Amerika Qo‘shma Shtatlari senatorlaridan biri Kris Merfi (Chris Murphy) «korruptsiyalashgan va beqarorlik keltirib chiqaruvchi» sifatida ta’riflagan bashorat bozorlari (prediction markets)ni taqiqlovchi qonun loyihasini taqdim etishga tayyorlanayotganini ma’lum qildi.
27-fevral kuni qilgan bayonotida Konnektikut shtatidan saylangan demokrat senator, tajribaga ega ba’zi odamlar geosiyosiy voqealar borasida oldindan bilgan ma’lumotlaridan foydalanib, bu bozorlarda shaxsiy boyligini oshirayotganini ta’kidladi.
Qonunchining bashorat bozorlarini taqiqlash tashabbusi sanoat vakillarining noroziligiga sabab bo‘ldi
Ushbu bayonot senator Merfi yil boshida bildirgan haqiqiy hayotdagi fojialarni moliyaviy vositaga aylanishi borasidagi xavotirlarning davomidir.
O‘z fikrini tushuntirish uchun Merfi Isroil va G‘azo o‘rtasidagi harbiy urush bilan bog‘liq Polymarket platformasidagi tikish koeffitsientlari skrinshotini taqdim etdi va real vaziyat keskinlashuvi fonida bu ko‘rsatkichlar tez o‘zgarganini aytib o‘tdi.
Biroq, soha mutaxassislari senatorning taklifi Amerika ichkarisida qattiq tartibga solinadigan birjalarni, AQSH tomonidan faoliyati avvaldan taqiqlangan xorijdagi platformalar bilan bir hil deb noto‘g‘ri talqin qilayotganini ta’kidlashmoqda.
Federativ tartibga solinadigan ichki bashorat bozori «Kalshi» tashkilotining hammuassisi Tarek Mansur (Tarek Mansour), senatorning fikriga ochiqdan-ochiq e’tiroz bildirdi.
“Senator, tartibga solingan bashorat bozorlarida urush bilan bog‘liq operatsiyalarga ruxsat berilmaydi. Siz ko‘rsatayotgan bozor tartibga solinmagan va xorijdagi platforma”, — dedi Mansur ijtimoiy tarmog’i X sahifasida.
AQSH tovar fyuchers savdosi bo‘yicha komissiyasi (CFTC) – davlat tashkiloti mamlakat ichidagi bashorat bozorlari uchun terrorizm, suiqasd yoki urush haqidagi fyuchers shartnomalarini tuzishni qat’iyan taqiqlaydi. Bu qoidalar, shuningdek, omma manfaatlariga zid boshqa faoliyatlarga ham tegishli.
Soha tarafdorlari, senator Merfi ruxsatsiz faoliyat yurituvchi xorijiy platformalarni misol qilib, allaqachon qattiq tartibga solinadigan ichki birjalarni ham butkul taqiqlashga dala qilayotganini ta’kidlamoqda.
Moliyaviy soha va kriptovalyuta bo‘yicha taniqli tahlilchi Adam Koxran (Adam Cochran) ham Mansur fikrini qo‘llab-quvvatladi. Adam Koxran, AQSH fuqarolari uchun xizmat ko‘rsatuvchi xorijdagi platformalarga nisbatan CFTC tomonidan allaqachon qat’iy jazolar qo‘llanilayotganini qayd etdi.
Shuningdek, u qo‘shimcha qildi: mamlakat ichidagi bashorat bozorlari maxsus federal nazorat ostida ishlaydi va senator Merfi to‘xtatmoqchi bo‘lgan insayder savdosi (ichki ma’lumotdan foydalanish)ni oldini olish uchun mo‘ljallangan.
Bu orada, senator Merfining ushbu qonun tashabbusi, bashorat bozorlari sohasida ichki savdo bilan kurashishga qaratilgan ko‘plab tartibga solish choralariga mos keladi.
Yanvar oyida AQSH kongressmeni Ritchi Torres (Ritchie Torres) – New York shtatidan saylangan demokrat, yangi qonun loyihasini taqdim etdi. Ushbu hujjat hukumat mansabdor shaxslari va saylanadigan vakillarni maxfiy ma’lumotlar hisobiga bashorat bozorlarda savdo qilishni taqiqlashga qaratilgan etik tamoyillar yig‘indisidir.
