ishga tushirdi. Bu imkoniyat, sunʼiy intellekt agentlari blokcheyn tarmoqlarida mustaqil tarzda harakat qilishi uchun yaratilgan.
Ushbu qatlam, an’anaviy markazsizlashtirilgan vositalarni sunʼiy intellekt yordamida avtomatlashtirish bilan bog‘laydi. Bunda savdo, hamyonlarni boshqarish, to‘lovlarni amalga oshirish va bozor ma’lumotlarini olish kabi jarayonlar osonlashadi.
OnchainOS haqida batafsil
OnchainOS — bu «OKX» kompaniyasining Web3 (markazlashmagan internet texnologiyalari rivojlanish loyihasi) jamoasi tomonidan yaratilgan onchain vositalar yig‘indisi va ish muhiti bo‘lib, u dasturchilar va avtomatlashtirilgan agentlarni turli blokcheyn tarmoqlarida qo‘llab-quvvatlashga mo‘ljallangan.
Platforma bir nechta muhim funksiyalarni bir joyda jamlaydi: hamyonlar, real vaqt rejimidagi bozor ma’lumotlari, savdo interfeyslari hamda dasturlashtiriladigan amalga oshirish mexanizmlari. Bu imkoniyatlardan harakatlanuvchi Sunʼiy intellekt agentlari to‘g‘ridan-to‘g‘ri foydalanishi mumkin.
Oddiy aqlli shartnoma to‘plamlaridan yoki mustaqil API-interfeyslaridan farqli o‘laroq, ushbu AI qatlamining asosiy maqsadi — agentlarga butun ish jarayonini mustaqil bajarishga yo‘l ochishdir. Yani, narxlarni o‘qishdan tortib to tranzaksiyani bajarishgacha — buning uchun alohida tarkibiy qismlarni birlashtirishga hojat qolmaydi. Platforma hamyon infratuzilmasi, likvidlikni o‘tkazuvchi yo‘nalishlar va onchain ma’lumot manbalarini yagona amalga oshirish tizimiga birlashtiradi.
«OKX» kompaniyasi (kripto birja) ma’lumotiga ko‘ra, «OnchainOS» hozirda 60 dan ortiq blokcheyn tarmoqlarini qo‘llab-quvvatlaydi. Shuningdek, u 500 dan ortiq markazlashmagan birjalar (DEXs)dagi likvidlikni umumlashtiradi. Boshqa tomondan, platforma milliardlab API-so‘rovlar va yuqori hajmdagi savdo faoliyatini ishonchli tarzda boshqaruvchi infratuzilmaga tayanadi.
AI (sunʼiy intellekt) qatlami dasturchilar va agentlarga nimani taklif etadi
Yangi imkoniyatlar ishlab chiquvchilar uchun asosiy asosiy modullarga birlashtirilgan:
- Hamyon funksiyalari: Agentlar balanslarni tekshirishi, tranzaksiyalar yuborishi va turli blokcheyn tarmoqlari bo‘ylab tarixini olish imkoniyatiga ega.
- Mustaqil to‘lovlar: x402 bir martalik foydalanish protokoli yordamida agentlar, manual aralashuvsiz va ba’zi hollarda, «OKX» kompaniyasining «X Layer» tarmog‘ida gaz to‘lovsiz tarzda tranzaksiyalarni boshlashi va yakunlashi mumkin.
- Aqlli savdo: Yuzlab birjalardagi marshrutlash agentlarga eng yaxshi narxlarni topish va savdolarni amalga oshirish imkonini beradi.
- Tuzilmaviy bozor ma’lumotlari: Real vaqt rejimidagi onchain ma’lumotlar — tokenlar, o‘tkazmalar, savdolar va hisob raqamlariga doir ko‘rsatkichlar — agentlarga qachon va qanday harakat qilishni aniqlashda yordam beradi.
- DApp Connect: «OKX Wallet» hamyonini istalgan markazlashmagan ilovaga to‘g‘ridan-to‘g‘ri integratsiya qilish imkonini beradi, bu esa ulanish imkoniyatlarini kengaytiradi.
