Amerika Qo‘shma Shtatlari Qimmatli qog‘ozlar va birjalar bo‘yicha komissiyasi (SEC) — AQSh davlat regulyatori kompaniyalar uchun hisobot berish tizimini tubdan o‘zgartirishga mo‘ljallangan taklif ustida ish olib bormoqda.
Ushbu regulyator rejalashtirmoqda: kompaniyalardan har chorakda daromadlar haqida hisobot talab qilish majburiyatini bekor qilishni. Shu tarzda, hisobot berish muddati yiliga ikki marotabaga qisqartiriladi.
Agar bu o‘zgarish qabul qilinsa, u so‘nggi o‘n yilliklar ichidagi eng muhim hisobot islohoti bo‘ladi. Taklif hujjati rasmiy ravishda aprel oyida e’lon qilinishi kutilmoqda.
Bu qaror regulyatorlar uchun xarajatlarni qisqartirishi va ko‘proq kompaniyalarni ochiq bozorga chiqarishga undashi mumkin. Chunki har chorakda hisobot topshirish korporatsiyalar uchun har yili milliardlab dollar sarf qilishga olib keladi.
Regulyatorlar va biznes tashkilotlari ham bu o‘zgarish rahbarlarga qisqa muddatli natijalardan ko‘ra uzoq muddatli strategiyaga diqqatni jamlashga yordam beradi, deb hisoblamoqda.
Biroq, bu tartibda ba’zi xavf omillari ham mavjud. Kamroq hisobotlar kompaniyalar faoliyati ochiqligini sustlashtirishi mumkin. Oddiy investorlar va tahlilchilar aynan choraklik hisobotlarga tayangan holda kompaniya holatini va moliyaviy xatarlarni tahlil qilib boradi.
Shuningdek, bu taklif faqat aksiyalar bozoriga emas, balki kengroq moliya sohalariga ham ta’sir qilishi mumkin. Hisobot tez-tez berilmasa, kompaniyalarning asosiy ko‘rsatkichlari atrofida noaniqlik oshadi va bu aksiyalar bozori o‘zgaruvchanligini kuchaytirishi mumkin.
Shu bilan birga, kapital bozorlari tartibiga oid har qanday o‘zgarish investorlarning xavfga munosabatiga ta’sir ko‘rsatadi.
Aksiyalar bozoridagi shaffoflik va likvidlikdagi yirik o‘zgarishlar ko‘pincha raqamli aktivlar bozoriga ham, jumladan «Bitkoin» va «Efirium» kriptovalyutalariga ta’sir o‘tkazadi.
Hozircha bu taklif qayta ko‘rib chiqilmoqda va «SEC» davlat regulyatori bu yil oxirigacha bu o‘zgarishni rasman qabul qiladimi yoki yo‘qligi hali noma’lum.
