Efirium allaqachon tiklanishning dastlabki belgilarini ko‘rsatmoqda. Yaqinda deyarli $1 840 atrofida kuzatilgan eng past narxdan so‘ng, Efirium qariyb 4%ga oshdi. Bu esa, xaridorlar yana bozorga qaytayotganini bildiradi. Ushbu tiklanish tasodifiy emas. Bu sakrash silliq va bosqichma-bosqich bir necha haftadan beri shakllanmoqda.
Endilikda bir nechta muhim belgilar o‘zgarish yuz berayotganini ko‘rsatmoqda. Sotuv bosimi keskin kamaydi. Derivativ (hosila) savdo bilan shug‘ullanuvchilar keskin pesimist (ya’ni, narx pasayishiga ishonayotgan) bo‘lishdi, ammo yangi mavqelar ochishmagan. Shu bilan birga, uzoq muddatli investorlar bir necha haftalik sotuvdan so‘ng yana xarid qilishni boshlashdi. Bu kuchlar birlashganda, Efiriumning hozirgi tiklanish tendensiyasi davom etishi mumkinligini bildiradi.
Efirium o‘sishi uchun sharoit paydo bo‘ldi va bozor ijobiy tomonga o‘zgarib bormoqda
Efiriumning qisqa muddatli grafikasi simmetrik uchburchak hosil bo‘lganini ko‘rsatmoqda. Bunday shakl, bozorda xaridorlar va sotuvchilar o‘zaro ustunlik uchun kurashayotgan paytda, noaniqlik mavjudligini anglatadi.
Huddi shu paytda narx va Nisbiy kuch indeksi (RSI) orasida «bullish divergence», ya’ni ijobiy tafovut yuzaga keldi. RSI bu narx harakatining kuchayishi yoki zaiflashishini o‘lchaydigan indikator hisoblanadi. Fevral boshidan beri Efirium narxi yangi pastliklarni ko‘rsatgan bo‘lsa-da, RSI o‘zining past nuqtalarini yuqoriga ko‘tarayotgani ko‘zga tashlandi. Bu ko‘pincha sotuv bosimi susayib borayotganini bildiradi.
Shu kabi tokenlar haqida ko‘proq qiziqarli ma’lumotlarmi? Bosh muharrir Harsh Notariya’ning har kunlik «Crypto Newsletter» elektron axborotiga bu yerda obuna bo‘ling.
Yaqinda ham xuddi shu belgilar ish berdi. 3-fevraldan 13-fevralgacha, shunga o‘xshash tafovut deyarli 10% tiklanishni keltirib chiqardi. Yana bir tafovut 3-15 fevral oralig‘ida 6% o‘sishga olib keldi.
Efirium allaqachon yana javob bera boshladi. So‘nggi 4% tiklanish xaridorlar sustlashgan pasayish bosimiga javob bera boshlaganini bildiradi. Biroq, faqat texnik belgilar yetarli emas. Asosiy savol: tagida nimalar o‘zgardi?
Narx pasayganiga qaramay, sotish bosimi 90 foizga kamaydi va yana bir muhim omil aniq bo‘ldi
Eng muhim o‘zgarish birjalarga tushayotgan tokenlar sonidan kelib chiqmoqda. Birjaga tokenlar kirib kelishi, ya’ni inflow, tokenlarning birjalarga yuborilishi miqdorini bildiradi. Odatda, agar tokenlar birjaga kirib kelsa, bu sotilmoqchi ekani belgisi bo‘lishi mumkin.
7-fevral kuni Efirium birjalarga kirib kelish hajmi qariyb 1,06 million ETH (Efirium) ga yetdi. Shundan keyin inflow atigi 126 000 ETHgacha qisqardi. Bu esa, potensial sotuv bosimi deyarli 90% kamayganini ko‘rsatadi.
Ushbu o‘zgarish narx bilan solishtirganda yanada muhimlashadi. Shu davrda Efirium narxi qariyb 14%ga kamaygan bo‘lsa-da, odatda narx faqat sotuv bosimi kuchayganda pasayadi. Biroq, bu yerda narx pasaydi, sotuv bosimi esa aksincha ruknidan chiqib ketdi.
