Stablecoinlar endi faqat kriptovalyuta savdosida emas, balki to‘lovlar, hisob-kitob va transchegaraviy moliya sohalarida ham keng qo‘llanilmoqda. Ularni tadbiq etish kuchaygan sari, tashkilotlar yangi savollar ustida bosh qotirmoqda: zanjir ichidagi mablag‘larni qanday boshqarish, raqamli aktivlarni mavjud biznes jarayonlariga qanday integratsiya qilish va bu tizimlarni qanday xavfsiz qilish mumkinligi haqida o‘ylashmoqda.
Mana shunday sharoitda, raqamli aktivlar infratuzilmasi yetkazib beruvchisi «Cregis» (raqamli aktivlar infratuzilmasi platformasi) tomonidan 2026-yil 6-oktabrda Singapurda TOKEN2049 Haftaligi doirasida “Institutional Onchain Finance Summit 2026” (Institutsional Onchain Moliya Sammiti) o‘tkaziladi. Sammitga qo‘shma mezbon sifatida «FOMO Pay» (to‘lov yechimlari kompaniyasi), «Stable» (stablecoin to‘lovlari infratuzilmasi kompaniyasi) va «Width» (AI – Sunʼiy intellekt asosidagi muvofiqlik platformasi) hamkorlik qiladi.
Tadbir «FUTURECLOUD» (texnologiya kompaniyasi), «AWS» (bulutli hisoblash xizmatlari kompaniyasi) va «Avenia» (moliyaviy texnologiyalar kompaniyasi) tomonidan homiylik qilinadi. U yerda moliyaviy xizmatlar, to‘lovlar, stablecoinlar, raqamli aktivlar infratuzilmasi va xavfsizlik sohalarining rahbarlari va amaliyotchilari ishtirok etadi.
Stablecoinlar to‘lovlar va hisob-kitoblarda, jumladan xalqaro operatsiyalar va kompaniya xazinasida tobora keng qo‘llanmoqda. Endi diqqat markazida — stablecoinlarni mavjud moliyaviy ish jarayonlari va infratuzilmasiga qanday moslashtirish masalasi turibdi. Bu bosqich «qabul qilinishdan» amalga oshirishga o‘tdi.
Shu savol sammit ochilishini belgilaydi: “Stablecoinlar banklar, biznes va keng iqtisodiyot uchun nimani anglatadi?” Panelda to‘lov va moliyaviy ekotizim vakillari – «FOMO Pay» (to‘lov yechimlari kompaniyasi) hammuassisi Zak Yan, «MetaComp» (raqamli moliyaviy platforma) hamprezidenti va bosh operatsion direktori (COO) Eddi Xui, «Tether» (stablecoin kompaniyasi) mintaqaviy kengayish bo‘limi rahbari Andres Kim hamda «Avenia» (moliyaviy texnologiyalar kompaniyasi) asoschisi va COO Leandro Noel o‘z fikrlarini bildiradilar. Ushbu sessiyani «Stablecoin Insider» (kripto nashri) vakili Kiara Munaretto olib boradi.
Muloqotda stablecoinlarning to‘lovlar, moliyaviy xizmatlar va kompaniya xazinachiligida ishlatilishi, shuningdek, ularning keng tarqalishining banklar va korxonalar uchun qanday imkoniyatlar ochishi muhokama qilinadi.
Bu foydalanish sohalari kengaygani sari, ularni qo‘llab-quvvatlaydigan infratuzilma ham murakkabroq moliyaviy oqimlarni boshqarishi zarur bo‘lmoqda. Tashkilotlar uchun bu nafaqat aktivlarni chiqarish va o‘tkazish emas, balki hamkorlikdagi muvofiqlik, kirish nazorati, tranzaksiyalarni bajarish va kundalik faoliyat bilan bog‘liq qator sohalarni ham o‘z ichiga oladi.
Bu amaliy o‘zgarish xavfsizlik muammolarining ham xarakterini o‘zgartiradi. Raqamli aktivlar kompaniyaning asosiy ish jarayoniga aylangan sari, xavflar faqat hamyon yoki aqlli shartnoma bilan cheklanib qolmaydi — endi bu xavflar imzo sistemalari, kirish tuzilmalari, uchinchi tomon infratuzilmasi va inson amaliyotiga ham taalluqli.
Sammitda bu xavflarning o‘zgarishi “Yangi xavfsizlik qo‘llanmasi: raqamli aktivlar sohasida hujum va himoyaning rivojlanishi” deb nomlangan ikkinchi panelida muhokama qilinadi. Unda «1exchange» (raqamli aktivlar birjasi) kuzatuv kengashi a’zosi Maykl Chen, «CertiK» (xavfsizlik kompaniyasi) bosh biznes rahbari Jeyson Tsyan, «HackenProof» (kiberxavfsizlik platformasi) bosh direktori Dmytro Matviiv hamda «ZAN» (raqamli aktivlar kompaniyasi) strategik hamkorliklar bo‘limi rahbari Aleksandra Van o‘z qarashlari bilan bo‘lishadi. Ular hujumlar qanchalik o‘zgargani, tashkilotlar esa oldini olish, monitoring va vaziyatga tez javob berish choralarini yana qayerda mustahkamlashi kerakligi haqida so‘z yuritadi.
