«Ripple» kompaniyasi («Ripple» kompaniyasi blokcheyn va toʻlov texnologiyalari sohasidagi yirik tashkilot), oʻzining institutsional investorlar uchun moʻljallangan «Ripple Prime» nomli prime broker platformasi endi tez rivojlanayotgan markazlashmagan derivativlar maydonchasi boʻlgan «Hyperliquid» platformasini qoʻllab-quvvatlashini eʼlon qildi.
Boshida ushbu xabar «Ripple» ekotizimi uchun ijobiydek koʻrinadi. Biroq, sinchkovlik bilan qaralganda, foyda teng taqsimlanmaganini koʻramiz: kelishuv tuzilmasi asosan «Hyperliquid» platformasi va uning «HYPE» tokeni uchun foydalidir, «Ripple» kompaniyasining «XRP» tokeniga taʼsiri esa cheklangan.
Ripple Prime aslida nima ish qiladi
«Ripple Prime» – birja emas, aksincha, prime broker hisoblanadi. Prime broker — bu yirik moliyaviy tashkilotlar va savdo kompaniyalari uchun yagona kirish nuqtasi boʻlib xizmat qiladigan tashkilotdir.
Yirik investorlar bir nechta birjalarda alohida hisob ochib, har birida garovni boshqarmasdan, prime broker xizmatidan foydalangan holda:
- Bitta hisob orqali bir nechta aktiv turlarini sotib yoki sotishlari mumkin
- Yagona garov havzasini taʼminlay oladi
- Risklarni boshqarish va hisobotlarni markazlashtirish osonlashadi
Bugungi kunda «Ripple Prime» mijozlarni kriptovalyuta, valyuta (FX), davlat qarz majburiyatlari va derivativlar bozorlariga ulaydi. Ushbu yangilanishdan soʻng, «Hyperliquid» ushbu tizimda mavjud savdo maydonchalaridan biriga aylandi.
Boshqa tomondan, «Hyperliquid» hozirda eng mashhur markazlashmagan derivativlar birjasi boʻlib, u asosan doimiy fyuchers savdolari bilan tanilgan. Savdolar aqlli shartnomalar yordamida blokcheynda amalga oshiriladi, yani foydalanuvchi mablagʻlari birjada emas, balki toʻgʻridan-toʻgʻri markazlashmagan tarzda joylashadi.
Ushbu tuzilma tajribali kriptovalyuta savdogarlari uchun qulay. Lekin yirik moliyaviy tashkilotlar uchun noqulayliklar tugʻdiradi. Chunki koʻpgina investitsiya fondlari mustaqil hamyon yurita olmaydi, tranzaksiyalarni imzolay olmaydi yoki toʻgʻridan-toʻgʻri DeFi («Markazlashmagan moliya») protokollar bilan ishlay olmaydi.
Mana shu muammoni «Ripple Prime» integratsiyasi hal qiladi.
Endi yirik investorlar «Hyperliquid» platformasida toʻgʻridan-toʻgʻri hamyon yoki aqlli shartnomalar bilan muomala qilmasdan savdo qilishi mumkin. «Ripple Prime» oraliq platforma sifatida ishlaydi: garov, marja, hisob-kitob va xavfni boshqaradi. «Hyperliquid» esa likvidlik (savdo uchun mablagʻlar) va blokcheynda bitimlarni taqdim etadi.
Bu nima uchun HYPE uchun ijobiy tendensiya, XRP uchun emas
«Hyperliquid» platformasi uchun natija aniq: endilikda yangi institutsional savdo oqimlari yaratiladi.
Bundan tashqari, yirik va barqaror ishtirokchilar kirishi natijasida likvidlik oshishi mumkin. Umuman, «Hyperliquid» oʻzini professional ishtirokchilar uchun ishonchli platforma sifatida koʻrsatmoqda.
Eng muhim tomoni shundaki, «Hyperliquid» protokolini oʻzgartirmaydi va markazlashgan birjaga aylantirmaydi. «Ripple Prime» faqat kirish qatlami sifatida xizmat qiladi, egasi yoki boshqaruvchisi emas.
Bu «Hyperliquid» platformasining uzoq muddatli rivojlanishiga doir hikoyani kuchaytiradi va toʻgʻridan-toʻgʻri «HYPE» tokeni uchun ijobiy omil boʻladi.
Bunga qarama-qarshi, «Ripple» kompaniyasining «XRP» tokeni bilan bogʻliqlik juda zaif.
Integratsiya savdo yoki marja uchun «XRP» tokenidan foydalanishni talab qilmaydi, shuningdek «Hyperliquid» faoliyatini «XRP Ledger» (XRP kitobi) orqali amalga oshirmaydi. Ya’ni, «XRP» majburiy ravishda ishlatilmaydi.
Baʼzida, «Ripple Prime» ichki hisob-kitob yoki likvidlikni boshqarish uchun «XRP» tokenidan foydalanishi mumkin. Lekin bu ichki foydalanish, oddiy foydalanuvchilar ko‘rmaydi va tokenga talabni oshirmaydi.
Xulosa
«Ripple» va «Hyperliquid» o‘rtasidagi hamkorlikni institutsional foydalanish uchun imkoniyat yaratadigan kelishuv tarzida tushunganimiz ma’qul, bu tokenni bevosita integratsiyalash emas.
U «Hyperliquid» platformasining yirik va ishonchli moliyaviy ishtirokchilarni jalb qilish imkoniyatini ancha oshiradi. Bu esa, HYPE tokenining uzoq muddatli qiymati uchun ijobiy. «XRP» uchun esa, ta’siri eng koʻpi bilvosita boʻlishi mumkin.
