«Ripple» kompaniyasi bugun Buyuk Britaniya moliyaviy idorasi — «Financial Conduct Authority» (FAC, Moliyaviy Nazorat Organlari) rasmiy roziligini olganini e’lon qilganda, ko‘pchilik jamiyat faqat sarlavhalarga e’tibor qaratdi — bu yana bir muhim qonuniy yutuq sifatida ko‘rildi. «XRP» narxi deyarli o‘zgarmadi va yangiliklar tez orada boshqa mavzuga o‘tdi.
Biroq, «Ripple» kompaniyasining matbuot bayonoti tarkibida «XRP» egalari uchun ancha muhim voqea yashiringan edi.
XRP uchun ko‘pchilik sezmagan katta yutuq
Qog‘ozda qaralganda, «Ripple» kompaniyasi Buyuk Britaniyada ishlash uchun rasmiy ruxsat olgan edi, xolos. Lekin ahamiyati bundan ham kattaroq. «Ripple» kompaniyasi endi dunyodagi eng qat’iy moliyaviy tizimlardan biri ichida to‘liq raqamli aktivlar bilan ishlaydigan to‘lov infratuzilmasini qonuniy asosda boshqarish huquqini oldi.
Bu voqea endi «XRP» tokenini moliyaviy muassasalar qanday ishlatishi mumkinligini o‘zgartiradi. Bunday o‘zgarishlar aksariyat hollarda bozorda darhol narxlarga ta’sir qilmaydi.
Asosiy jihat shundan iboratki, endilikda Buyuk Britaniya moliyaviy tashkilotlari «Ripple» kompaniyasining litsenziyalangan platformasi orqali “raqamli aktivlar” yordamida xalqaro to‘lovlarni amalga oshirishi mumkin. «Ripple» kompaniyasi o‘z bayonotida aniq qilib eslatib o‘tdiki, ularning infratuzilmasi XRPL blokcheyniga asoslangan va bunda XRP asosiy hisob-kitob aktivi sifatida ishlaydi.
Bu juda muhim, chunki tartibga solingan moliyaviy tashkilotlar kriptovalyuta haqida mulohazalarga ahamiyat bermaydi. Ular asosan qonuniylik, ishonchli hamkor va oson boshqaruvga e’tibor beradi.
Demak, EMI (Elektron Pul Instituti) litsenziyasi va kriptovalyuta ro‘yxatdan o‘tganlik guvohnomasiga ega bo‘lish «Ripple» kompaniyasiga Buyuk Britaniyada an’anaviy pul o‘tkazmalarini qonuniy boshqarish imkonini beradi. Bu katta to‘siqlardan biri bo‘lgan bank to‘lov tarmog‘ini olib tashlaydi.
Agar bu tarmoqlar samarali ishlasa, XRP o‘z vazifasini tinchgina va samarali bajaradi.
Bu nafaqat Ripple, balki XRP uchun ham nima sababdan muhim
Ko‘pgina banklar va to‘lov kompaniyalari to‘g‘ridan-to‘g‘ri blokcheyn bilan ishlamaydi. Ular bu murakkablikni yengillashtiradigan, qonuniy asosdagi oraliq xizmatni xohlashadi. «Ripple Payments» endi Buyuk Britaniyada aynan shunday imkoniyatni taqdim etadi.
Pul «Ripple» kompaniyasining litsenziyalangan tizimiga kirgandan so‘ng, kompaniya eng tejamkor va samarali hisob-kitob usulini tanlashi mumkin.
Ba’zida bu barqaror qiymatli tokenlar yoki to‘g‘ridan-to‘g‘ri an’anaviy pul o‘tkazmalari bo‘lishi mumkin. Ammo tezlik, arzonlik va likvidlik muhim bo‘lgan yo‘nalishlarda XRP tabiiy ko‘prik sifatida ishlaydi.
Litsenziya «Ripple» kompaniyasiga to‘lovlarning asosiy qismini qonuniy boshqarish imkonini beradi. Bu esa kamroq hamkor, kamroq huquqiy to‘siq va texnik bahonalar kam bo‘lishini anglatadi. Ya’ni, XRPL orqali qiymat o‘tkazishga kamroq to‘sqinlik qoladi.
Shuning uchun ham ushbu bayonotda «Ripple Prime», omonatlarni saqlash, hisoblarni tozalash, valyuta ayirboshlash va hatto doimiy daromadli xizmatlar ham tilga olingan edi.
«Ripple» kompaniyasi raqamli aktivlar markazlashgan moliyaviy tizim ichida harakat qiladigan institutlar zanjirini yaratmoqda. «XRP» aynan shu zanjirda muhim o‘rin egallaydi.
Umuman olganda, bu tasdiq «XRP» tokenidan Buyuk Britaniyadan boshlanadigan yo‘nalishlarda foydalanish imkonini ochib beradi. Biroq, treyderlar faqat «Ripple» kompaniyasi banklarni ulab boshlaganda, pul aylanishini rivojlantirganda va XRPL orqali qiymatlarni hisob-kitob qilganda harakatga kirishadi.
Bu sodir bo‘lsa, XRPga talab likvidlik ehtiyojiga aylanadi.
Mana shunday amaliy jihatlar bor-ki, ularni barpo qilish uchun vaqt kerak bo‘ladi. Odatda bu ma’lumotlar qog‘ozlarga imzo qo‘yilganida oshkora bo‘lmaydi.