Avtomatlashtirish va AI – Sunʼiy intellekt ham hujumlarni amalga oshirish va aniqlash usullarini o‘zgartirmoqda. Natijada, ish muhiti yanada murakkablashib, himoya uchun yangi qatlamlar talab qilmoqda.
Dasturda «Cregis» bosh operatsion direktori Jeyson Ma, «Width» bosh direktori va hammuassisi Chye Kit Chionh, «Stable» bosh direktori Brayan Melher hamda «Injective» (raqamli moliya platformasi) bosh direktori va hammuassisi Erik Chenning asosiy ma’ruzalari ham bo‘lib o‘tadi. Ularning nutqlari to‘lovlar, stablecoinlar va institutsional onchain moliya sohasida ishlaydigan infratuzilma yetkazib beruvchilari nazaridan tahlil qiladi.
«Cregis» uchun bu sammit bozordagi kengroq o‘zgarishlarni aks ettiradi. Kompaniyalar raqamli aktivlarni to‘lovlar, xazina va boshqa moliyaviy ish jarayonlariga jalb qilayotganda, infratuzilma blokcheynga ulanishdan ko‘proq narsani talab qilmoqda. Endi hamyonlar, mablag‘lar harakati, boshqaruv va xavfsizlik nazoratlari — bularning barchasi amaliy faoliyat qatlamiga aylanmoqda. Bozor barqarorligi, investitsiyalar barqarorligi, kelajak barqarorligi uchun har bir qatlam muhim.
“Institutional Onchain Finance Summit 2026” (Institutsional Onchain Moliya Sammiti) ana shu masalalarni bitta maydonga jamlaydi. Tadbirda moliyaviy tashkilotlar, to‘lov xizmatlari provayderlari, stablecoin kompaniyalari, infratuzilma ishlab chiqaruvchilar va xavfsizlik firmalari vakillari o‘z tajribalari bilan bo‘lishadi. Ular turli bozorlar va biznes modellarida amaliy tajribaga ega.
«Cregis» haqida
«Cregis» — raqamli aktivlar uchun infratuzilma platformasi. U raqamli aktivlarni yig‘ish, to‘lovlarni amalga oshirish va mablag‘larni boshqarish uchun texnologiyalar taqdim etadi. Kompaniya hamyon infratuzilmasi, mablag‘lar harakatini muvofiqlashtirish va nazorat ostidagi saqlash xizmatlarini taklif qiladi. Ushbu yechimlar korxonalarga raqamli aktivlarni yanada xavfsiz, samarali va izchil nazorat qilish imkonini beradi. «Cregis» (raqamli aktivlar infratuzilma platformasi) 2017-yilda tashkil etilgan va moliya tashkilotlari, to‘lov xizmatlari provayderlari (PSP), valyuta almashuv (Forex) brokerlari, “Fintex” (moliyaviy texnologiyalar kompaniyalari) va Web3 biznesi uchun xizmat ko‘rsatadi. Kompaniya Osiyo, Yaqin Sharq va Lotin Amerikasi bo‘ylab faoliyat yuritadi. Bugun «Cregis» 50 mamlakatdagi 4 000 dan ortiq korxonaga xizmat ko‘rsatadi.
«FOMO Pay» haqida
2015-yilda asos solingan «FOMO Pay» — Singapur, Gonkong va Yaqin Sharqda litsenziyaga ega to‘lov tashkiloti. U biznes va tashkilotlarga raqamli to‘lov, raqamli banking va raqamli aktivlar yechimlarini taqdim etadi. Kompaniyaning xizmatlari savdo va korporativ to‘lovlarni, tranzaksion banking va korporativ xazinachilikni qamrab oladi hamda an’anaviy moliyaviy xizmatlarni rivojlanayotgan raqamli moliyaviy infratuzilma bilan bog‘laydi.
«Stable» haqida
«Stable» global stablecoin iqtisodiyoti uchun infratuzilma va mahsulotlar yaratmoqda. Ularning asosiy loyihasi — «StableChain», bu USDT-ga mos, EVM (Ethereum Virtual Machine) bilan moslashgan birinchi qatlam (Layer 1) bo‘lib, tez, aniq va arzon to‘lovlar va hisob-kitoblarni ta’minlaydi. Bu yerda USDT gaz va hisob-kitob aktivi sifatida ishlatiladi.
«Width» haqida
«Width» — Singapurda joylashgan, AI – Sunʼiy intellekt asosidagi muvofiqlik platformasi. U birlashtirilgan va tekshiriladigan tizimda KYC (Mijozni tanish), KYB (Biznesni tanish), AML monitoringi (Pul yuvishga qarshi monitoring), firibgarlik aniqlash, ishlar boshqaruvi va nazorat hisobotlashtirishini taklif etadi. Platforma vizual ish jarayonlarini loyihalashtirish, AI orqali xavf darajasini baholash, real vaqtli tranzaksiyalar monitoringi, biometrik tasdiqlash hamda grafik intellekt funksiyalarini o‘z ichiga oladi. Hozirda «Width» 180 ta yurisdiksiyada 500 dan ortiq bank, fintex kompaniya, sug‘urtachi, raqamli aktivlar biznesi va boshqa professional xizmat ko‘rsatuvchi tashkilotlarni muvoffaqiyatli qo‘llab-quvvatlamoqda.
