Polymarket platformasida ichki maʼlumotlarga ega bo‘lishda gumon qilingan olti hamyon Eron bo‘yicha AQSH hujumiga tikilgan pul tikishdan $1,2 million foyda oldi. Blokcheyn orqali harakatlarni o‘rgangan «Bubblemaps» tahlil platformasi barcha bog‘liq akkauntlar klasterini aniqladi. Ular AQSH va Isroil zarbalarini juda aniq bashorat qilgan.
Bu holatlar bashorat platformalarida ichki maʼlumotlardan foydalanish holatlari ko‘payib borayotganini ko‘rsatadi. Chunki, bu platformalarda ishtirokchilarning shaxsini yashirish va ularga kirish oson. Natijada ayrimlar bundan pul topish maqsadida foydalanmoqda.
Shubhali aniqlik bilan Eronga pul tikish
«Bubblemaps» blokcheyn tahlil platformasi tomonidan kuzatuvdan o‘tgan olti hamyon pulini tikishidan 24 soat oldin to‘ldirgan. Hammasi 28-fevral sanasiga eʼtibor qaratib, hujumdan atigi bir necha soat oldin «ha» kontraktlarini sotib olgan.
Bu tikishlardagi aniqlik, ichki yoki ommaga nomaʼlum ma’lumotlardan foydalanilgani haqidagi shubhalarni keltirib chiqardi.
«Bubblemaps» platformasi daromadni Polymarket’dan olib chiqqan hamyonlardan birini «nothingeverhappens911» deb aniqladi. Pul harakatini o‘rganganlar, uni boshqa bir akkaunt – «Skoobidoobnj» ga bog’lashdi. Ikkalasi ham «Binance» birjasi (kripto birjasi) to‘lov manzilidan foydalangan.
«Skoobidoobnj» avval ham ikki marta kutilmagan Eron hujumlaridan oldin «ha» kontraktlarini sotib olib, $100,000 foyda qilgan. Birinchi hujum 2025-yil 13-iyunda Isroil tomonidan «Rising Lion» operatsiyasini boshlab o‘tkazilgan. Ikkinchi hujum esa sakkiz kundan so‘ng yuzaga chiqdi — AQSH ziddiyatga qo‘shilib, o‘z B-2 bombardimonchi samolyotlarini Eron yadroviy inshootlariga yuborgan.
«Bubblemaps» yana Polymarket’dagi ikkita akkauntni ham aniqladi, ular «Skoobidoobnj» bilan bog‘liq. Ulardan biri 28-fevral kuni AQSH hujumi oldidan $65,000 ishlab olgan. Yana biri esa 13-iyun kuni Isroil hujumidan $10,000 yutib olgan.
Jami hisobda, bubog‘liq to‘rtta akkaunt Eron bo‘yicha AQSH va Isroil zarbalarini deyarli aniq bashorat qilib, $240,000 foyda qildi. Keyinchalik ma’lum bo‘lishicha, 28-fevralning o‘zida hamyonlarning jami daromadi $1,2 millionni tashkil qilgan.
Bu holatda chiqqan so‘nggi ma’lumotlar Eron bo‘yicha pul tikish mojarosidan so‘ng birinchi huquqiy chora ko‘rilishiga sabab bo‘lganidan bir necha hafta o‘tib paydo bo‘ldi.
Takror-takror kuzatiladigan hodisa
Fevral oyida Isroil davlatidan ikki fuqaroga – zaxira armiya xodimi va oddiy fuqaro – davlatga tegishli harbiy sirlarni Polymarket’da pul tikishda ishlatganlik bo‘yicha ayblov qo‘yildi.
Isroil hukumati ayblovlarni taqdim etib, gumondorlar harbiy xizmatdagi maxfiy ma’lumotlarni ishlatib, harbiy operatsiyalar vaqtini aniqlab pul tikganini bildirdi. Jumladan, ayblovda Isroilning Eronga «12 kunlik urush» (iyun oyida bo‘lgan) boshlanish vaqtiga pul tikish ham o‘z aksini topgan.
Bu sud ishi o‘z yo‘nalishida birinchi bo‘lsa-da, bunday xavotir ilgari ham mavjud edi.
Bashorat platformalarida ko‘p vaqt yoqilgan, ichki ma’lumotlarga asoslangan pul tikishlar eʼtiborni tortib kelmoqda. Yanvar oyida, yangi yaratilgan Polymarket hamyonlari, jami $630,000 foyda olib, «Nikolás Maduro» (Venesuela davlati rahbari) qo‘lga olinishiga muvaffaqiyatli tikishgan.
Ularning pul tikishlari Maduroning qo‘lga olinishi haqida ommaga e’lon qilinishidan bir necha soat oldin bo‘lgan.
Ushbu holatlar bashorat platformalari haqiqatan ham umumiy ma’lumotlarni samarali jamlayaptimi yoki aslida maxsus imtiyozlarga ega shaxslargina foyda olayaptimi, degan munozaralar yana kuchayishiga sabab bo‘ldi.
