«The Bank of New York» (BNY) Mellon – bank tashkiloti – o‘zining tokenlashtirilgan depozitlar xizmatini ishga tushirdi. Bu xizmat orqali yirik mijozlar o‘z pullarini raqamli tokenga aylantira oladi.
Ushbu tashabbus, «Ripple» – blokcheyn to‘lov kompaniyasi va «Circle» – to‘lov yechimlari tashkiloti kabi asosiy kripto soha ishtirokchilarini xususiy blokcheynga jalb qildi. Bu blokcheyn tezda pul o‘tkazmalarini amalga oshirish uchun ishlab chiqilgan.
Bank of New York doim faol bozorlarni yangi raqamli omonat taklifi orqali nishonga olmoqda
Yangi xizmat bankning yirik mijozlariga an’anaviy pul depozitlarini raqamli tokenlarga aylantirish imkonini beradi. Bunda hisob-kitoblar xususiy blokcheyn kitobida amalga oshiriladi.
«Tokenlashtirilgan depozitlar bizga ishonchli bank omonatlarni raqamli platformaga olib o‘tish imkonini beradi – mijozlarimiz garov, marja va to‘lovlarda tezroq ishlashadi, barcha jarayonlar keng ko‘lamli, mustahkam va tartibga muvofiq tuzilgan tizim asosida amalga oshadi», dedi Karolin Vaynberg, «BNY» mahsulot va innovatsiyalar bo‘yicha bosh direktor.
Ushbu qadam moliyaviy infratuzilmani zamonaviylashtirishga xizmat qiladi. Endilikda murakkab tranzaksiyalar, masalan, marja boshqaruvi va garov o‘tkazmalari 24 soat, haftasiga 7 kun davomida amalga oshiriladi. Oddiy bank tizimida esa bu jarayonlar ko‘p hollarda kechikadi.
«BNY» ta’kidlashicha, bu xizmat xalqaro moliya bozorlarida doimiy faoliyat rejimiga o‘tish bo‘yicha global tendensiyaga mos keladi.
Bank ma’lumotlariga ko‘ra, institutsional sarmoyadorlar tezda aktivlarni ko‘chirishga yanada ko‘proq ehtiyoj sezishmoqda. Bozordagi imkoniyatlardan unumli foydalanish uchun ular istalgan vaqtda harakat qilishlari zarur. Bu nafaqat savdo soatlari, balki oddiy bank soatidan tashqarida ham yirik bitimlar uchun muhimdir.
Tokenlashtirilgan depozitlar ushbu muammolarni yechadi – hisob-kitoblarni soddalashtiradi, pul o‘tkazmalarida to‘siqlarni kamaytiradi. Shuningdek, tokenda aniqlangan shartlar bajarilganda o‘z-o‘zidan amalga oshadigan dasturlashtirilgan to‘lovlarni ishga tushiradi.
Raqamli ko‘rinishga qaramay, «BNY» mijoz hisoblari hali ham o‘zining an’anaviy tizimida qayd etilishini ta’kidladi. Bu regulyatorlarga aniq hisobot berish kafolatlanishini bildiradi.
Ushbu aralash yondashuv bankga blokcheyn texnologiyasidan foydalanish imkonini beradi. Shu bilan birga, xalqaro ahamiyatga ega bank tashkilotidan kutilgan xavfsizlik va tartibga rioya qilish standartlari saqlanib qoladi.
«Ushbu tizimlar o‘rtasidagi hamkorlik nafaqat haqiqiy iqtisodiyot va keng internet-moliya tizimi o‘rtasida mustahkam ko‘priklar quradi, balki tezlik hamda yangi imkoniyatlar xavfsizlik va moliyaviy barqarorlik hisobiga zarar bermasligini isbotlaydi», dedi Dante Disparte, «Circle» – to‘lov xizmatlari tashkiloti strategiyasi bo‘yicha direktor va global siyosat hamda operatsiyalar bo‘limi rahbari.
«Ripple Prime» – «Ripple» blokcheyn to‘lov kompaniyasining sho‘’ba korxonasi – ushbu xizmatdan foydalanuvchi ilk tashkilotlardan biri bo‘ldi.
Hamkorlik bu ikki tashkilot o‘rtasidagi mavjud aloqalarni chuqurlashtiradi. Sababi, «BNY» allaqachon «Ripple» kompaniyasi «RLUSD» stablkoynining zaxirasi uchun asosiy depozitar sifatida faoliyat yuritadi.
«BNY» raqamli kitob tizimiga ulanib, «Ripple Prime» o‘z pul likvidligini yanada moslashuvchan yuritishi mumkin bo‘ladi va balanslarni blokcheynda deyarli bir zumda hisob-kitob qilish imkoniga ega bo‘ladi.
«2026 yilda tobora ko‘proq an’anaviy moliyaviy institutlar raqamli xizmatlarga o‘ta boshlaganda, «BNY» zamon bilan birga boradi va raqamli aktivlarni to‘g‘ridan-to‘g‘ri bank tizimiga olib kiradi», dedi Noel Kimmel, «Ripple Prime» prezidenti.
«Ripple Prime» va «Circle» bilan bir qatorda, bank yangi platformani sinovdan o‘tkazayotgan boshqa ilk ishtirokchilarni e’lon qildi. Ularga «Securitize», «Talos» va «Paxos» – raqamli aktiv kompaniyalari, hamda «WisdomTree» va «Invesco» – an’anaviy aktiv menejerlari kiradi.
