Blokcheyn tergovchisi ZachXBT, boshqarilayotgan va kelishilgan holda ishlatilayotgan 10 dan ortiq X ijtimoiy tarmog’idagi (oldingi nomi Twitter) akkauntlarni fosh qildi. Ular urush va siyosiy voqealar haqida vahimali, tez tarqaladigan yolg‘on xabarlar ishlab chiqarib, odamlarni kriptovalyuta sohasidagi «Pump va Dump» sxemalariga jalb qilmoqda. Shundan so‘ng, ZachXBT yanada keskin savol qo‘ydi: agar bunday faoliyatni bir davlat amalga oshirsa, natija qanday bo‘ladi?
Tergov natijasida ko‘plab X ijtimoiy tarmog‘i foydalanuvchilari har kuni bu akkauntlar bilan aloqada bo‘lishini, ammo ularning aslida sunʼiy tarzda montaj va yolg‘on kontent tarqatayotganidan bexabar qolayotganini aniqladi.
AI (Sunʼiy intellekt) personajlar, sotib olingan obunachilar va olti raqamli daromad bilan chiqib ketish
Bu ishlarning ortida turganlar tayyor, ko‘plab obunachilarga ega bo‘lgan akkauntlarni sotib olishadi, so‘ngra sunʼiy intellekt orqali yaratilgan soxta shaxslarni ishga solib, har kuni bir necha bor urush va siyosiy voqealarni oshirib ko‘rsatadigan, sansatsion postlar joylashtirishadi.
Bog‘langan akkauntlar bir-birining materiallarini qayta joylab, tarqalishini kuchaytiradi. Bunday yo‘lda asossiz yoki bo‘rttirilgan xabarlar millionlab ko‘rishga erishadi.
Misol uchun, @wanglaurentceo nomli akkaunt sunʼiy intellekt yordamida, ZachXBT ma’lumotiga ko‘ra, X ijtimoiy tarmog’i uchun mashhur Mario Nafal ismli shaxsning soxta osiyolik ko‘rinishdagi nusxasini yaratgan. Bu haqda ma’lumot «BeInCrypto» axborot sayti maqolasida ham chop etilgan.
Katta auditoriyaga ega boshqa akkauntlar bu soxta kontentni javoblar va sitatalar orqali bilmagan holda tarqatib yuboradi. Bunday harakatlar ortida esa tarmoq aʼzolari aslida kriptovalyuta sohasidagi firibgarlik sxemalarini reklama qilishga o‘tadi.
ZachXBT blokcheyn orqali olib borgan tekshiruv natijasida, barcha 10 ta akkaunt 2026-yil 22-fevral kuni $ORAMAMA nomli tokenni targ‘ib qilganini, keyin hech qachon tilga olmaganini aniqladi. U, bu sxema natijasida olti raqamli daromad olinganini taxmin qildi.
Maqola nashr qilingach, barcha 11 ta akkaunt bir vaqtning o‘zida ZachXBT ni bloklab qo‘ydi. Bu barcha akkauntlarni yagona operator boshqarayotganidan dalolat beradi.
Milliy davlatlar haqida ogohlantirish
ZachXBTni eng xavotirli o‘ylantirgan narsa esa kripto firibgarligi emasdi. U agar bunday sxemani oddiy memkoin firibgar emas, davlat miqyosidagi tashkilot amalga oshirsa, oqibatlari «qo‘rqinchli bo‘lishi mumkin»ligini aytdi.
Bunday tarmoqni yaratish uchun katta mablag‘ va murakkab infratuzilma kerak emas. Sotib olingan akkauntlar, sunʼiy intellekt orqali ishlab chiqilgan kontent va kelishilgan tarzda kuchaytirilgan tarqatish arzon va hamma uchun ochiq.
U bunday kelishilgan manipulyatsiyani amalga oshirayotganlarni X ijtimoiy tarmog’idan bloklash va huquqiy javobgarlikka tortishni tavsiya etdi. Chunki bunday tarmoqlardan tarqatilayotgan targ‘ibot X ijtimoiy tarmog‘i foydalanuvchilariga har kuni yetib borayotgani ta’kidlandi.
ZachXBT, ijtimoiy tarmoqlardagi sunʼiy intellekt yordamida ko‘plab soxta spam postlar tarqalayotgani tufayli, foydalanuvchilarga har qanday kontentga javob berishdan oldin uning yozuvlar tarixi va akkaunt tafsilotlarini diqqat bilan ko‘rib chiqishni maslahat berdi.
Tergov ZachXBTning oldingi surishtiruvlariga, jumladan, soxta «Rashid bin Saeed» nomli akkauntga ham asoslanadi. U akkaunt soxta Eron harbiy hujum ro‘yxatlarini yaratib, shunga o‘xshash firibgarliklar uchun jamoatchilik e’tiborini jalb qilgan edi.
Bu faktlar hozircha aniqlangan 11 ta akkauntdan tashqari, tarmoq yuqoriroq va kengroq bo‘lishi mumkinligini ko‘rsatadi.
