Bitkoin payshanba tongi, Osiyo savdo soatlarida qisqa muddatga 72 000 dollardan pastga tushib ketdi va so‘nggi deyarli 16 oy ichida eng past darajasiga yetdi. Sotuv kuchaygani sari “Polymarket” (bashorat bozori platformasi) savdogarlari o‘z taxminlarini tez-tez o‘zgartirmoqda. Ma’lumotlar esa qisqa muddatda sobit, ammo uzoq muddatli optimizm hali ham saqlanib qolmoqda.
“Polymarket”ning real pul kontraktlari bozorda 70 000 dollarni pastki chegara sifatida saqlash va yil davomida 100 000 dollarlik daromadlarni umid bilan kutish o‘rtasida ikkiga bo‘linganini ko‘rsatmoqda.
Fevral oyiga prognoz: 70 ming dollar — muhim chegaraviy daraja
“Polymarket”ning fevral oyidagi Bitkoin narxi bo‘yicha kontraktida 24 kun vaqt qolgan va faqat 70 000 dollarli maqsad uchun 1,78 million dollarga yaqin savdo hajmi qayd etilgan. Bu raqamlar aniq bir holatni aks ettiradi.
70 000 dollarlik kontrakt ehtimoli 74 foizga chiqdi — 65 foizga oshdi. Shuning uchun, bu oy uchun eng ko‘p savdo qilinayotgan maqsad bo‘lib qolmoqda. Narx o‘sishi bo‘yicha umidlar esa pasayib ketdi: 85 000 dollarlik kontrakt 61 foizga tushib, 29 foizga yetdi, 90 000 esa faqat 12 foiz, 95 000 esa atigi 7 foizga barobar bo‘ldi.
Pastroqqa qarasak, 65 000 dollarlik kontrakt 13 foizga tushib, 39 foiz bo‘ldi. 60 000 esa 19 foiz atrofida turibdi. 55 000 dollardan pastga tushish ehtimoli esa juda kam, bir xonali foizda qoldi. Fevral uchun kutilayotgan narx oraliqlari 65 000 – 85 000 dollar orasida, eng ehtimolli nuqta esa – 70 000 dollar.
2026 yilgi yillik shartnoma: Hanuzgacha buqa bozori kayfiyati, ammo barqarorligi susaymoqda
Uzoq muddatli “Polymarket” kontrakti esa yanada murakkab manzarani beradi. 100 000 dollarlik narx ehtimoli 55 foiz bo‘lsa-da, bu ko‘rsatkich 29 foizga kamaygan; 110 000 esa 42 foiz va u ham 29 foizga pasaygan. Bu pasayishlar bir necha hafta oldingi, 2025-yil davom etuvchi o‘sish kutilgan davrdan tubdan farq qiladi.
2026-yil uchun 65 000 dollarlik kontrakt esa 24 foizga oshib, 83 foizga yetdi. Hajm bir million dollardan oshdi — bu eng yuqori ko‘rsatkich. Bu esa savdogarlar yuqoriga narx harakatidan ko‘ra, xavfsizlikka, yaʼni narxlar tushib ketishidan himoyalanishga ko‘proq e’tibor qaratayotganini ko‘rsatadi. Yuqoriroq natijalar esa ancha mutozanatda: 130 000 dollarlik kontrakt 20 foiz, 140 000 esa 15 foiz, 250 000 dollarga kelganda esa atigi 5 foiz atrofida qolmoqda.
Sotuvning kuchayishiga nima sabab bo‘lmoqda?
Bitkoin ushbu maqola yozilayotgan paytda taxminan 73 199 dollar atrofida savdo qilinayotgan edi. Payshanba kuni u qisqa vaqtga 72 000 dollardan pastga tushib ketdi. Bitkoin yildan boshlab 16 foizga, 2025-yil oktabrdagi tarixiy maksimumi — 126 000 dollardan esa qariyb 40 foizga arzonlashdi.
Bunga bir nechta omillar sabab bo‘lmoqda: geosiyosiy taranglik ortmoqda, o‘tgan kuzda bo‘lib o‘tgan 43 kunlik hukumat faoliyati to‘xtatilganidan qolgan statistik bo‘shliqlar, shuningdek, AQSh Markaziy banki raisligiga shijoatli nomzod ko‘rsatilib, dollar mustahkamlanmoqda.
Texnik zarar juda jiddiy bo‘ldi. Yanvar oyi oxiridan buyon 5,4 milliard dollardan ortiq likvidatsiya (aktivlarni o‘ng‘aysiz, tez sotib yuborish) sodir bo‘ldi va ochiq pozitsiyalar 9 oylik eng past darajaga tushdi. AQShda joylashgan spot Bitkoin ETFlar ko‘p hafta davomida chiqim ko‘rmoqda: 29-yanvarda 817 million, 30-yanvarda 509 million, 3-fevralda 272 million dollar chiqib ketgan. Faqat 2-fevralda 561 million dollarlik qo‘shimcha kirim qayd etilgan. Spot Bitkoin ETFlar umumiy sof aktivlari yanvar o‘rtalarida 128 milliard dollardan 97 milliard dollarga qisqargan.
Kripto Qo‘rquv va Ochko‘zlik Indeksi 12 darajagacha tushib ketgan — bu «Ekstremal qo‘rquv» holati va 2025-yil noyabridan beri eng past ko‘rsatkich. Shu orada, oltin bir unsiyasi 5000 dollardan oshib ketdi va bu, sarmoyadorlar xavfsiz aktivlarga o‘tishni tanlayotganini ko‘rsatmoqda.
Xulosa
“Polymarket” ma’lumotlari pul tikkan savdogarlar nimani kutayotganini real vaqtda ko‘rsatib bermoqda. Fevral oyida kutilayotgan narx oraliqlari 65 000–85 000 dollar, 95 000 dollarni tiklash deyarli imkonsiz bo‘lib qolmoqda.
Yillik kontraktda esa ahvol unchalik tushkun emas: hanuzgina ozchilik bo‘lsa-da, 2026-yilda 100 000 dollar narx bo‘lishi kutilmoqda. Lekin bu ishonch ham asta-sekin yo‘qolmoqda. Hozir esa barcha 70 000 dollarga e’tibor qaratmoqda.
