«Uoll-strit» fond bozori (AQShning moliyaviy markazi) bozorida pasayish kayfiyati kuchaymoqda, bunga bir nechta asosiy indikatorlar dalolat bermoqda. «CNN» axborot agentligining fond bozori Qo‘rquv va Ochko‘zlik indeksi 9 darajagacha tushib ketdi.
Bu ko‘rsatkich so‘nggi marta noyabr oyida bu qadar past bo‘lgan. Bunday ko‘rsatkich investorlar kayfiyatining keskin yomonlashganini bildiradi.
Eng so‘nggi yangiliklarni birinchi bo‘lib bilish uchun bizni «X» ijtimoiy tarmog‘ida kuzatib boring
«The Kobeissi Letter» axborot nashri (axborot tahliliy manba) tomonidan to‘plangan ma’lumotlarga ko‘ra, bir vaqtning o‘zida bir nechta aktiv sinflarida pasayishga tikilgan pozitsiyalarning darajasi ancha yuqorilagan.
Russell 3000 kompaniyalarining oʻrtacha qisqa (short) pozitsiyasi 4,3% ga yetdi. Bu so‘nggi 15 yil ichida eng yuqori ko‘rsatkichdir va 2022 yilgi pasayish bozorining cho‘qqisidan yana bir foiz punktiga yuqoridir.
Energiyaga doir sohada yanada jiddiy vaziyat kuzatilmoqda. «State Street Energy Select Sector SPDR ETF (XLE)» kompaniyasining (birja fondi) qisqa pozitsiyalari soni 2008 yil moliyaviy inqirozidan beri eng yuqori ko‘rsatkichga chiqdi.
«So‘nggi bir necha haftada sohaga bo‘lgan qisqa pozitsiyalar SONI IKKILANGAN – bu asrda eng tez o‘sish bo‘ldi», – deyiladi postda.
Shuningdek, «State Street SPDR S&P 500 ETF Trust (SPY)» kompaniyasi (birja fondi) bo‘yicha «put optsionlar» hajmi 8,6 million kontraktga yetdi, bu eng so‘nggi marotaba 2025-yil aprelidagi «Ozodlik kuni» soliq siyosati zarbasidan beri kuzatilmagan edi
«The Kobeissi Letter» axborot nashri, shuningdek, markazlashtirilgan vositalar orqali olib borilayotgan leveredjlangan (qarzga asoslangan) uzun va qisqa ETF savdolari nisbati ham kamayganini ta’kidladi. Hozir bu ko‘rsatkich deyarli 1,1 ga teng.
«Bu shuni bildiradiki, leveredjlangan qisqa ETF savdolarining faolligi hozir leveredjlangan uzun ETF savdolari darajasiga yetib oldi», – izoh berdi tahlilchilar.
E’tiborlisi, bu nisbat 2023 yil oktyabrda ko‘tarilish (bull) kayfiyati ustun bo‘lgan paytda 3,0 ga teng edi. Hozirda u 2022 yilgi pasayish bozori va 2020-yilda pandemiya cho‘qqilariga yaqinlashmoqda. O‘sha paytlarda investorlar yangi pasayishlarni kutish holatida edi.
«Taqqoslash uchun, bu nisbat 2008 yilgi moliyaviy inqirozning eng past nuqtasida 0,4 gacha tushgandi. Bu esa qisqa ETF savdolari hajmi uzun ETF savdolaridan 150 foizga koʻp degani», – deya qoʻshimcha qiladi «The Kobeissi Letter» axborot nashri.
Turli indikatorlarda, qisqa pozitsiyalarda, optsion himoyasida va ETF oqimlaridagi keskin o‘zgarishlar qarama-qarshi savol tug‘diradi. Pozitsiyalar bir yoqlamaga juda og‘sa, bozor tarixan kutilmagan va kuchli qarshi o‘zgarishlarga moyil ekanini ko‘rsatgan.
Biroq bu naqsh kuchayib borayotgan geosiyosiy tanglik va yangi makroiqtisodiy xavflar sharoitida davom etadimi yoki yo‘qmi — bu hozircha aniq emas.
