«Upbit» birjasi bugun yana 4 ta yangi altkoin ro‘yxatga olinayotganini e’lon qildi. Birja savdoni Biconomy (BICO), Bubblemaps (BMT), Nillion (NIL) va ETHGas (GWEI) uchun ochadi.
Janubiy Koreyadagi eng yirik birja — «Upbit» savdoni Koreya standart vaqti bilan soat 13:00 da boshlaydi. Xabar e’lon qilingach, to‘rtala token ham narxda yuqoriga ko‘tarildi.
«Upbit» ro‘yxatga olishni tasdiqlagach, 4 altkoin tezda o‘sdi
GWEI bozor reaktsiyasiga yetakchilik qildi, xabardan so‘ng «Kraken» birjasida dollar kursiga nisbatan 11,75 foizga oshdi. BMT 7,48 foizga, BICO esa shuncha vaqt davomida o‘zining «Binance»dagi Tether (USDT) juftligida 7,35 foizga ko‘tarildi.
NIL – to‘rt token orasida eng kichik o‘sishga ega bo‘ldi, shu paytgacha 5,11 foizga ko‘tarildi.
Yangiliklarni darhol olish uchun bizni «X» ijtimoiy tarmog’i orqali kuzatib boring
Savdo faolligi ham narxlar bilan birga oshdi va GWEI yana yetakchilik qildi. «CoinGecko» ma’lumotiga ko‘ra, ETHGas tokenining savdo hajmi 24 soat ichida 197,70 foizga oshib, 11,1 million AQSH dollariga yetdi. Bu – to‘rtlik orasida eng keskin ko‘tarilish.
BICO undan keyingi natijaga erishdi: 46,70 foizga o‘sib, 34,5 million dollarga yetdi. BMT tokenida 12 million dollar (25,70% o‘sish) savdo qilindi, NIL tokenida esa 14,6 million dollar (21,40% o‘sish) qayd etildi.
Shu orada, bu holat takrorlanayotganini ko‘rish mumkin. Oy boshida «Upbit» birjasi yangi 6 ta altkoinni ro‘yxatga kiritganda ham shunga o‘xshash natija qayd etilgan: «Cysic» (CYS)– 32% va «AIOZ Network» (AIOZ) – 12,6% o‘sdi.
«Upbit» standart ochilish cheklovlarini joriy qilmoqda
Birja to‘rtta tokenning har birini ham «Bitkoin» va USDTga nisbatan savdoga chiqarmoqda. «Upbit» o‘z xabarnomasida Koreya voni (KRW) juftliklari haqida ma’lumot bermadi.
Depozit va yechib olish operatsiyalari xabar chiqishi e’lon qilingandan keyin ikki soat ichida ochiladi.
«Depozit va yechib olish faqat ushbu e’lon bilan ko‘rsatilgan tarmoqlar orqali amalga oshiriladi. Har doim depozit amalga oshirayotganda to‘g‘ri tarmoq tanlanganiga ishonch hosil qiling», — dedi birja rasmiy bayonotida.
«Upbit» shuningdek, savdoni boshlang‘ich cheklovlar bilan boshlamoqda. Savdo ochilgandan so‘ng taxminan besh daqiqa davomida sotib olish buyurtmalari cheklangan bo‘ladi.
Sotish buyurtmalari narxi avvalgi kun yakuniga nisbatan 10 foiz yoki undan ko‘p past bo‘lsa, bu davrda bunday savdo amalga oshirilmaydi. Taxminan ikki soat davomida faqat limitli buyurtmalar (narxi oldindan belgilanadigan buyurtmalar) qabul qilinadi.
Ushbu to‘rtta token narxi soat 13:00 dan keyin ham o‘z o‘sishini ushlab qola oladimi? Oldingi «Upbit» taqdimotlarida tez-tez kuzatilganidek, dastlabki savdolardan so‘ng narxlardagi o‘sish pasayishi mumkin.
Boshredaktor va jurnalistlar tahlili uchun bizning YouTube kanalimizga obuna bo‘ling
