«Russell 2000 Value» indeksi rasmiy ravishda o‘zining yangi tarixiy maksimumiga (barcha vaqtlar eng yuqori narxi) yetib, moliya bozorlarida bu yutuq «Bitkoin» va umuman kriptovalyuta bozori uchun nimani anglatishi haqida bahslarni yana kuchaytirdi.
Bu holat xavfli aktivlarga bo‘lgan qiziqish qaytganini ko‘rsatadi. Biroq, ayrim yashirin muammolar bu signal oldingi davrlardagidek aniq va tushunarli emasligini bildiradi.
Russell 2000 indeksi tarixiy maksimumga yetdi — Endi kriptovalyuta bozori ham yangi cho‘qqini zabt etadimi?
Bozor sharhlovchisi Kevin Gordon shu haftada bu keskin sakrashga e’tibor qaratdi va «Russell 2000 Value» yangi tarixiy maksimumga «osmondek baland ko‘tarilmoqda» dedi. Shuningdek, «Schwab Center for Financial Research» tadqiqot va strategiya bo‘limi rahbari sifatida Kevin Gordon, o‘tgan natijalar kelajak uchun kafolat emasligini ogohlantirdi.
Shunday bo‘lsa-da, kripto savdogarlari uchun bu yangilikni e’tiborsiz qoldirish qiyin. Tarixan, kichik kompaniyalar aksiyalari mustahkam bo‘lsa, ko‘pincha bu «Bitkoin» va «altkoinlar» uchun ham ijobiy bosqichlarga to‘g‘ri kelgan.
«Russell 2000» indeksi taxminan 2 000 ta AQSHdagi kichik kompaniyalarni kuzatib boradi va investorlarning xavfga bo‘lgan ishtahasini o‘lchaydigan asosiy ko‘rsatkich deb hisoblanadi. «S&P 500» indeksiga nisbatan, bu indeks yuqori xavf va yuqori foyda keltiradigan aktivlarga sarmoyadorlar ko‘proq ahamiyat bergan davrda o‘sishga moyil bo‘ladi. Qiziqarli jihati shundaki, bu o‘zgarish «kriptovalyuta» bozoridagi harakatlarga o‘xshashdir.
Bu oy boshida «BeInCrypto» axborot sayti, ushbu indeks uzoq muddatli qarshilik darajasidan o‘tib ketgani «xavfga ochiqlik» uchun klassik signal bo‘lganini ma’lum qilgan edi.
Ilgari bo‘lgan davrlarda, mana shunday sakrashlar yirik kriptovalyuta ko‘tarilishidan oldin yuz bergan. «The Bitcoin Vector» — «Swissblock» tadqiqot kompaniyasining institutsional tahliliy hisobotiga ko‘ra, 2020-yilning oxirida ham shunga o‘xshash vaziyatda, «Russell 2000» indeksida ilgari qarshilik bo‘lgan nuqta endi qo‘llab-quvvatlovga aylangan va shundan so‘ng «Bitkoin» taxminan 380 foizga ko‘tarilgan.
«Oxirgi marta bu holat yuz berganda, «Bitkoin» 390 foizdan ortiq o‘sishni ta’minlagan», — deyiladi hisobotda, — «hozirgi tuzilma biroz boshqacha bo‘lsa-da, bozorlar yana yangi likvidlik (pul hajmi) kengayishidan oldin joylashib olgan. Bu esa tarixan xavfli aktivlar uchun qulay holatdir».
Boshqa tahlilchilar ham shu fikrga qo‘shilmoqda. «RogueMacro» («RogueMacro» mustaqil tahlil instituti) o‘z postida «Russell 2000» indeksining oldingi uchta yangi cho‘qqisidan so‘ng, «Bitkoin» ham hech qachon ortda qolmaganini ta’kidladi.
«Ash Crypto» tahlilchisi esa, indeksning yana bir yangi tarixiy maksimumidan so‘ng «Efirium» tokenda ham so‘nggi yillarda ijobiy harakatlar kuzatilganini bildirib o‘tdi.
Altkoinlar bundan ham ko‘proq foyda olishi mumkin
Kripto tahlilchisi «Cryptocium» muntazam mavjud bo‘ladigan hodisaga e’tibor qaratadi: jami «altkoinlar» kapitalizatsiyasi («Bitkoin» va «Efirium»dan tashqari) o‘tgan yillar (2017 va 2021) singari, «iShares Russell 2000 ETF» indeksi avvalgi cho‘qqilaridan oshib ketganidan so‘ng keskin oshgan.
Agar ushbu bog‘liqlik saqlansa, ayrim savdogarlar 2026-yilda «altkoin»lar ko‘tarlishi bo‘lishi mumkinligini kutayotganini aytmoqdalar.
Biroq, hamma ham bu sakrashni kuchli ijobiy signal deb hisoblamaydi. «Duality Research» mustaqil tahlil tashkiloti, indeks o‘sib turganiga qaramay, kichik kompaniyalar ETF’laridan shu yilning o‘zida salkam 19,5 milliard dollar sarmoya chiqarib ketilganini ko‘rsatib berdi. Bu esa oldingi o‘sishlardan farqli ravishda, avvallari kuchli kapital oqimi bo‘lganini eslatadi.
Asosiy ko‘rsatkichlar ham xavotirli belgilarni ko‘rsatmoqda. «The Kobeissi Letter» («The Kobeissi Letter» analitik nashri) ma’lumotiga ko‘ra, 2025-yil uchinchi choragida «Russell 2000» indeksidagi kompaniyalarning 40 foizga yaqini so‘nggi 12 oyda daromad ko‘rsatkichlari bo‘yicha salbiy natija bergan. Bu daraja tarixiy rekordlarga yaqin va moliyaviy inqirozdan keyingi eng yuqori ko‘rsatkichlar bilan solishtirilmoqda.
2007-yildan buyon bu foiz ikki martadan ko‘proq oshgan. Bu esa kichik kompaniyalar segmentida katta ichki muammolar mavjudligini bildiradi.
Altkoinlarni «Russell 2000» indeksi bilan solishtirishga javoban, sarmoyadorlar bog‘liqlikkacha bo‘lgan vaqt muhimroq ekanini eslatmoqdalar.
«Bu foydali taqqos, lekin yuqori darajadagi likvidlik va xavfga ishtaha kengaymaguncha ikkala bozorda ham harakat sekinlashadi. Shuning uchun, vaqt ko‘pincha bog‘liqlikdan muhimroq», — deya yozadi Surya.
Kripto sarmoyadorlar uchun «Russell 2000» indeksining yangi tarixiy maksimumi — bu diqqatga sazovor signal. Shu bilan birga, bu kafolat emas.
Oldingi tajriba «Bitkoin» va «altkoinlar» uchun o‘sish imkoniyatlari borligini ko‘rsatsa-da, kichik kompaniyalar real ahvoli va ichki muammolar, agar xavfga ishtaha pasaysa, narativni yanada murakkablashtirishi mumkin.
