AQSh Oq uyi yetti betdan iborat kibermudofaa siyosati hujjatini e’lon qildi. Bu — ilk bor AQSh milliy kibermudofaa asosiy hujjatida kriptovalyuta va blokcheynni himoya qilish uchun alohida ustuvor yo‘nalish sifatida tilga olinishidir.
Ushbu strategiya «Prezident Donald Trampning Amerika uchun kibermudofaa strategiyasi» deb nomlanadi va hukumatning xavfsizlikni ta’minlash bo‘yicha bosqichma-bosqich ishlab chiqilgan «Milliy xavfsizlik strategiyasi» davlat dasturiga asoslanadi.
Kriptovalyuta va blokcheyn milliy xavfsizlik tizimiga kirib kelmoqda
Hujjatning beshinchi ustuni, ya’ni muhim va yangi texnologiyalariga qaratilgan. Ma’muriyat kriptovalyuta va blokcheyn texnologiyalarining xavfsizligini ta’minlashga yordam beradi. Bu borada post-kvantli kriptografiya, kvant hisoblash texnologiyalari va Sunʼiy intellekt (AI) bilan bir qatorda ish olib boriladi.
Unda olti asosiy yo‘nalish belgilanadi. Ular: dushmanlarni to‘xtatish, federal tarmoqlarni zamonaviylashtirish, va yangi texnologiyalarda yetakchilik qilishni o‘z ichiga oladi.
Bu siyosiy yo‘nalishlar sohasida katta o‘zgarishdir. Avvalgi AQSh kibermudofaa asosiy hujjatlari kriptovalyutani asosan g‘ayriqonuniy moliyaviy faoliyat doirasida ko‘rgan edi. Endi esa, yangi yondashuvga ko‘ra, kriptovalyuta muhim infratuzilma sifatida davlat himoyasiga lozim deb hisoblanmoqda.
Strategiya blokcheynni «Amerika yangilik va taraqqiyoti uchun zarur» deya ta’kidlaydi. Blokcheyn chet el raqamli platformalariga nisbatan muqobil vosita sifatida ko‘riladi, chunki ushbu xorijiy platformalar senzura (so‘z va axborot erkinligini cheklash) va davlat tomonidan kuzatuvni kuchaytiradi.
«Prezident Donald Trampning Amerika uchun kibermudofaa strategiyasi kripto tarmoqlar va protokollarni kiberxavflardan himoya qilishni milliy darajadagi ustuvor vazifaga aylantiradi. Bu juda muhim, ayniqsa CFTC (AQSh tovar fyucherslari savdosini tartibga soluvchi agentlik) blokcheyn asosidagi bozorlar uchun o‘z qoidalarini zamonaviylashtirayotgani bir paytda,» — dedi «CFTC» agentligi rahbari Maykl Selig «X» ijtimoiy tarmog’i sahifasida.
Ikki tomonlama signal: himoya va majburlash
Ushbu strategiyada kriptovalyuta shunchaki himoya qilinadigan moliyaviy aktiv sifatida emas, balki kengroq nuqtai nazardan muhokama qilinadi. Birinchi ustun — dushmanlarning harakatini to’g‘ri yo‘naltirishga bog‘langan va jinoiy infratuzilmani ildizi bilan yo‘q qilishga va’da beradi.
Shuningdek, strategiyada noqonuniy moliyaviy oqimlarni to‘xtatishga ham e’tibor qaratilgan. Mutaxassislarning fikriga ko‘ra, bu til «mixer»lar va maxfiylikka asoslangan altkoinlarga qarshi kurashish uchun ko‘zda tutilgan bo’lishi mumkin.
Ushbu birinchi ustun, shuningdek, kiberjinoyatlarga qarshi tarmoq faoliyatini buzish va hujumchini jazolash, yirik davlatlar va ittifoqchilar o‘rtasida yukni bo‘lishishni nazarda tutadi.
«CFTC» davlat idorasi ayni paytda raqamli aktivlar (masalan, Bitkoin va Efirium kabi tovar deb belgilangan kriptovalyutalar) bozorlari ustidan nazoratni kuchaytirmoqda. Shunda, bu tartibga solish «SEC» (Qo‘shma Shtatlar Qimmatli qog‘ozlar va birja komissiyasi) agentligining vakolatini qisqartiradi.
Maykl Seligning izohi, kibermudofaa strategiyasini ushbu tartibga solish siyosati bilan bevosita bog‘laydi. Ya’ni, samarali blokcheyn infratuzilmasini qurish, on-chain (blokcheyn) bozorlarning barqaror ishlashi uchun asosiy shart sifatida qayd etiladi.
Keng siyosiy kontekst
Ushbu kibermudofaa strategiyasi «Donald Tramp» ma’muriyatining raqamli aktivlar bo‘yicha keng ko‘lamli siyosati tarkibiga kiradi. U quyidagi harakatlarni o’z ichiga oladi:
- Amerikaning milliy Bitkoin (kriptovalyuta) zaxirasini tuzish masalasini o‘rganish,
- Barqaror tokenlar uchun qonunchilikni ishlab chiqish,
- Raqamli moliyaviy aktivlar uchun soliq masalalarini aniqroq belgilashga harakat qilish.
Kvant hisoblash texnologiyasi ushbu hujjatda alohida xavf sifatida qayd etilgan, chunki bu texnologiya federal himoya choralari o‘z vaqtida ko‘rilmasa, mavjud blokcheyn shifrlash standartlarini zaiflashtirishi mumkin.
Strategiyada post-kvantli kriptografiyani rivojlantirish bevosita shu xavfga qarshi choradir.
Hujjatda jinoiy infratuzilma haqida aytilgan tamoyillardan kelib chiqqan holda, maxfiylikni saqlovchi vositalarga qarshi amaliy choralar ko‘rilishi mumkin.
Hujjat umumiy yo‘nalishni belgilab beradi, biroq unda ma’lum muddatlar yoki ijro uchun mas’ul tashkilotlar haqida aniq ko‘rsatmalar yo‘q.
