XRP kriptovalyutasi oy boshidan boshlab bosim ostida qoldi va natijada token oylik eng past darajagacha tushdi.
Yuzaki qaraganda, bu tushish xavotirli ko‘rinadi, ammo tarixiy ma’lumotlarga ko‘ra, bunday holatlar davomiy tus emas, balki charchoq davrini bildirishi mumkin. Odatda, bunday vaziyatlarda sotish bosimi pasayib, yig‘ish jarayoni kuchayadi va bozorda o‘zgarishlar boshlanadi.
XRP egalari optimistik kayfiyatda
Blokcheynda kuzatilayotgan ma’lumotlarga ko‘ra, uzoq muddatli investorlar orasida ishonch ortib bormoqda. XRP’ning «Liveliness» indikatori so‘nggi olti hafta davomida keskin pasaydi va hozirda ikki oylik eng past pog‘onaga yetdi. «Liveliness» — bu foydalanuvchilar tokenlarni sotayaptimi yoki saqlayaptimi, shuni ko‘rsatadi. Uning pasayishi — bu tokenlarni sotish emas, balki ularni yig‘ish bosqichiga o‘tilganidan dalolat beradi.
Uzoq muddatli investorlar, aynan tuzatish davrlarida, narx harakatiga jiddiy ta’sir ko‘rsatadi. Ularning muntazam token yig‘ishi bozorda aylanuvchi taklifni kamaytiradi va sotish bosimini pasaytiradi. XRP uchun bunday holat so‘nggi zaifliklarga qaramay ishonch saqlanib qolayotganini ko‘rsatadi. Umumiy bozor hissiyoti tiklanganda, bu holat o‘zini oqlash imkonini kuchaytiradi.
«Momentum» — ya’ni harakat tezligini ko‘rsatuvchi indikatorlar bozorda o‘zgarishlar bo‘lishi ehtimolini tasdiqlaydi. So‘nggi vaqtda Nisbiy kuch indeksi (RSI – Relative Strength Index) haddan tashqari sotilgan hududdan — 30 darajadan pastga tushib, yana tepaga ko‘tarildi. RSI — bu narx dinamikasini o‘lchovchi indikator bo‘lib, haddan ortiq sotilgan sharoitlar ko‘pincha past nuqtalarni bildiradi, bu esa tez-tez yangi o‘sishlarga sabab bo‘ladi.
XRP tokenining haddan tashqari sotilgan hududga kirib borishi ko‘plab qisqa muddatli investorlar kapitulyatsiyasidan dalolat beradi. Keyinchalik kuzatilgan tiklanish esa, sotish bosimi kamaygani belgisi. Odatda, bunday vaziyatda aktivlar qisqa muddatli o‘sish harakatlarini namoyon qiladi, ayniqsa uzoq muddatli investorlar tomonidan faol tarzda token yig‘ilishi kuchaygan bo‘lsa.
XRP narxi chiqib ketishi ehtimoli yuqori
XRP tokeni oy boshidan buyon pastga harakatlanayotgan «descendig wedge» — pastga qarab torayuvchi uchburchak ichida savdo qilmoqda. Ko‘pincha, bunday shakl narx pasayishining sekinlashganidan dalolat beradi va odatda o‘sishga ishora sifatida talqin qilinadi. Ushbu tuzilmalardan yuqoriga chiqish jarayoni, odatda, sotuvchilar bosimi yo‘qolib, xaridorlar bozorda ustunlikka ega bo‘lishni boshlaganda yuz beradi.
Shakl yechiladi va tasdiqlanadigan bo‘lsa, narx 11,7% ga o‘sishi prognoz qilinadi. XRP narxi hozirda $1.87 atrofida savdo qilinmoqda, texnik nuqtayi nazardan, maqsad $2.10 ga kelib to‘xtaydi. Ehtiyotkorona yondashuv esa, tasdiqlash nuqtasini $2.03 atrofida deb baholaydi. Bu darajaga chiqish, trendning yaxshi tomonga o‘zgarayotganidan dalolat beradi.
Agar narx ushbu toraygan uchburchakdan chiqib keta olmasa, ijobiy prognoz kuchsizlanadi. Davom etayotgan tashqi bosim XRP narxini $1.79 darajasigacha tushirib yuborishi mumkin. Ayni damda, narx chuqurroq pasaysa, yo‘qotishlar $1.75 gacha yetishi, o‘zgarish boshlanishi ssenariysi bekor bo‘lishi va pasayish tendensiyasi avvalo mustahkamlanishi mumkin.
