«Trump Media» axborot kompaniyasi o‘zining ilk katta raqamli loyihasini e’lon qilib, yangi raqamli token chiqarishni rejalashtirmoqda. Bu kompaniyaning kriptovalyuta sohasidagi birinchi muhim qadami hisoblanadi.
Xabarlarga ko‘ra, hozirgi aksiyadorlar yangi tokenlardan airdrop orqali bepul olishadi. Shu tarzda ular kompaniyaning yangi raqamli ekotizimida o‘z ulushiga ega bo‘lishadi.
Tramp media yangi token chiqaradi, aksiyadorlar platformadagi imtiyozlar bilan birga bepul token (airdrop) oladilar
«Trump Media and Technology Group Corp.» (DJT) – bu tashkilot «Truth Social» ijtimoiy tarmog‘i, «Truth+» va moliyaviy texnologiyalar platformasi «Truth.Fi» ni boshqaradi – yangi raqamli token chiqarib, uni aksiyadorlarga tarqatishni rejalashtirmoqda. Bu jarayon «Crypto.com» kompaniyasi – kriptovalyuta birjasi bilan hamkorlikda amalga oshiriladi.
Tokenlarni tarqatishda «Crypto.com» kompaniyasining «Cronos» blokcheynidan foydalaniladi. Ushbu blokcheyn tezligi, kengayish imkoniyati va turli tarmoqlar bilan oson bog‘lanish xususiyati bilan ajralib turadi.
Rejaga ko‘ra, «DJT» kompaniyasi aksiyalari yakuniy egalarining har bir to‘liq aksiyasiga bittadan raqamli token beriladi. Token egalari esa «Trump Media» mahsulotlariga — «Truth Social» ijtimoiy tarmog‘i, «Truth+» va «Truth Predict» platformalariga bog‘liq ravishda vaqt o‘tishi bilan mukofotlar oladilar. Ushbu tashabbus aksiyadorlarni rag‘batlantirish, shuningdek, kompaniyaning turli platformalarida faol ishtirokni kuchaytirishni maqsad qilgan.
«Trump Media» kompaniyasi bosh direktori va boshqaruv raisi Devin Nunes shunday dedi: «Biz «Crypto.com» kompaniyasining blokcheyn texnologiyasidan foydalanib, tartibga solishga aniqlik kiritilgan sharoitda ushbu yangi turdagi tokenlarni tarqatishni, aksiyadorlarni mukofotlash va bozorda adolat hamda ochiqlikni oshirishni intiqlik bilan kutmoqdamiz».
Kompaniya ta’kidlashicha, ushbu tokenlar qimmatli qog‘oz emas, ular «Trump Media» kompaniyasida egalik huquqini bermaydi va naqd pulga almashtirib yoki boshqa shaxsga o‘tkazib bo‘lmasligi mumkin. Tokenlar tarqatilishi va ularning imkoniyatlari haqida batafsil ma’lumot kelgusi yilda e’lon qilinadi.
Sohani kuzatib boruvchilar fikriga ko‘ra, bu tashabbus ommaviy axborot sohasida aksiyadorlarni raqamli tokenlar orqali rag‘batlantirish borasidagi ilk mashhur misollardan biri hisoblanadi.
