«Coinbase» kompaniyasi (kripto aktivlar uchun birja) CLARITY qonun loyihasini qo‘llab-quvvatlashdan kutilmaganda voz kechgani Vashingtonda ham, kripto bozorlarida ham hayrat uyg‘otdi. Bu Senatning Bank ishi bo‘yicha qo‘mitasi yig‘ilishining bekor qilinishiga olib keldi va AQShda kriptovalyuta bozorini tartibga solish islohoti yana kechikishi mumkinligi haqidagi xavotirlarni kuchaytirdi.
Agar dastlabki reaksiya siyosiy chalkashlik ko‘rinishida yuzaga kelgan bo‘lsa, keyingi javob ushbu voqeani chuqurroq va murakkabroq tusda ko‘rsatdi.
Coinbase kompaniyasi chiqib ketganidan so‘ng, Clarity to‘g‘risidagi qonun kritik muzokaralar bosqichiga kirdi
Loyiha to‘xtab qolmadi, aksincha, hozirda vaziyat keskin va ehtiyotkorlik bilan pauza holatiga kirgan. Qonunchilar, soha yetakchilari va hatto Oq uy (AQSh hukumati) bu bosqichni so‘nggi muhim qadam deb ta’kidlamoqda, yakun emasligini aytmoqda.
Senatning Bank ishi bo‘yicha qo‘mitasi raisi Tim Skott bu kechikishni ijobiy o‘zgarish sifatida ko‘rsatishga harakat qildi.
«Men kriptovalyuta sohasidagi, moliyaviy sektoridagi yetakchilar va demokrat hamda respublikachi hamkasblarim bilan suhbatlashdim, va hamma halollik bilan ishlashda davom etmoqda», — dedi Tim Skott o‘zining X ijtimoiy tarmog’idagi sahifasida.
Tim Skottning so‘zlariga ko‘ra, asosiy maqsad — «iste’molchilarni himoya qiladigan, milliy xavfsizlikni mustahkamlovchi va moliyaning kelajagini AQSh hududida rivojlantirish uchun aniq qoidalar yaratish».
Senator Sintiya Lummis («CLARITY» qonun loyihasining muhim mualliflaridan biri) xabar berdi va umidsizlikka qaramay, «Coinbase» kompaniyasi qarori tashabbusni izdan chiqarmaganini ta’kidladi.
Sanoat ichida esa, «Coinbase» kompaniyasining pozitsiyasi ochiq tafovutlarni ko‘rsatdi, biroq tashabbus zaiflashgani yo‘q. «Ripple» kompaniyasi (kripto va blockchain kompaniyasi) bosh direktori Bred Garlingxaus Senat harakatlarini kripto sohasiga qulay huquqiy asoslar yaratish yo‘lidagi muhim qadam sifatida e’tirof etdi.
«Tartib va aniqlik tartibsizlikdan yaxshiroq» ekanini tan olib, Bred Garlingxaus tahrir jarayonida mavjud muammolar hal bo‘lishiga ishonmoqda.
Ayni paytda, «a16z» sarmoya fondi vakili Kris Diksonga ko‘ra, loyiha mukammal bo‘lmasligi mumkin, lekin hozir CLARITY qonun loyihasini oldinga siljitish davridir. Bu vaqtda AQSh dunyo kriptovalyuta bozori ichidagi o‘z mavqeini kuchaytirishga harakat qilmoqda.
Shu bilan birga, «Kraken» (kriptovalyuta birjasi) xodimi Arjun Setxi bu vaziyatni qonunchilikdagi muvaffaqiyatsizlik emas, balki siyosiy irodaning sinovi sifatida tasvirladi.
«Muvaffaqiyatsizlik deya e’lon qilish juda oson. Jarayon qiyinlashganda orqaga chekinish oson», — dedi Arjun Setxi X ijtimoiy tarmog’idagi sahifasida. Unga ko‘ra, loyiha bekor qilinsa, noaniqlik saqlanib qoladi va Amerika kompaniyalari aniq qoidalarsiz ishlashga majbur bo‘ladi. Qolgan davlatlar esa o‘zgarishlar sari ilgarilayveradi.
«Galaxy Digital» (sarmoyaviy kompaniya) bosh direktori Mayk Novograts bu fikrni tasdiqladi. O‘z navbatida, Oq uy (AQSh hukumati) ham vaziyatning muhimligini ta’kidladi.
Oq uyning kechiktirib bo‘lmaydigan talabi va Senat noroziligi CLARITY qonuni bo‘yicha muhokamalar davom etar ekan to‘qnashmoqda
Kripto va Sunʼiy intellekt sohasining yetakchisi Devid Saks market tuzilishini tartibga soluvchi qonun qabul qilinishiga «ilgari hech qachon bunchalik yaqin bo‘lmagan»ligini aytdi. Shu asosda u, sanoat ichidagi tafovutlarni bartaraf etish, aniq qoidalar yaratish va soha kelajagini ta’minlash uchun imkoniyatdan foydalanishga chaqirdi.
Ammo parda ortida norozilik kuchli. «Decrypt» (axborot portali) jurnalisti Sander Luts bergan ma’lumotga ko‘ra, Senat Bank ishi bo‘yicha qo‘mitasi a’zolari «Coinbase» kompaniyasining so‘nggi daqiqadagi bayonotidan juda norozi bo‘lishgan.
«Vaziyat boshqacha kechishi mumkin edi», — dedi Luts manbaga tayanib X ijtimoiy tarmog’ida.
Bu norozilik rahbariyatning yig‘ilishni bekor qilish qaroriga sabab bo‘lgan bo‘lishi mumkin. Bu haqda jurnalist Eleanor Terrett tasdiqladi. «BeInCrypto» axborot portali yangi sana e’lon qilinishi bilanoq xabar beradi.
Biroq, kengroq muhokama yo‘nalishi o‘zgarib bormoqda. Masalan, «Echo X» X ijtimoiy tarmog’i muallifi ta’kidlashicha endi asosiy bahs kriptovalyuta va banklar o‘rtasidagi kurash emas. Endi bu – birja markazli platformalar va infratuzilma asosidagi, mustaqil rivojlanayotgan tizimlar to‘qnashuvi. Bu tizimlar har bir yirik kompaniyadan ham kuchli bo‘lishi mumkin.
Yevropa, Buyuk Britaniya va Osiyo kriptovalyutani tartibga soluvchi yagona me’yorlarni joriy etishda davom etmoqda. AQSh qonunchilariga bosim ortib boryapti, ular boshlagan ishini yetkazib berishi zarur.
Hozirda «CLARITY» qonun loyihasi faqat to‘xtatib turilibdi, bekor qilinmagan. Kelgusi haftalarda ushbu nozik kelishuv qonunga aylanadimi yoki qarama-qarshi manfaatlar sababli yo‘qqa chiqadimi, hal bo‘ladi. Aniqki, hozir ortga chekinish – mamlakat ichida uzoq davom etadigan noaniqlik vaqti, boshqalar esa tartibli rivojlanishni tezlashtiradi. Bozor barqarorligi, investitsiyalar barqarorligi, kelajak barqarorligi — shularning bari qat’iy va aniq harakatlarni talab etadi.
