Kriptovalyuta bozori yana bosim ostida qoldi. So‘nggi 24 soat ichida jami bozor kapitallashuvi deyarli 1% ga tushdi va eng yetakchi 10 ta aktivlarning barchasi yo‘qotishlarni ko‘rsatdi.
Shunga qaramay, ayrim altkoinlar tendensiyadan ajralib chiqmoqda. «Venice Token» (VVV) eng kuchli natijani ko‘rsatayotgan top 300 kriptovalyuta orasida oldinda bormoqda.
Bozordagi pasayishga qaramay, VVV token 20 foizga oshdi
«Venice AI» — bu maxfiylikka urg‘u beruvchi, ruxsatsiz ishlovchi platformadir. U ochiq kodli AI (Sunʼiy intellekt) modellaridan senzurasiz foydalanish imkonini beradi. Ushbu platformada matn, surat, video va kod yaratish bo‘yicha xizmatlar mavjud. «ShapeShift» kompaniyasi (kripto xizmat ko’rsatuvchi tashkilot) sobiq bosh direktori Erik Voorhees (Erik Vorhis) tomondan asos solingan.
«Venice Token» (VVV) — «Venice AI» ekotizimining o‘ziga xos tokenidir. U 2025-yil yanvar oyida ishga tushirilgan. Ushbu altkoinning asosiy foydali jihati — staking (tokenlarni saqlab, mukofot olish) imkoniyatidir.
Foydalanuvchilar VVV tokenlarini stakingga qo‘yadi va evaziga mukofot oladilar yoki DIEM ishlab chiqaradilar. Har bir DIEM yordamida kuniga $1 miqdorida API ga abadiy kirish imkoniyati yaratiladi.
«BeInCrypto Markets» (axborot nashri) ma’lumotlariga ko‘ra, bugun VVV 20% dan ortiq o‘sdi va kunlik eng yuqori nuqtada $6.78 ga yetdi. Bu narx 2025-yil fevralidan buyon eng yuqori ko‘rsatkich bo‘ldi.
Ushbu maqola yozilayotgan vaqtda token narxi $6.57 atrofida sotilmoqda. Bundan tashqari, «CoinGecko» (kriptovalyuta ma’lumot servisi) xabariga ko‘ra, VVV bozor kapitallashuvi bo‘yicha top 300 kriptovalyutalar orasida eng ko‘p o‘sishga erishdi.
«X» ijtimoiy tarmog‘ida bizni kuzatib boring, so‘nggi yangiliklardan xabardor bo‘lish uchun
Dushanbadagi bu kuchli o‘sish alohida hodisa emas, balki kengroq o‘sish trendining bir qismi. «CoinGecko» tashkiloti so‘nggi postida VVV so‘nggi uch oyda 7,5 baravar o‘sganini ta’kidladi. Maydonda davom etayotgan o‘sish fonida tokenning bozor kapitallashuvi $290,7 milliondan oshdi.
Nega Venice Token (VVV) tez o‘smoqda?
Asosiy savollardan biri — ushbu o‘sishga nima sabab bo‘lyapti? «CoinGecko» ikki muhim omilni ajratib ko‘rsatdi. Birinchidan, platforma yiliga chiqariladigan tokenlar hajmini 2025-yil fevralning 10-sanasidan boshlab kamaytirdi: avval 8 million VVV chiqarilayotgan bo‘lsa, endi bu ko‘rsatkich yiliga 6 million VVV ga tushirildi.
Yangi tokenlar chiqarilishining 25% ga qisqarishi bozorda ta’minotni kamaytirdi. Aylanmadagi tokenlar soni kamaysa, sotuv bosimi pasayadi va tokenning yetishmasligi oshadi. Ikkinchidan, VVV bir nechta platformalarda joriy etilishi natijasida uning qo‘llanilishi va tanilishi ko‘paydi.
«Mana nima uchun narx o‘sdi: Venice yiliga chiqariladigan tokenlarni 6 mln VVV ga qisqartirdi — bu esa ta’minot yetishmasligini kuchaytirdi. VVV bir nechta DeFi (markazlashmagan moliyaviy xizmat) platformalarida foydali tarzda joriy qilindi: → Aerodrome: likvidlik → Morpho: garov → Plena: to‘lovsiz almashuv». Bu haqda postda aytilgan.
Bundan tashqari, platformada foydalanuvchilar soni ham ortib bormoqda. «Venice AI» (AI asosidagi platforma) hozirda 2 million ro‘yxatdan o‘tgan foydalanuvchiga ega. Bu ekotizimda barqaror o‘sishni ko‘rsatmoqda. Shuningdek, API xizmatlaridan foydalanayotganlar soni ham yuqordi.
«LunarCrush» (tahliliy platforma) ma’lumotlariga ko‘ra, VVV atrofida ijtimoiy faollik ham juda yuqori. VVV bilan bog‘liq faollik kundalik o‘rtacha ko‘rsatkichdan 255% yuqori bo‘ldi, ijtimoiy maydondagi ustunlik esa o‘tgan haftaga nisbatan 424% ga oshdi. Token umumiy kriptovalyutalar orasida «AltRank» (alternativ reyting) bo‘yicha 8-o‘rinni oldi va bu uning kuchli natijasi va ommaviy qiziqish borligini ko‘rsatdi.
«Doimiy muhokamada: maxfiy va senzurasiz AI ishlatilishi, resursga ehtiyoj staking talabini oshiradi, staking esa aylanuvchi taklifni qisqartiradi va ta’minot qisqarishi narxni yuqoriga bosadi. $DIEM tokeni chiqishi bu jarayonni kuchaytirdi — 7,56 million VVV allaqachon garovga bloklangan, bu jami aylanmadagi tokenlarning taxminan 17% ini tashkil etadi», — deya izoh berdi «LunarCrush» (tahliliy platforma) o‘zining hisobotida.
VVV hali ham o‘zining barcha vaqtlar eng yuqori narxidan 70% pastda turibdi. Ta’minot qisqarishi va foydalanuvchilar sonining ortishi zamiridagi hozirgi o‘sish ko‘rsatkichlari yumshoq bozor sharoitida davom etadimi yoki yo‘qligi hozircha noma’lum.
