Solana blokcheyni asosidagi markazlashtirilmagan birja — «Drift Protocol» protokoli (birja) xakerlar tomonidan hujumga uchragani haqida mish-mishlar tarqaldi. Rasmiy tasdiq bo‘lmagan bo‘lsa-da, mazkur xabarlar ortidan ushbu birjaning DRIFT tokeni qariyb 20 foizga qiymatini yo‘qotdi.
Solana blokcheynida yaratilgan bu markazlashtirilmagan birja doimiy fyucherslar — ya’ni kelajakdagi narxlarga tuzilgan shartnomalar bilan savdo qilish imkonini beradi. «Circle» kompaniyasining (moliyaviy texnologiyalar korxonasi) USDC kriptovalyuta infratuzilmasi birjada garov va transferlar uchun ishlatiladi.
«Helius» kompaniyasi (blokcheyn infratuzilmasi yetkazib beruvchisi) hammuassisi va bosh direktori Mert Mumtaz «X» ijtimoiy tarmog‘ida bu masala haqida ogohlantirish e’lon qildi.
U «katta va ehtimoliy xavfli ekspluatatsiya» bo‘lishi mumkinligini ta’kidladi va «Circle» kompaniyasini javob berishga chaqirdi.
Dastlab, kripto hamjamiyati bu xabarlarni «aprel hazili» deb o‘yladi. Biroq Mert Mumtaz jiddiylik va vaziyatning dolzarbligini takror-takror urg‘uladi.
Bu noaniqlik tezda butun bozorga va savdogarlar orasiga tarqaldi. Natijada DRIFT tokeniga bo‘lgan ishonch yo‘qolib, ko‘plab sotuvlar kuzatildi. Ma’lumotlarga ko‘ra, token bir soatda 17 foizdan ko‘proq arzonlashib, 0,058 dollarga tushib ketdi.
Hodisa bo‘yicha tafsilotlar rivojlanishda davom etmoqda.
