«Spacecoin» loyihasining yangi SPACE tokeni chiqarilishi kutilganidan ko‘proq bo‘lib, 65% dan ortiq oshdi. Loyiha birinchi mavsum airdropi, birjalarda ro‘yxatga olish hamda turli blokcheynlarda ishga tushirish bo‘yicha batafsil rejalarini e’lon qildi.
Bu qadam — blokcheyn, sun’iy yo‘ldosh infratuzilmasi va telekommunikatsiya tarmoqlari tutashgan nuqtada o‘z o‘rnini topayotgan loyiha uchun muhim bosqichdir.
Spacecoin birinchi mavsum airdrop (kriptovalyuta tarqatish) rejalari
Hozirda SPACE tokenining narxi 0,021 AQSH dollariga teng bo‘lib, bu qiymat chiqish vaqtidagi 0,026 dollarlik eng yuqori narxga yaqin. So‘nggi 24 soatda qiymat deyarli 66 foizga oshdi. Yaqin fursatda ham yana o‘sish ehtimoli bor. Bu esa investorlarning qiziqishi ortib borayotganini ko‘rsatadi.
Haqiqatan ham, «Spacecoin» tomonidan SPACE tokenga taalluqli yangiliklardan so‘ng, investorlarni juda ko‘p yangiliklar kutmoqda. Endi bu token bir nechta blokcheyn tizimlarida, xususan, «Creditcoin» tarmog’i, «Efirium» blokcheyni, «Binance Smart Chain (BSC)» blokcheyni va «Base» blokcheynida faol ishlamoqda.
Token chiqarilishi loyiha tomonidan «markazlashmagan sun’iy yo‘ldosh internetining iqtisodiy yuragi» deb ta’riflangan. Bu, hamjamiyat a’zolariga (kadetlarga) kosmik iqtisodiyot shakllanishida bevosita ishtirok etish imkonini beradi.
SPACE tokeni ishga tushirilgan kunidayoq chuqur likvidlik bilan ham ta’minlandi. Ro‘yxatga olish «Binance» (Alpha va Futures bo‘limlari, Markazlangan birja), «Kraken» (Spot bo‘limi), «OKX» (Spot va Perpetuals), «KuCoin», «MEXC», «Bitget», «Coinone», «Blockchain.com» va «Bybit» birjalarida amalga oshirilgan.
Bu tokenlar spot bozor va derivativ bozorlarida taqdim etilgani savdo faoliyatini va narx belgilanishini jonlantirdi.
Markazlashmagan savdo imkoniyati ham vaqtida taqdim etildi. SPACE tokeni «PancakeSwap» platformasi orqali almashish va likvidlik uchun mavjud.
65 foizlik ko‘tarilish va keng birja qamrovi qaramay, SPACE narxining bunday tez oshishi aksariyat hollarda dastlabki bosqichdagi tokenlar chiqishi arafasidagi airdrop shov-shuvi va bir nechta platformalarga kiritilishi hisobiga yuzaga keladi. Hali keng ko‘lamda haqiqiy foydasi aniq ko‘rinmayapti.
Aster DEX Spacecoin kriptovalyutasining 65 foizga oshishiga yordam berdi
Shuningdek, «Aster DEX» birjasi cheklangan vaqtga mo‘ljallangan aksiyani boshladi. Bu kampaniyada umumiy mukofot jamg‘armasi 150 000 AQSH dollarlik ASTER tokeni va 15,75 million SPACE tokeni ko‘rinishida taqdim etiladi.
Markazlangan va markazlashmagan (CEX va DEX) birjalarni birlashtirib olib borilayotgan strategiya «Spacecoin» loyihasining keng imkoniyatli foydalanishga intilayotganini ko‘rsatadi. Bu ham loyiha o‘z oldiga qo‘ygan geografik va moliyaviy to‘siqlarsiz internet qatlamini qurish maqsadini tasdiqlaydi.
Hamma e’tibor markazida esa — birinchi mavsum uchun airdrop. Bu, token chiqarish (TGE)dan oldin «Spacecoin» ekotizimida faol bo‘lgan dastlabki tarafdorlarni rag‘batlantirish uchun ishlab chiqilgan.
Haqli ishtirokchilar kampaniya davrida foydalangan hamyonlarini ulab, rasmiy portal orqali o‘z ulushlarini olishlari mumkin. Qiyinchiliklarni oldini olish uchun, «Spacecoin» tanlangan hamyonlarga talab etiladigan tranzaksiya to‘lovlarini qoplash uchun 0,01 CTC («Creditcoin» tokeni) yuboradi.
Ayniqsa ahamiyatlisi, airdrop qat’iy mezonlar va suiiste’mol qilishga qarshi choralar bilan amalga oshiriladi.
- Ishtirokchilar CTC, WCTC yoki belgilanadigan NFTlar kabi aniq aktivlarga ega bo‘lishi lozim.
- Bundan tashqari, ular ochiq davr mobaynida ijtimoiy topshiriqlar va tadbir faoliyatlarini tugatgan bo‘lishlari kerak.
Shubhali xatti-harakatlar aniqlangan hisoblar chetlatiladi. Bu, mukofotlarning haqiqiy hamjamiyat a’zolariga, botlarga emas, borishini ta’minlaydi.
Tokenlarning yechilishi to‘g‘ri rejalashtirilgan va shu bilan birga birdaniga katta hajmli sotuvlarning oldi olinadi. Birinchi mavsumda mukofotlarning 25 foizi TGE paytida, qolgan qismi esa uch oy davomida oyma-oy yechiladi.
Keyingi — ikkinchi mavsumdagi ulushlar ham xuddi shunday bosqichma-bosqich grafik asosida ajratiladi, lekin bu mukofotlar keyinroq ochiq ko‘rinadi.
Bu hayajon uzoq davom etadimi?
Savdo va airdroplardan tashqari, «Spacecoin» «Creditcoin» tarmog’ida SPACE tokenlari uchun 10% yillik daromad (APR) va’da qiluvchi vaqti cheklangan steyking dasturini ham boshladi. Bundan tashqari, «Wormhole» blokcheyn texnologiyasi orqali turli tarmoqlar o‘rtasida almashuv imkoniyati ham yo‘lga qo‘yilgan.
Yuqoridagi imkoniyatlar natijasida SPACE tokeni bir nechta tarmoqlarda spekulyativ hamda uzoq muddat ishtirok uchun mo‘ljallangan aktiv sifatida ko‘rilmoqda.
Shunga qaramay, birinchi mavsum airdropining 25% qismini TGE da darhol olish va suiiste’mol qilishga qarshi filtrlari «dump»larning oldini olish uchun yaxshi yechim. Ammo turli mavsumlardagi token yechilish grafigi mukofotlarni bosqichma-bosqich pulga aylantirish orqali bozorda bosim paydo qilish ehtimolini saqlab qoladi.
Bundan tashqari, birinchi kunlardagi juda yuqori savdo hajmi ko‘pincha uzoq muddatli talabdan ko‘ra tezkor spekulyatsiya bilan bog‘liq bo‘ladi.
Umuman olganda, «Spacecoin» loyihasining asosiy poydevori mustahkamligini saqlab turibdi. Lekin bugungi tezlarcha ko‘tarilish asosan spekulyatsiya natijasi. Bundan tashqari, airdrop orqali tarqatilgan tokenlarning deyarli 90 foizi ilk uch oyda barbod bo‘lishi ko‘p uchraydi. SPACE tokenining aynan shu davrda narx barqarorligini saqlab qolishi juda muhim — Bozor barqarorligi, investitsiyalar barqarorligi, kelajak barqarorligi.