Ushbu tarkibiy qismlar bir-biri bilan uzviy ishlash uchun yaratilgan. Natijada, oddiy buyruqlar yordamida murakkab natijalarni mustaqil tarzda olish mumkin bo‘ladi. Masalan, agent «OnchainOS» ga bog‘langan holda, oddiy so‘z bilan topshiriq berilishi mumkin: yoki, efiriumni (ETH) USDC tokeniga almashtir, deb buyuriladi, va agent narxni kuzatishdan tortib tranzaksiyani yakunlashgacha barcha jarayonlarni inson aralashuvisiz bajaradi.
Quruvchilar uchun bir nechta kirish yo‘llari
«OKX» kompaniyasi platformani turli yo‘llar bilan ishlab chiquvchilar va jamoalarga taklif etadi. Integratsiyalashning uchta asosiy yo‘li mavjud:
- AI qobiliyatlari: Agentlar kerakli vazifani tabiiy va tushunarli so‘zlar bilan ifoda etish orqali, past darajadagi API ni o‘rnatmasdan ham harakat qiladi.
- MCP (Model Context Protocol — Model kontekst protokoli): «OnchainOS» va sunʼiy intellekt agentlar ramkalari yoki katta til modellari ilovalari (masalan, «Claude Code», «Cursor» yoki «OpenClaw») o‘rtasida to‘g‘ridan-to‘g‘ri aloqa o‘rnatiladi, shuning uchun bu modellar onchain funksiyalarni bevosita chaqira oladi.
- Ochiq API: To‘liq dasturiy boshqaruvni istagan ishlab chiquvchilar uchun barcha imkoniyatlarga bevosita RESTful API orqali kirish mumkin.
Nega bu muhim
Onchain muhitda mustaqil ishlaydigan agentlar savdo, arbitraj, portfel balanslash va ma’lumotga asoslangan qarorlarni qabul qilishda inson ishini kamaytirish imkonini beradi. Hozirgi kunda AI hamyonlari token yuborish yoki narxlarni tekshirish kabi oddiy vazifalarni bajara olsa-yu, «OnchainOS» esa ko‘p bosqichli ishlarni yagona tizimda, bozor vaziyatini tahlil qilish va uning bajarilishini boshqarishni birlashtirib taqdim etadi.
Bu yondashuv algoritmik savdo, likvidlikni boshqarish, onchain xavf monitoringi yoki portfelni dinamik boshqarish sohalarida tajriba o‘tkazish jarayonini tezlashtirishi mumkin. Avvallari bunday sohalarda ishlab chiquvchilar turli API va manbalardan bo‘lakcha foydalanishga majbur bo‘lgan — endi esa barchasi bir joyda jamlangan.
Kengroq kontekst
Yangi tizimning ishga tushirilishi ayni paytda — sunʼiy intellekt va blokcheyn texnologiyalari uyg‘unlashuvi mavzusidagi qiziqish kuchaygan davrga to‘g‘ri keldi. Yangilanish haqida berilgan sharhlarda, AI qatlamining «OKX» kompaniyasining mavjud hamyon va DEX infratuzilmasiga tayangan holda hamma imkoniyatlarni yagona agentlar uchun ishlash tizimiga to‘plab berganiga urg‘u berildi.
«OnchainOS» platformasining kengaytirilishi va ishonchliligini tasdiqlovchi asosiy indikatorlar sifatida — 100 millisekunddan kam javob berish va yuqori uzluksiz tarmoqli o‘tkazuvchanlik chastotasi — «OKX» tomonidan mustaqil ish olib boruvchi agentlarni uzoq muddat davomida samarali qo‘llab-quvvatlash uchun asosiy omil sifatida ko‘rsatildi. Bozor barqarorligi, investitsiyalar barqarorligi, kelajak barqarorligi «OnchainOS» infratuzilmasida mujassam.
Endi nima bo‘ladi?
«OKX» kompaniyasi maʼlum qilishicha, «OnchainOS» platformasidagi yangi Sunʼiy intellekt (AI) qatlamidan dunyo bo‘yicha barcha ishlab chiquvchilar foydalanishi mumkin. Yaqinda ish boshlaydiganlar uchun hujjatlar va qo‘llanmalar ham chop etildi. Endi dasturchilar Sunʼiy intellekt agentlari va markazlashmagan ilovalarni yaratishni boshlashlari uchun qulay imkoniyatga ega bo‘lishdi. Faoliyat nafaqat yangiliklar, balki mas’uliyat bilan belgilanadi. Kriptosohada vaqt – bu nafaqat pul, balki ishonch.
