Xususiy kredit bozori tobora kuchayib borayotgan bosimga duchor bo‘lmoqda, chunki sarmoyadorlar «Sunʼiy intellekt» dasturiy ta’minot kompaniyalarining daromad oqimiga qanday ta’sir qilishi borasida keskin xavotir bildirayotganini ko‘rish mumkin.
Mutaxassislarning ta’kidlashicha, «Sunʼiy intellekt» sababli ish o‘rinlari qisqarishi, xususiy kredit bozoridagi stress kuchayishi va kredit olish shartlarining og‘irlashishi natijasida hukumat pul chiqarishga majbur qolishi mumkin. Bu esa «Bitkoin» uchun sezilarli ahamiyatga ega bo‘lgan holatlarni yuzaga keltirishi mumkin.
Xususiy kredit bozorida bosim kuchayib bormoqda
«Morgan Stanley» (moliya tashkiloti) prognoz qilmoqdaki, to‘g‘ridan-to‘g‘ri kredit berishda to‘lovni bajarmaslik darajasi 8 foizgacha yetishi mumkin. Bunga «Sunʼiy intellekt» dasturiy sohada qilayotgan islohotlari sabab bo‘lmoqda.
Xuddi shu paytda, «Fitch Ratings» (reyting agentligi) tomonidan ishlab chiqilgan AQSH Xususiy Kredit To‘lovdan Qochish Ko‘rsatkichi 5,8 foizgacha ko‘tarildi. Bu ko‘rsatkich 2024-yil avgustidan beri eng yuqori natija bo‘ldi. Asosiy xususiy kredit boshqaruvchilari uchun aksiyalar narxi ham keskin pasaydi.
«BeInCrypto» (axborot sayti) ham xabar berishicha, eng yirik besh xususiy kredit fondi boshqaruvchisi fevral oxiridan boshlab sarmoyadorlar uchun pul yechib olishni cheklagan yoki to‘xtatgan. Bundan tashqari, AQSH Biznesni Rivojlantirish Kompaniyalari Indeksi (MVBDC) fevral oxirida oxirgi bir necha yil ichidagi eng past darajaga tushib ketdi. Bu ishoratlar sohaga bosim ortib borayotganini ko‘rsatadi.
Bitkoinning afzalliklari va muhim jihatlari
Makroiqtisodiy tahlilchi Lyuk Gromenning fikricha, AQSH moliyaviy tizimi uch-olti oy ichida pul chiqarishga majbur bo‘lishi mumkin. U keltirayotgan bosimlar orasida «Sunʼiy intellekt» sababli ish o‘rinlari qisqarishi, xususiy kredit bozori muammolari va kredit berish uchun mavjud pulning qisqarishi ham bor.
«Bilaman, butun tizim yuqori darajada qamrab olingan. Bilaman, hukumat sifatida, federal hukumat sifatida tushumlarimiz tarixiy maksimumda bo‘lsada, biz hozir nafaqalarga va foiz xarajatlariga zo‘rg‘a yetkazvomiz. Har qanday iqtisodiy inqiroz bizni yoki davlat obligatsiyalarini to‘lay olmaslik, yoki nafaqa majburiyatlarini bajarmaslikka, yoki pul chiqarishga majbur qiladi. Va ular pul chiqaradi», – deya ta’kidlaydi Lyuk Gromen.
Agar pul chiqarish ko‘payadigan bo‘lsa, «Bitkoin» ushbu jarayonda asosiy foyda oluvchilardan biriga aylanishi mumkin. Chunki sarmoyadorlar valyuta qadrsizlanishidan himoyalanish uchun kamyob va davlatga bo‘ysunmaydigan aktivlarga o‘tishadi. Aynan hozirgi paytda, «Bitkoin» endi shunchaki nazariy himoya vositasi emas. U haqiqiy hayotda bu rolini amalda namoyon qilmoqda.
An’anaviy bozorlar geosiyosiy tanglik ta’sirida qiynalayotgan bir vaqtda, «Bitkoin» 28-fevraldan beri Eron inqirozi kuchaygach 10,87% o‘sishga erishdi. Bu davrda u S&P 500, «Nasdaq 100», oltin va kumushdan ham yaxshi natija ko‘rsatdi.
Hozirda ham likvidlik inqirozi xavfi, ham geosiyosiy beqarorlik mavjud bo‘lsa, «Bitkoin» uchun imkoniyatlar yanada jozibador bo‘lib bormoqda.
