«Telegram» messenjerida mavjud bo‘lgan «Wallet» ilovasi 2026-yil 2-aprel kuni o‘zining doimiy fyuchers savdosini ishga tushirdi. Ushbu yangi imkoniyat to‘liq «Lighter» degan kompaniya (platforma) tomonidan taqdim etilgan va endilikda foydalanuvchilarga chat ilova ichida 50 dan ortiq bozorlarda kredit yelka (leverage) bilan savdo qilish imkonini beradi.
Ushbu xizmat faoliyati uchun foydalanuvchilar hech qanday tashqi dasturni yuklab olishlari yoki boshqa hamyonlarni ulashlari talab qilinmaydi. Barcha savdo operatsiyalari bevosita «Telegram» messenjeri orqali amalga oshiriladi.
Doimiy savdo hajmlari asos yaratmoqda
Integratsiya vaqti blokcheyn asosidagi derivativlar bozori keskin o‘sish bosqichiga to‘g‘ri keladi. 2025-yilda doimiy savdo hajmi 300% dan ortiq ko‘tarildi va bozorning har oylik faolligi 1 trillion dollardan ortiq bo‘ldi.
«Lighter» (LIT) platformasi 2026-yil mart oyida 65,47 milliard dollarlik savdo hajmini qayta ishladi va oylik hajm bo‘yicha doimiy markazsizlashtirilgan birjalar orasida to‘rtinchi o‘rinni egalladi.
Platforma Efirium blokcheynida maxsus yaratilgan nol-bilimli (zero-knowledge, qisqacha ZK) rollap texnologiyasi orqali ishlaydi. Har bir buyurtma va majburan yopish onchain, ya’ni blokcheyn ichida isbotlanib tasdiqlanadi.
«Lighter» platformasining 24 soatlik savdo hajmi mazkur yangilik e’lon qilingan kun — $2,08 milliardga yetdi, ochiq pozitsiyalar esa $663 millionni tashkil etdi (ma’lumot manbasi: «CoinGecko» kriptoma’lumotlar agregatori).
Integratsiya nimalarni taklif qiladi
Endi «Telegram» messenjeridagi «Wallet» ilovasi orqali yangi «Doimiy fyuchers» yorlig‘iga kirgan foydalanuvchilar kriptovalyuta, metallar, aksiyalar hamda neft bozoridan 50 dan ortiq turli bozorda savdo qilishlari mumkin. Leverage, ya’ni kredit yelka maksimal 50 barobargacha taklif etiladi. Savdoni boshlash uchun esa atigi 1 dollardan boshlab pozitsiya ochish mumkin.
«Wallet in Telegram» rasmiy hisobida «X» (ijtimoiy tarmog‘i) orqali ushbu xizmat ishga tushirilgani tasdiqlandi. Xabarga ko‘ra, mazkur imkoniyat foydalanuvchilarga bir necha soniya ichida ochiq yoki yopiq pozitsiya (long yoki short) ochish imkonini beradi.
«Lighter» platformasi hamkorlik dasturiga boshqa ishlab chiquvchilar uchun ham ochiqligini tasdiqladi.
«…Hamkorlarni aniqlash dasturi har qanday g‘oyaga ega quruvchi uchun ochiq», deb yozishdi ular X (ijtimoiy tarmog‘i)dagi postida.
Endi ushbu dastur istalgan dasturchiga «Lighter» platformasining doimiy fyuchers va spot savdo infratuzilmasini o‘z ilovasiga integratsiya qilish imkonini beradi. Bunda, yo‘naltiruvchi ishlab chiquvchiga muayyan darajada kredit (foyda) qaytadi.
Daromad bo‘lish shartlari va boshqa moliyaviy tafsilotlar foydalanuvchilarga ishga tushirish vaqtida ochiqlanmagan.
LIT narxining o‘zgarishi va raqobat muhitidagi o‘rni
Yangilik e’lon qilinishi ortidan «Lighter» (LIT) tokeni narxi 5% ga ko‘tarildi. Ammo, hozircha «Lighter» bozor yetakchisidan ancha ortda qolmoqda.
«Hyperliquid» markazsizlashtirilgan birjasi mart oyida 178,23 milliard dollarlik umumiy savdo hajmiga erishdi. Bu raqam keyingi uch raqibning umumiy hajmidan ikki baravar ko‘p.
«Telegram» messenjeri orqali tarqatish ushbu tafovutni qisqartirishi mumkin. Chunki «Wallet in Telegram» 150 milliondan ortiq foydalanuvchiga ega va bu jamoaviy auditoriya to‘g‘ridan-to‘g‘ri chat-ilova orqali savdo qiladigan raqobatchilarda hozircha yo‘q.
«Telegram» foydalanuvchilari doimiy savdo hajmiga muntazam hissa qo‘sha oladimi yoki yo‘qligi yaqin oylar ichida «Lighter» platformasining raqobatbardosh mavqeiga qanchalik ta’sir qilishini belgilaydi.
