XRP narxi chorshanba kuni 3% ga pasaydi, shu bilan birga «Ripple» kompaniyasi (blokcheyn kompaniyasi) prezidenti Monika Long kriptovalyutalar bo‘yicha eng ijobiy institutsional istiqbollardan birini taqdim etdi.
Uning fikriga ko‘ra, 2026-yil global moliya tizimida tajriba bosqichidan to‘liq va keng ko‘lamli joriy etishga o‘tish davri bo‘ladi.
Ripple prezidenti Monika Longning 2026-yil uchun bashoratlari
Monika Long batafsil post va unga bog‘liq hisobotda bu soha «ishlab chiqarish davri»ga o‘tayotganini ko‘rsatib o‘tdi.
Uning aytishicha, ishonchli infratuzilma va haqiqiy foyda banklar, yirik kompaniyalar va moliyaviy xizmat ko‘rsatuvchi tashkilotlarni endi faqat sinovdan o‘tkazishdan tashqari bosqichga olib chiqmoqda — ya’ni, ular keng ko‘lamda joriy etilmoqda.
«Kriptosoha (va «Ripple» kompaniyasi uchun ham) tarixidagi eng qiziqarli yillardan biridan keyin sohaga ishlab chiqarish davri kirib kelmoqda», — deb yozdi Long ijtimoiy tarmog’i X sahifasida.
«Ripple» kompaniyasining yetakchisi ta’kidlashicha, 2026-yil institutlar uchun kriptovalyutaning to‘laqonli bosqichi bo‘ladi, bu yerda:
Stablekoinlar asosiy hisob-kitob infratuzilmasiga aylanmoqda
Monika Longning asosiy g‘oyalaridan birida stablkoinlar (barqaror qiymatga ega tokenlar) markaziy o‘rinni egallaydi. Ularning so‘zlariga ko‘ra, endi bu tokenlar muqobil to‘lov tizimi emas, balki global hisob-kitobning asosi bo‘lib xizmat qilmoqda. Bu narsa «Coinbase» kompaniyasi (kripto birjasi) rahbari Bash Armstrongning bashoratlari bilan hamohang — ya’ni, banklar kelajakda foiz to‘lovchi stablkoinlarni talab qilishi mumkin.
Monika Longning ta’kidlashicha, yirik to‘lov tarmoqlari va zamonaviy moliyaviy texnologiyalar kompandyalari (fintex) hozirdan raqamli dollarlarni mavjud tizimlarga to‘g‘ridan to‘g‘ri qo‘shmoqda.
«Stablkoinlar global hisob-kitoblar uchun asos bo‘ladi, muqobil tizim emas», — dedi Long ijtimoiy tarmog’i X dagi postida. U «Visa», «Stripe» va asosiy moliyaviy tashkilotlarning stablkoinlarni to‘lov jarayonlariga integratsiya qilayotganini qayd etdi.
Jismoniy shaxslar tomonidan foydalanish davom etsa-da, Long korporatsiyalar uchun korporativ B2B (biznesdan biznesga) to‘lov tizimlari asosiy rivojlanish manbai ekanini urg‘uladi. Kompaniyalar raqamli dollarlar yordamida likvidlikni va sarmoya hisobini real vaqtda erkinlashtira olishmoqda.
«Ripple» kompaniyasi prezidenti ma’lumotlarni keltirib o‘tgan — korporativ B2B stablkoin tranzaksiyalari hajmi o‘tgan yilda yiliga $76 milliardga yetdi. Bu esa 2023-yil boshiga nisbatan o‘sish bo‘ldi, o‘shanda stablkoinlar orqali har oyda atigi 100 million dollardan oshmayotgandi.
Uning aytishicha, asosiy maqsad — korporativ balanslarda o‘z o‘rnidan harakatlanmayotgan trillionlab dollar mablag‘larni erkinlashtirishdir.
