«Chaos Labs» tashkiloti AAVE protokoli bilan uch yil davom etgan xavfni boshqarish faoliyatini yakunladi. Bunga sabablardan biri iqtisodiy jihatdan barqaror emasligi va V4 versiyasini boshqarish bo’yicha kelishmovchiliklar bo‘ldi.
Ushbu ketish holati blokcheyn sohasidagi eng yirik markazlashmagan moliya («DeFi») kreditlash protokoli – «AAVE»da asosiy ishtirokchilar safidan ketayotganlar zanjiri davomida sodir bo‘ldi. Protokolda jami 24 milliard dollardan ortiq qiymat bloklangan.
«Chaos Labs» uch yil xavfni boshqargandan so‘ng «AAVE»dan ketmoqda
«Chaos Labs» tashkilotining asoschisi Omer Goldberg bu qarorga uchta asosiy sabab borligini ta’kidladi.
- V3 versiyasining asosiy ishtirokchilari allaqachon ketgan edi. Shu bois ish hajmi ikki baravarga ko‘paydi.
- «AAVE» V4 to‘liq yangilangan texnik tuzilmani joriy qildi. Bu esa faoliyat va huquqiy mas’uliyatni kengaytirdi.
- Taklif qilingan 5 million dollarlik byudjet bo‘lishiga qaramay, kompaniya baribir zarar bilan ishlashini ma’lum qildi.
«Endi hamkorlik jarayoni xavfni qanday boshqarishimiz kerak degan qarashlarimizga mos kelmaydi», — deya izoh berdi Omer Goldberg ijtimoiy tarmog‘i X sahifasida.
Omer Goldberg «AAVE»ning xavf uchun sarflanadigan mablag‘larini an’anaviy banklarnikiga solishtirdi. Unga ko‘ra, «AAVE» protokoli 2025-yilda 142 million dollar daromad keltirgan.
Kompaniyaning 3 million dollarlik byudjeti umumiy daromadning atigi 2% ini tashkil qilmoqda. Banklarda esa xavf va qonunlarga rioya qilish tadbirlariga odatda 6–10% ajratiladi.
AAVE javobi va LlamaRisk muqobil sifatida ishni davom ettiradi
«AAVE» protokoli asoschisi Stani Kulechov ushbu ketish haqidagi xabarni tasdiqladi, biroq voqealarga o‘z baxosini berdi.
U«Chaos Labs» tashkiloti yangi loyihalarda yagona xavfni boshqaruvchi vazifasini olishni va Chainlink narx orakllarini o‘z mahsulotiga almashtirishni taklif qilganini ma’lum qildi.
«AAVE Labs» tashkiloti ikki taklifni ham rad etdi. Bunday qaror chiqarilishiga sabab bo‘lib boshqa kompaniyaga to‘liq bog‘lanib qolmaslik maqsadi ko‘rsatildi.
DeFi xavfni boshqarish bilan shug‘ullanuvchi «LlamaRisk» tashkiloti «AAVE», «Curve» va «Ethena» kabi yirik protokollar bilan hamkorlik qiladi. «LlamaRisk» barcha ishlar izchil davom etishini bildirdi va yaqin hafta ichida bosqichma-bosqich o‘tish bo‘yicha batafsil taklif tayyorlashini e’lon qildi.
Ayni paytda, tahlilchi Duo Nine ijtimoiy tarmog‘i X dagi sahifasida «AAVE» rahbariyatining ustuvor yo‘nalishlarini savol ostiga oldi. U yana ta’kidladi: V3 versiyasida hozirda 24 milliard dollardan ortiq aktivlar saqlanayotgan bo‘lsa-da, rahbariyat barcha e’tiborni V4 versiyasidagi atigi 10 million dollarga qaratmoqda.
Yozuv vaqti holatiga ko‘ra, «AAVE» 92 dollar atrofida savdoda edi va narx bir kunda deyarli 4 foizga pasaydi. Token bozorida doimiy sotuv bosimi, boshqaruvdagi tushunmovchiliklar va asosiy hissadorlarning ketishi sababli umumiy kayfiyat (sentiment) bosim ostida qolmoqda.
