«Zerohash» – blokcheyn infratuzilmasi ta’minotchisi, AQSH Moliya nazorati boshqarmasi (OCC) – davlat tashkilotiga Milliy ishonchli bank uchun litsenziya olish maqsadida ariza topshirdi. Shu tariqa, ushbu sohada federal litsenziya olishga intilayotgan kriptovalyuta kompaniyalari safi kengaymoqda.
«Zerohash» kompaniyasining bosh yuridik va muvofiqlik bo‘yicha mas’ul xodimi Stiven Gardner kompaniya uchun ushbu litsenziyani olish mantiqiy va izchil qadam ekanini ta’kidladi.
Nima uchun bu muhim:
- Milliy ishonchli bank litsenziyasi moliya tashkilotiga butun mamlakat bo‘ylab ishonchli bank sifatida faoliyat yuritish imkonini beradi.
- Bu litsenziya tashkilotlarga mijozlar aktivlarini ishonchli saqlash, ularni boshqarish va hisob-kitob xizmatlarini ko‘rsatishga ruxsat beradi. Lekin, bu litsenziyaga ega bo‘lgan banklar omonat qabul qila olmaydi, kredit bermaydi va FDIC (Bank omonatlarini sug‘urtalash federal korporatsiyasi) sug‘urtasi bilan kafolatlanmaydi.
- OCC tomonidan kriptovalyuta kompaniyalariga ruxsat berish hollari ko‘payib borayotganining o‘zi — bu raqamli aktivlar infratuzilmasi endi federal nazorat va tartibga muvofiqlik sari o‘zgarayotganidan dalolat.
Batafsil:
- Agar ma’qullansa, ushbu litsenziya «Zerohash» kompaniyasiga federal doirada o‘z xizmatlari turini yanada kengaytirish imkonini beradi.
- Boshqa kripto aktiv kompaniyalari ham shunday qadamlar qo’yib, ba’zilari allaqachon shartli ruxsat olishga muvaffaq bo‘lgan.
- «Crypto.com» xalqaro kompaniyasi shartli OCC ruxsatini fevral oyining oxirida oldi. Shuningdek, «Ripple» kompaniyasi, «Circle» kompaniyasi, «Paxos» kompaniyasi va «Fidelity» kompaniyasi 2025-yilda shunga o‘xshash ruxsatlarni oldi.
- Qo‘shimcha ravishda, «BitGo» kompaniyasi 2025 yil dekabr oyida to‘liq OCC tasdig‘ini oldi.
- «World Liberty Financial» moliyaviy tashkilotining sho‘ba korxonasi 2026 yil yanvarda AQSHda «World Liberty Trust Company, National Association» tashkil etish uchun ariza topshirdi.
Kengroq manzara:
- An’anaviy bank tashkilotlari OCC tomonidan kripto kompaniyalarga ishonchli bank litsenziyasini berishga norozilik bildirmoqda.
- «American Bankers Association» – Amerika banklar assotsiatsiyasi, ishonchli bank litsenziyasining ayniqsa an’anaviy aktivlarni boshqarish bilan shug‘ullanmaydigan kompaniyalar uchun kengaytirilishi bank tushunchasi va normativ tartib o‘rtasidagi farqlar mushohadasiga olib kelishi, hamda bu ortidan tartibga muvofiqlikdan qochishga imkon ochib berishidan xavotir bildirmoqda.
