Barqaror tokenlar moliyaviy infratuzilmaning asosiy qatlamiga kirib kelgan. Blokcheynda oyiga amalga oshiriladigan tranzaksiya hajmi hozirda 2 trillion dollardan oshmoqda. «Visa», «Mastercard» va «Stripe» kabi to‘lov tarmoqlari ham ushbu yo‘nalishda faoliyatini kengaytirdi.
Biroq, ushbu tokenlar ortidagi infratuzilma deyarli ko‘rinmaydi. Bu infratuzilmaga mablag‘larni saqlash, yangi tokenlar chiqarish, operatsiyalarni bajarish va qonunchilikka moslik tizimlari kiradi. Aynan shu sohada «BitGo» kompaniyasi (kripto saqlash xizmati provayderi) faoliyat yuritadi.
Hozirda ushbu kompaniya «BeInCrypto» (axborot manbasi) tomonidan tuzilgan 2026-yilgi «Institutional 100 Awards» mukofotining «Eng yaxshi barqaror token infratuzilmasi yetakchisi» nominatsiyasiga tavsiya etilgan.
Institutsional ishtirokchilar soni o‘sib bormoqda
Bu nominatsiya asosan 2026-yil 2-aprelda ishga tushirilgan «BitGo Mint» platformasiga bag‘ishlangan. Ushbu tizim orqali yirik kompaniyalar va moliyaviy tashkilotlar bevosita «BitGo» saqlash tizimi ichida barqaror tokenlar chiqarishi, yechib olishi va boshqarishi mumkin.
«BitGo» kompaniyasining bunday bosqichga chiqishi qator muhim rivojlanishlardan so‘ng amalga oshdi. 2025-yil dekabr oyida AQShning «Office of the Comptroller of the Currency» (moliya sohasini tartibga soluvchi davlat idorasi) kompaniyaga milliy ishonchli fond banki maqomini berdi.
Bundan bir oy o‘tib, «BitGo» aksiyalari Nyu-York fond birjasida «BTGO» nomi ostida ro‘yxatga olindi.
Shu ketma-ketlik natijasida «BitGo» o‘z faoliyatini davlat tomonidan boshqariladigan bank doirasida barqaror token infratuzilmasi bilan olib boruvchi noyob pozitsiyaga ega bo‘ldi.
| Asos solingan yil | Platformada boshqarilayotgan aktivlar | Mijozlar | Birja belgisi | Sug‘urta | Federal litsenziya |
| 2013 | 81.6 milliard dollar | 5 322 | NYSE: BTGO | 250 million dollar | OCC |
Aktivlar va mijozlar haqidagi maʼlumotlar «BitGo» kompaniyasining 2025-yil 31-dekabr holatiga ko‘ra AQSh Qimmatli qog‘ozlar va birjalar komissiyasi (SEC)ga taqdim etilgan hisobotlarga asoslanadi. Sug‘urta va litsenziya maʼlumotlari esa OCC tasdig’i asosida keltirilgan.
«BitGo Mint» dastlab ikki turdagi barqaror tokenni qo‘llab-quvvatlash bilan ish boshladi. Bular – «USD1» (loyihasi «World Liberty Financial» moliya tashkiloti tomonidan yaratilgan) va «SoFiUSD» (emissiyasi «SoFi Bank» tomonidan amalga oshirilgan). Har ikkala token ham «BitGo»ning “Barqaror token xizmati” infratuzilmasida faoliyat yuritadi.
Bu tizim aktivlarni saqlash, zaxiralarni boshqarish va yangi tokenlar chiqarish jarayonini amalga oshiradi. Shuningdek, institutsional emitentlar uchun majburiy qonunchilik shartlariga rioya qilish tizimini ta’minlaydi. «USD1» tokeni qisqa muddatli AQSh g‘aznachilik obligatsiyalari va naqd pul ekvivalentlari bilan ta’minlangan, barcha zaxiralar malakali saqlash tizimida saqlanadi.
Barqaror tokenlar uchun tartibga solingan asos yaratish
Ko‘lam – ushbu nominatsiyaning asosiy qismi hisoblanadi. 2026-yil mart oyidagi 10-K hisobotiga (SEC saytida) ko‘ra, «BitGo» platformasida boshqarilayotgan aktivlar hajmi 81,6 milliard dollarni tashkil etadi.
Institutsional mijozlar soni yil davomida 103,5 foizga ko‘payib, 5 322 taga yetdi. Shuningdek, platforma 1,2 million foydalanuvchiga xizmat ko‘rsatadi va 15,6 milliard dollarlik aktivlar stakingga joylashtirilgan.
Kompaniya milliy ishonchli fond banki litsenziyasi asosida faoliyat yuritadi. Bu unga AQShning barcha 50 shtatida alohida litsenziyalarsiz aktivlarni saqlash va boshqa tegishli xizmatlarni ko‘rsatish imkonini beradi. Saqlanayotgan aktivlar 250 million dollargacha sug‘urtalangan.
Tahlilchilar «BitGo»ni “harbiy darajadagi saqlovchi” deb atashadi. Bu ta’rif, kompaniyaning uzoq yillardan beri institutsional xavfsizlik infratuzilmasiga alohida e’tibor qaratayotganiga ishora qiladi.
Barqaror tokenlar bo‘yicha faoliyat faqatgina «BitGo Mint» bilan cheklanmaydi. 2026-yil mart oyida kompaniya barqaror tokenlar orqali B2B to‘lov hamda blokcheyn bazasida g‘aznachilik xizmatlarini taqdim etish uchun «Stable Sea» (moliyaviy xizmatlar kompaniyasi) bilan hamkorlik qilmoqda. Bu mahsulotlar kompaniyaning «Kripto-xizmat sifatida» majmuaviy yechimlar platformasi orqali ishlaydi.
Natijada, «BitGo» hozirda yagona tizimni taklif qilmoqda. Aktivlarni saqlash, hamyonlar, staking, savdo, moliyalashtirish va barqaror token infratuzilmasi barchasi tartibga solingan bitta tashkilot tarkibida amalga oshiriladi.
Aynan mana shu jihatlar nominatsiyaning markazida turadi. «BitGo» kompaniyasi federal bank nazorati ostida barqaror tokenlarni chiqarish va ularni saqlash xizmatlarini bir platformaga jamlagan. Hozirda boshqa ko‘plab xizmatlar bu funksiyalarni turli tizimlarda alohida-alohida yuritadi.
Ushbu model allaqachon amalda ishlayapti. Katta moliyaviy tashkilotlar barqaror tokenlarni nazorat ostida muomalaga chiqarib, saqlab va tarqatib borishi mumkin.
Bu esa barqaror tokenlarning emissiya tashkilotlari, bozor va ishtirokchilar o‘rtasida qanday harakatlanishini tubdan o‘zgartirmoqda.
«BeInCrypto Institutional 100 Awards» mukofoti raqamli moliya sohasida yangi bosqichga olib chiqayotgan asosiy infratuzilma provayderlarini aniqlashga qaratilgan. «BitGo» kompaniyasining nominatsiyaga sazovor bo‘lishi uni institutsional barqaror tokenlarni keng joriy etishni ta’minlaydigan zamonaviy yechimlar asoschisi sifatida e’tirof etadi.
