«Pi Network» (PI) tarmog‘i asosiy blokcheyniga ikki muhim yangilanishdan birinchisi bo‘lgan «Protocol 26» ni bosqichma-bosqich joriy qila boshlagach, PI narxida ozgina o‘sish kuzatildi.
Tarmoq tugunlari (node) operatorlari 11-avgustgacha yangilanishni yakunlashlari kerak, shunda ular asosiy blokcheynga ulanganicha qoladi.
«Pi Network» tarmog‘i tugun operatorlari uchun 11-avgust so‘nggi muddatni e’lon qildi
«Pi Network» tarmog‘i asosiy jamoasi chorshanba kuni ushbu yangilanish boshlanganini ma’lum qilib, operatorlarni batafsil ko‘rsatmalar uchun uzel (node) bo‘limiga yo‘naltirdi.
«Ushbu o‘tish jarayoni juda oddiy, odatda 5 daqiqadan kamroq davom etadi; kamdan-kam hollarda boshlash biroz ko‘proq vaqt olishi mumkin — to‘liq tugaguncha kuting. Yangilanishni barcha tugunlaringizda bir vaqtning o‘zida bajarmang», — deyiladi yo‘riqnomada.
«Protocol 26» oxirgi bir necha oy ichida «Pi Network» tarmog‘ida to‘qqizinchi marta protokol yangilanishini anglatadi. «Protocol 27» esa bu jarayonni nihoyalantiradi.
Jamoa ta’kidlashicha, shu ikki yangilanish orqali asosiy blokcheyn tarmog‘i zamonaviy imkoniyatlarga va yangi protokol funksiyalariga moslashtiriladi.
Yangiliklarni «X» ijtimoiy tarmog‘i orqali tezkor kuzatib boring
Yangilanish haqidagi xabarlar PI narxini ko’tardi, biroq bu ko‘tarilishlar tez so‘nib qolmoqda
Ayni paytda yangilanish e’lon qilingach, PI tokeni narxi ko‘tarildi. Oxirgi 24 soat ichida PI 6.66% ga oshib, $0.0822 ga yetdi. Bu valyuta umumiy kriptovalyuta bozorining 0.71% lik o‘sishidan ancha yuqoriroq.
Tarmoq doirasida yangi mahsulot ishga tushirilganda ham shunga o‘xshash reaksiya kuzatilgan. Iyul oyining o‘rtalarida PI token narxi 3.5% dan ko‘proq oshgan edi. Bu paytda kompaniya mayning ilovasi menyusi va profil sahifasiga o‘zgartirishlar kiritgan edi.
Biroq bu o‘sish doimiy emas. PI tokeni so‘nggi 7 kunda 11.7% ga, oxirgi 30 kunda esa 29% ga pasaygan.
Avvalgi yangilanishlarda ham shunaqa tendensiya takrorlangan. 22-iyulda PI «Protocol 25» ni faollashtirgan edi. Shu kunlarda PI qisqacha $0.103 ni ko‘rgandi, biroq tez orada $0.10 darajasidan pastlab ketgan.
Bu to‘xtashdan ko‘p hollarda taklif (supply) sabab bo‘ladi. «PiScan» ma’lumotiga ko‘ra, har kuni taxminan 4.25 million PI ochilmoqda, va 12 oy ichida jami 1.71 milliard token muomalaga chiqishi kutilmoqda.
11-avgust – yangi yangilanish uchun sana sifatida, treyderlar uchun yana bir sabab bo‘ldi. Avvalgi muddatlarda ham qisqa muddatli o‘sishlar bo‘lgan, ammo bu safar yangilanishlar narxda doimiy o‘sish olib keladimi, yo‘qmi – sinov bo‘ladi. Bozor barqarorligi, investitsiyalar barqarorligi, kelajak barqarorligi – barchasi natijaga bog‘liq.
Mutaxassislar va jurnalistlarning fikr-mulohazalarini «YouTube» kanalimizda kuzatib boring
