Solana blokcheynida yaratilgan, keng jamoatchilikka hanuz tanilmagan «US Oil» (USOR) nomli kriptotoken bir kunda 150% dan ortiq o‘sishga erishdi. Uning bozor bahosi qisqa vaqt ichida $40 milliondan oshdi. Ushbu token atrofidagi o‘sish Amerikada Venesuela neft bloklarining savdosi haqida chiqqan so‘nggi xabarlar bilan bog‘liq bo‘ldi.
Bu token «CoinGecko» (kriptoindikatorlar platformasi)da trendga aylandi. Biroq, zanjirdagi ma’lumotlarni tahlil qiladigan mutaxassislar hamda treyderlar bu o‘sishni spekulyativ «pump» deb atab, ehtiyotlik bilan ogohlantirish berdi.
Geosiyosat savdoga mos memga aylanmoqda
Bu keskin o‘sish jahon siyosatida neft masalalariga e’tibor kuchaygani fonda yuzaga keldi. Xabarlarga ko‘ra, Vashington bugun Venesuela neft aktivlarini sotishni boshladi.
Katta siyosiy voqealar kripto bozoriga ham o‘tib, bu yerda treyderlar USOR tokenini siyosiy voqealarga bog‘lashda davom etdi. Lekin token va AQSH davlatining neft zahiralari o‘rtasida hech qanday rasmiy aloqa aniqlanmadi.
Ko‘tarilishning eng yuqori nuqtasida USOR narxi $0,04 dan oshib ketdi. Bir kunlik savdo hajmi esa $20 millionga yaqinlashdi.
Ushbu jarayon narx grafigida deyarli tik chiziq bo‘lib namoyon bo‘ldi. Bir necha treyder bunday harakatni g‘ayriodatiy deb belgiladi.
USOR bilan savdolar asosan Solana ekotizimida, ayniqsa «Meteora» (markazlashmagan platforma) orqali amalga oshirildi. Grafik ko‘rsatkichlarida kuchli savdo hajmlari va narxlarning keskin o‘zgarishi sababli «shubhali grafik» so‘rovlari paydo bo‘ldi.
Loyiha saytida USOR haqida «blokcheynda yaratilgan rezervlar indeksi» deb ta’rif berilgan. U o‘zini AQSH neft zaxiralari tokenlashtirilgan va AQSH manfaatlariga mos hamda oshkoralikka asoslangan deb ko‘rsatgan.
Biroq, sayt token saqlovchilari, huquqiy asoslar yoki AQSH rasmiysi neft zahiralari bilan bog‘liq asosli dalillarni bermaydi.
Shuningdek, ushbu token ichki shaxslar tomonidan yaratilgan bo‘lishi mumkin, degan taxminlar mavjud. Chunki u aynan TRUMP memkoin bilan bir xil — «Meteora» (markazlashmagan savdo maydonchasi) platformasida ishga tushirilgan.
Viral diagrammalar, asos yetarli emasligi va xavotirli belgilar kuchayishi
Bu orada, ijtimoiy tarmoq «X» ijtimoiy tarmog’ida kriptovalyuta foydalanuvchilari keskin qarama-qarshi munosabat bildirishdi.
Bazilar kripto treyderlar xabarlarga javoban o‘z narrativini qurib, hamkorlikdagi reklama, bitta joyda to‘plangan hamyonlar va tabiiy o‘sishning yo‘qligiga ishora qildi.
Boshqalar esa token brendi siyosiy voqealarni ataylab o‘ziga o‘xshatib, Rag pull sxemasi — ya’ni firibgarlik sxemasi uchun yo‘naltirilgan, deb ogohlantirdi.
Keng tarqalgan postda USOR «Venesuela neft zahiralariga blokcheyn orqali chiqish imkonini beruvchi token» deb reklama qilindi. Biroq, bu iddaolarni AQSH rasmiylari yoki energiya agentliklari tasdiqlamagan.
Bir nechta tahlilchilar vaqt, brend va grafik tuzilmasi ilgari ham siyosiy memkoinlar xususida ko‘rilgan va xuddi shunday tez o‘sish, ichidan qulash holatini eslatishini ta’kidladi.
Blokcheyndagi mustaqil monitoring vositalari yuborgan ma’lumotlarga ko‘ra, USOR tokenlarning katta qismi bir nechta yirik hamyonlarda to‘plangan.
Ijtimoiy tarmoq «X» ijtimoiy tarmog‘ida tarqalgan «bubble map» (ko‘rsatuvchi xarita)da yuqori ulush egalari o‘zaro bog‘liq ekani va kech savdo qilganlar uchun likvidlik xavfi ortgani qayd etilgan.
Umuman, USOR misolida yana bir bor ko‘rib turibmizki, yirik iqtisodiy va siyosiy yangiliklar tezda kriptobozo‘rda taxmin va spekulyatsiyalarga aylanishi mumkin. Bozor barqarorligi, investitsiyalar barqarorligi, kelajak barqarorligi har doim ishonchli faktlarga asoslangan bo‘lishi kerak.
Hozirda AQSH Venesuelaga oid neft siyosatini tubdan o‘zgartirishga harakat qilayotgan bir paytda, kripto bozori tez-tez faktlarsiz siyosiy hikoyalarni moliyaviy mahsulotga aylantirishga urinmoqda.
USOR qisqa umrli memkoin bo‘lib qoladimi yoki uzoq muddatli token bo‘ladimi — bu hanuz noma’lum. Ma’lum bo‘lgani shundaki, treyderlar voqeani sotib olishga shoshilmoqda, biroq ogohlantirishlar ham kuchayib bormoqda: voqea yoki hikoya asosli emas, hech kim ishonch va xavfsizlik kafolatini bermaydi. Kriptosohada vaqt – bu nafaqat pul, balki ishonch.
