«Uniswap Labs» (dasturiy ta’minot kompaniyasi) 2025-yil 27-dekabr kuni umumiy qiymati 600 million dollarga teng 100 millionta UNI tokenini butunlay yoqib yubordi.
Bu harakat blokcheyn tarmog‘ida boshqaruv rejasining bir qismi sifatida bajarildi. Ushbu reja protokol daromadlarini token qiymati bilan yanada yaqinroq bog‘lashga qaratilgan edi.
Labs kompaniyasi deflyatsion yo‘nalishga o‘tishini tasdiqlaganidan so‘ng, UNI narxi 6 foizga oshdi
«Uniswap Labs» (dasturiy ta’minot kompaniyasi) ushbu token yoqish ishini «UNIfication» nomli taklif asosida amalga oshirdi. Mazkur tashabbus 2025-yil noyabrida taqdim etilib, 2025-yil 25-dekabrda ko‘pchilik ovoz bilan qabul qilingan.
Ushbu tashabbus kompaniyaning ilgari amal qilgan to‘lovlarni ushlab turish modelidan voz kechib, tokenlarni muntazam yoqishga asoslangan yangi tizimga o‘tishini bildiradi.
Yangi tuzilma bo‘yicha, protokol to‘lovlari UNI tokenini sotib olib, keyin uni yoqishga sarflanadi. Bu esa UNI tokenini deflyatsion, ya’ni vaqt o‘tishi bilan miqdori kamayadigan aktivga aylantiradi. «Uniswap» v2 versiyasida likvidlik (pul aylanishi) ta’minlovchilari har savdodan 0,25 foiz daromad oladilar, shundan 0,05 foizi protokolga beriladi.
v3 versiyasida esa, likvidlik ta’minlovchilari o‘z daromadlarining to‘rt yoki olti qismini protokolga yo‘naltiradilar. Bu ularga to‘lov stavkasiga qarab belgilanadi.
Tashabbus tarafdorlari, tokenlar muntazam ravishda yoqilib borilsa, UNI tokenining muomaladagi miqdori asta-sekin kamayib borishiga ishonishadi. Ularning fikricha, bu kelajakda tokenning kamyobliligini oshirishi mumkin.
Tokenlar mexanizmidan tashqari, «UNIfication» tashabbusi «Uniswap» (birja xizmatini ko‘rsatuvchi platforma) ichki tashkilotini ham qayta tuzmoqda.
Yangilanish doirasida «Uniswap Foundation» (nodavlat jamg‘armasi) xodimlari «Uniswap Labs» (dasturiy ta’minot kompaniyasi)ga o‘tadi. Ularning xarajatlari esa jamg‘armaning rivojlanish fondidan moliyalashtiriladi.
«Uniswap Labs» bu o‘zgarishni rivojlantirish va amaliy ishlarni birlashtirish orqali protokolning kengayishiga xizmat qiladi, deb izohladi.
Kompaniya shu bilan birga, kelajakda yana boshqa daromad olish mexanizmlari alohida boshqaruv jarayonlari orqali taklif qilinishi mumkinligini ham bildirdi. Ehtimoliy daromad manbalari sifatida protokol to‘lovlari, blokcheynning ikkinchi qatlamidagi faoliyat (layer-2 tarmoqlari), Uniswap v4, UniswapX, PFDA va agregator xooklari tilga olindi.
Bozorga bu qaror ijobiy ta’sir ko‘rsatdi. «BeInCrypto» (axborot portali) ma’lumotlariga ko‘ra, UNI tokeni so‘nggi kun ichida 6 foizdan ortiq oshdi va xabarnoma tayyorlangan vaqtida $6,38 ko‘rsatkichiga yetdi.
«Uniswap» (birja xizmatini ko‘rsatuvchi platforma) kriptosohada markazlashmagan birjalar bo‘yicha savdo hajmida yetakchilik qiladi. U 40 ta blokcheyn tarmog‘ida faoliyat yuritadi. «DefiLlama» (analitik xizmat) ma’lumotlariga ko‘ra, «Uniswap» o‘tgan oy davomida 60 milliard dollardan ortiq savdo hajmini qayd etdi.
