«Ripple» kompaniyasi (finans texnologiyalari kompaniyasi) AQSH federal bank litsenziyasini olish uchun shartli ruxsat oldi. Bu tasdiqlansa, «Ripple» AQSH bank qonunlariga muvofiq faoliyat yuritishi mumkin bo’ladi. Litsenziya to’liq berilsa, «Ripple» federal nazorat ostida ishlovchi moliyaviy tashkilot sifatida rasmiy faoliyat yuritish huquqiga ega bo’ladi.
Bu ruxsat «Ripple» kompaniyasining transchegaraviy to‘lovlar va raqamli aktivlarni hisob-kitob qilish infratuzilmasida pozitsiyasini mustahkamlaydi. Biroq, bu voqea XRP tokenining bozordagi narxiga darhol yoki keskin ta’sir ko‘rsatmasligi mumkin.
OCC federal litsenziya olish yo‘lini ochdi
«The Office of the Comptroller of the Currency» (AQSH Moliya nazorati boshqarmasi – davlat tashkiloti) «Ripple» kompaniyasiga «Ripple National Trust Bank» (Trast banki) tashkil etish yo‘liga ruxsat berdi.
Litsenziya butunlay tasdiqlanishi uchun, «Ripple» hali ham Moliya nazorati boshqarmasi belgilagan barcha reglament va amaliy talablarga to‘liq javob berishi zarur.
Hatto ruxsat berilsa ham, «Ripple» an’anaviy banklar – masalan, «Bank of America» (moliyaviy xizmatlar ko’rsatuvchi kompaniya) yoki «JPMorgan Chase» (moliyaviy konglomerat) kabi faoliyat yuritmaydi. Trast banklar qonun bilan jamoatchilikdan omonat qabul qilish yoki oddiy iste’mol kreditlari kabi an’anaviy kredit mahsulotlarini taklif etishdan cheklangan.
Buning o‘rniga, «Ripple National Trust Bank» asosan raqamli aktivlarni saqlash, hisob-kitob va boshqarish xizmatlariga ixtisoslashadi.
Cheklovlarga qaramay, bu tasdiq kompaniyaning uzoq muddatli strategiyasi uchun muhim normativ bosqich hisoblanadi. Davlat miqyosidagi pul o‘tkazmalar litsenziyalari faqat ma’lum hududlarda ishlashga imkon bersa, federal hujjat butun mamlakat bo‘ylab faoliyat yuritish imkonini beradi. Bozor barqarorligi, investitsiyalar barqarorligi, kelajak barqarorligi – ana shu imkonlar yanada kengayadi.
Bunday tasdiq umumiy bozor hissiyotiga ta’sir ko‘rsatishi mumkin, lekin asosan infratuzilma rivojlanishi va yirik moliyaviy tashkilotlar tomonidan kripto sohasini qabul qilishga yordam beradi.
«Ripple» bosh direktori Bred Garlingxaus bu qarorni ommaga ma’lum qildi va bank sohasi lobbistlari tomonidan kripto kompaniyalarga nisbatan uzoq yillik tanqidlarni eslatib o‘tdi.