Kriptovalyutaga qiziqish keng ommaga yoyilmoqda
Longning ikkinchi muhim bashorati — institutsiyalar nazarida kriptovalyutalar endi faqat sarmoya vositasi emas, balki asosiy moliyaviy infratuzilma sifatida qaraladi.
2026-yilda taxminan «Fortune 500» kompaniyalari (dunyoning eng yirik kompaniyalari reytinigi) kompaniyalarining 50 foizi kriptovalyutaga ega bo‘ladi yoki raqamli aktivlar bo‘yicha davlat tasdiqlangan strategiyalarni qabul qiladi, deya kutmoqda Long.
«Kriptovalyuta endi sarmoya uchun xavfli soha emas — u zamonaviy moliyaning ishchi qatlamiga aylanmoqda», — deb yozdi u ijtimoiy tarmog’i X da. U kompaniya balansida tokenlashtirilgan aktivlar, blokcheyn asosidagi davlat obligatsiyalari (T-bills), stablkoinlar va dasturlashtiriladigan moliyaviy vositalardan faol foydalanish prognozini berdi.
U, shuningdek, kripto ETFlari (birja fonddari) tez rivojlanayotgani, ular institutsional mijozlarga kirish imkonini bergani, biroq hozirda AQSh ETF bozorining faqat 1–2% ini tashkil qilayotgani va hali katta o‘sish imkoniyatlari mavjudligini qayd etdi.
Kapital bozorlar va saqlash xizmatlari blokcheyn asosida rivojlanmoqda
Joriy etish hajmi ortar ekan, Long kapital bozorlari ham bu tendensiyani davom ettiradi, deb hisoblaydi. Unga ko‘ra, 5–10% global hisob-kitob faoliyati blokcheynga ko‘chadi — buni tokenlashtirish va stablkoin asosidagi kafolatlarni harakatlantirish tezlashtiradi.
Shu bilan birga, kriptovalyutalarni saqlash sohasi ham birlashish bosqichiga kiryapti. 2025-yilda $8,6 milliardlik kriptovalyuta birlashish va xarid qilish bitimlari (M&A) bo‘lgan, deydi Long. Endi kripto saqlash xizmati yangi katta raqobat maydoniga aylanadi: bu sohada yagona tarmoq va bir nechta himoyalangan strategiyalar muhim ahamiyatga ega bo‘ladi.
2026-yilga kelib, u dunyoning eng yirik 50 bankining yarmidan ko‘pi yangi himoyalash bo‘yicha rasmiy sherikliklarni yo‘lga qo‘yishlarini taxmin qilmoqda.
Blokcheyn va AI (Sunʼiy intellekt) birlashmoqda, biroq bozorlar hali ham ehtiyotkorlik bilan harakat qilmoqda
Long blokcheyn va «Sunʼiy intellekt» (AI) texnologiyalarining yaqinlashuviga ham alohida e’tibor qaratdi. Aqlli shartnomalar, «Sunʼiy intellekt» modellari va maxfiylikni himoya qiluvchi nol bilimli isbotlar yordamida xazina boshqaruvi, garovlarni optimallashtirish va zarur risk tahlili avtomatlashtiriladi — va bu real vaqtda amalga oshadi.
Shu ulkan istiqbollarga qaramay, bozor bu jarayonga sust reaksiya ko‘rsatdi. XRP narxi 3% dan ortiq tushib, $1,90 ga yetdi va $2 chegara ostiga tushib ketdi.
XRP narxining bu pasayishi qisqa muddatli harakat va uzoq muddatli infratuzilma hikoyalari o‘rtasidagi hozirgi ziddiyatni aks ettiradi. «Ripple» 2026-yilni institutlar tomonidan kriptovalyutani ommaviy qabul qilish uchun muhim yil sifatida ko‘rsatayotgan bo‘lsa-da, bozorda barqarorlik yuqoriga ko‘tarilmayapti.
