«Coinbase» kompaniyasining Investitsion tadqiqotlar boʼlimi rahbari Devid Duong aytishicha, AQSh va Eron oʼrtasida tuzilgan oʼt ochishni toʼxtatish kelishuvi bozorlarga qisqa muddatli yengillik, ya’ni muammolarni toʼliq hal etmasdan, faqat qisqa nafas olish imkonini berdi. Shuningdek, «Bitkoin» narxi $73 000 dan oshdi.
Ikki haftalik sulh natijasida neft narxi yana $90 atrofida pasaydi va bozorlarda xavfga ruju qoʼygan investorslar faollashdi. Ammo, Devid Duong urush sabab bozorni cheklab turgan asosiy muammolar hanuzgacha bartaraf etilmaganini ta’kidladi.
Nega oʼt ochishni toʼxtatishdan keyingi bozor koʼtarilishi uzoq davom etmasligi mumkin
«Bitkoin» hozirda $73 085 narxda savdolashmoqda va so’nggi 24 soatda 3% oshgan. Bu, AQSh va Eron oʼrtasidagi vaqtinchalik sulhdan so’ng xavfga moyillik kuchaygani bilan bogʼliq.
Biroq, AQSh va Eron oʼrtasidagi asosiy nizolar hal etilmaganicha qolmoqda. Transport kompaniyalari xavfsizligi kafolatlanganini xohlamoqda. Xurmuz boʼgʼozi ham dastlab toʼliq emas, qisman ochilishi mumkin.
Boshqa tomondan, juma kuni e’lon qilingan isteʼmol narxlari indeksi (CPI) hisobotiga ko’ra, mart oyida benzin narxlari 21,2% ga oshgan. AQSh Mehnat statistikasi byurosi maʼlumotiga koʼra, bu 1967-yildan beri eng katta oylik oʼsishdir.
Asosiy isteʼmol narxlari indeksi yil davomida 3,3% gacha oshdi. Fevralda esa bu ko’rsatkich 2,4% edi.
Mehnat boʼyicha koʼrsatkichlar AQSh Markaziy Bankiga bosimni oshirmoqda
Mart oyida qishloq xoʼjaligi bilan bogʼliq boʼlmagan ish oʼrinlari 178 000 taga oshdi. Bu bashorat qilingan 65 000 tadan uch barobar koʼp. Dastlab, bu holat «Federal Reserve» (AQSh Markaziy banki) tomonidan foiz stavkalarining yuqori darajada saqlanishiga asos boʼla oladi.
Lekin Devid Duong ta’kidlashicha, mehnat bozori faol ishtirokchilari hanuzgacha 61,9% darajada saqlanib turibdi. Maoshlarning yillik oʼsishi esa 3,5% ga sekinlashgan. Bundan tashqari, ilgari e’lon qilingan ish oʼrinlari soni ham doim kamaytirilib, qayta koʼrib chiqilgan.
Shunday qilib, Duong fikricha, «Federal Reserve» (AQSh Markaziy banki) noqulay vaziyatda qolyapti. Umumiy koʼrsatkichlardan koʼra iqtisodiy oʼsish ancha sust, ammo urush sababli inflyatsiya xavfi vujudga chiqayotgan bir paytda foiz stavkalarini tez pasaytirishga ham asos yetarli emas.
Duong neftning asosiy narxini $84 deb koʼrsatadi. Agar neft narxi ushbu chegaradan past boʼlsa va uzoq vaqt shu holatda qolsa, inflyatsiya bosimi pasayishi va vaziyat tezroq yumshash ehtimoli ortadi.
Agar neft narxi $100 dan yuqoriga koʼtarilib, shu darajada ushlansa, bozorlar uzoqroq urush ehtimolini va investitsion tavakkalchilikning qayta kuchayishini hisobga ola boshlaydi. Bu holat «Bitkoin»ga ham bosim oʼtkazadi.
Juma kuni AQSh va Eron oʼrtasida boʼlib oʼtadigan tinchlik muzokaralari ushbu qisqa muddatli yengillik davom etadimi yoki vaziyat oʼzgarishi mumkinligini aniqlab beradi.
