Yangi yilning birinchi oyi doimo asosiy tarmoq va protokol yangilanishlarining boshlanish nuqtasi bo‘lib xizmat qiladi. Altkoinlar ham ushbu sur’atdan unumli foydalanishi mumkin. So‘nggi kunlarda ayrim altkoinlar bunday misollarni namoyish etdi.
«BeInCrypto» axborot sayti uchta shunday altkoinni tahlil qildi. Investorlar yanvar oyining ikkinchi haftasida aynan shu tokenlarga e’tibor qaratishi kerak.
Mantl (MNT)
«Mantle» platformasi yilning birinchi muhim tarmoq yangilanishiga tayyorlanmoqda. Bosh tarmoq yangilanishi «Efirium» blokcheyni tomonidan ishlab chiqilgan Fusaka yangilanishining barcha imkoniyatlarini qo‘llab-quvvatlashga mo‘ljallangan. Bu hafta ishga tushirilishi rejalashtirilgan yangilanish platforma foydaliligi va masshtabini oshirishi mumkin. Natijada yangi foydalanuvchilar jalb qilinadi va blokcheynda faoliyat kuchayadi.
Bu rivojlanish MNT tokeni narxiga turtki bo‘lishi mumkin. Hozirgi vaqtda u $0,99 atrofida savdo qilinmoqda va narx biroz ko‘tarilmoqda. So‘nggi paytda 14 foiz zararlarni qoplash uchun,altkoin aniq $1,04 darajasini yengib o‘tishi zarur. Ushbu ko‘rsatkichni mustahkamlash esa $1,11 sari yo‘l ochib, yangi «buqa bozori» (ko‘tarilish kayfiyati) boshlanayotganini bildiradi.
Shu kabi tahlillarni tez-tez olishni xohlaysizmi? U holda muharrir Harsh Notariya tomonidan tuzilgan kunlik kriptovalyuta axborot byulleteniga bu yerda obuna bo‘ling.
Agar bozor ishonchi pasaysa, tavakkal xavfi yuqoriligicha qoladi. «Buqa» kayfiyati kuchaymasa, MNT $1,04 darajasida to‘xtalib qolishi va sotuv bosimi yana ortishi mumkin. Agar shu yerda rad etilsa, token yana $0,94 atrofidagi tarixiy minimumga tushib ketadi va ko‘tarilish taxminlari o‘z kuchini yo‘qotadi.
Mantra (OM)
OM tokeni oy boshida kuchli natija ko‘rsatdi va $0,078 atrofida savdo qilinmoqda. «MANTRA» blokcheyn tarmog‘i muhim o‘zgarishga tayyorlanmoqda. 2026-yil 15-yanvarga qadar foydalanuvchilar ERC20 OM tokenlarini «MANTRA Chain» platformasiga o‘tkazishi zarur. Belgilangan muddatdan so‘ng ERC20 OM asta-sekin muomaladan olib tashlanadi. Natijada likvidlik va barcha faoliyat asosiy tarmoqqa jamlanadi.
Bu ko‘chirish ishlari natijasida «MANTRA Chain»da chiqarilgan OM tokeni yagona va asosiy token bo‘lib qoladi. Bunday tizimli yangilanishlar ko‘pincha tokenlarning bo‘linishini kamaytiradi va tarmoq faoliyatini aniqroq qiladi. Shu sababli,qisqa vaqt ichida narxlar uchun turtki bo‘la oladi. Agar investorlar ishonchi ortsa, OM narxi $0,083 tomon harakat qilib, keyingi o‘sish uchun zamin yaratishi mumkin.
Agar xarid qilish istagi pasaysa, tavakkal xavfi yuqori bo‘lib qoladi. Chaikin Money Flow indikatori oldingiday kapital chiqishini ko‘rsatyapti, ya’ni sotuv bosimi davom etmoqda. «Buqa» kayfiyati kuchli bo‘lmasa, OM $0,077 dan pastga tushishi mumkin. Agar bu qulash davom etsa, narx $0,072 tomon chekinadi va ko‘tarilish taxminlari kuchini yo‘qotadi.
Polygon (POL)
POL tokeni haftaning eng yaxshi natija ko‘rsatgan tokenlari ro‘yxatiga kirdi. Bunga sabab shuki, «Polygon» blokcheyni Vayoming shtatining «Stable Token Commission» (barqaror tokenlar bo‘yicha komissiya) davlat idorasi tomonidan shu shtatning birinchi barqaror tokenini joylashtirish uchun tanlandi. Ushbu yangilik POL tokenining ommabopligi va institutsional ishonchini oshirdi. Bu voqea investorlar qiziqishini kuchaytirdi va POL real hayotda blokcheyn texnologiyasini joriy etishda asosiy manfaatdorga aylandi.
Bu hodisa natijasida POL narxi avval 46 foizga ko‘tarildi, so‘nggi 48 soat ichida esa 12 foizga pasaydi. Bu teskari harakat $0,183 darajasini yengib o‘tolmaganligi va 200 kunlik EMA chizig‘i ustiga chiqilmaganidan keyin yuz berdi. Agar shu daraja oshilsa, bozor yirik miqyosda ko‘tarilish sari buriladi va narx $0,200 sari harakat qiladi. Bu esa, albatta, sotuv bosimi kuchaymasa, sodir bo‘ladi.
Tavakkal kuchayadi, agar egalari tezda foyda olish uchun tokenlarni sotishga shoshilsa. Bunday vaziyatda POL $0,138 asosiy qo‘llab-quvvatlash zonasiga chekinishi mumkin. Agar bu chiziqdan ham pastlasa, narx 50 kunlik EMA ostiga tushadi. Bunday harakat optimistik taxminlarni inkor qilib, POL tokenini yana chuqurroq pasayishga olib keladi, narx esa $0,119 sari pastlashi mumkin.