Bu esa, pasayish asosan kuchli spot sotuvlar natijasi bo‘lmaganini ko‘rsatadi. Kuchsizlanishning manbai boshqa yerda, ya’ni hosila savdo bilan shug‘ullanuvchi treyderlarda. Efirium uchun moliyalash stavkasi (funding rate) juda salbiy tomonga o‘zgardi. Moliyalash salbiy bo‘lsa, qisqa pozitsiyalarda (short) bo‘lganlar, ya’ni narx pasayishiga o‘ynayotganlar, o‘z pozitsiyasini ushlab turish uchun pul to‘laydi.
7-fevraldan buyon moliyalash stavkalari biroz ijobiydan taxminan -0,02% gacha qisqardi. Bu esa, so‘nggi haftalarda eng pesimist hissiyotlardan biriga aylanganini bildiradi.
Lekin ochiq pozitsiyalar qiymati (open interest) boshqacha holatni ko‘rsatmoqda. Ochiq pozitsiyalar – bu faol fyuchers shartnomalardagi jami qiymat. Shu davr mobaynida ochiq pozitsiyalar, asosan, barqaror qoldi, atigi biroz pasayib – taxminan $9,06 milliarddan $8,88 milliardgacha tushdi.
Bu kombinatsiya muhim ahamiyatga ega. Chunki agressiv tarzda yangi qisqa pozitsiyalar ochilmayapti. Faqat mavjud treyderlar kayfiyati pasaydi va uzoq pozitsiyalar ehtimol allaqachon yopilgan.
Bunday vaziyat beqaror bo‘lishi mumkin. Pesimist kayfiyat kuchaysa-yu, katta yangi pozitsiyalar ochilmasa, bozor qisqa pozitsiyalarni ortga o‘rash (short squeeze) xavfiga duch keladi. Bu holatda narx ko‘tarila boshlaganda qisqa pozitsiyada turganlar pozitsiyani yopishga intiladi, buning natijasida narx yanada yuqoriga oshadi.
Shuning uchun ham, Efiriumning tiklanishi oddiy qisqa muddatli sakrashdan ko‘ra uzoq davom etishi mumkin.
Uzoq muddatli egalar bir necha haftalik sotuvdan so‘ng kutilmaganda xaridorlarga aylandilar
Yana bir muhim o‘zgarish uzoq muddatli investorlar tarafidan sodir bo‘ldi. Hodler Net Position Change indikatori uzoq muddat uchun tokenlarni qo‘lida tutayotgan shaxslar tokenlar sotayotganini yoki xarid qilayotganini ko‘rsatadi.
3-fevraldan 20-fevralgacha ushbu indikator manfiy bo‘lib qoldi. Bu, tajribali investorlar tomonidan doimiy sotuvlar bo‘lganini anglatadi. Eng yuqori pallada uzoq muddatli egalari sof ko‘rinishda 41 000 dan ortiq ETH sotgan. Biroq bu tendensiya hozir o‘zgardi. So‘nggi ikki kun davomida indikator musbatga o‘tdi va sof to‘planish 6 000 ETHdan oshdi.
Bu ma’lumot tajribali sarmoyadorlar yana sotib olishni boshlaganini tasdiqlaydi. Odatda bunday token yig‘ilishi mahalliy past narxlar atrofida kuzatiladi. Uzoq muddatli sarmoyadorlar, ommaviy tiklanish boshlanishidan oldin, erta joy egallash uchun harakat qilishadi.
Sotish bosimi kamayib bormoqda, «ayiq» (ya’ni narxlarning pasayishini kutayotgan) investorlarning tuyg‘usi esa haddan tashqari keskinlashdi. Shu bilan birga, uzoq muddatli egalar yana bozorda paydo bo‘lmoqda. Shuning uchun, hozirda Efirium tiklanishi uchun mustahkam asos vujudga keldi.
Efirium narxi sakrashni davom ettirishi mumkin bo’lgan muhim tarmoqlanish bosqichlariga yaqinlashmoqda
Hozirda Efirium bir necha muhim qarshilik darajalariga duch kelyapti. Birinchi asosiy to‘siq $1,920 atrofida joylashgan. Agar narx shu darajadan oshsa, bu Efirium harakati kuchayganini bildiradi. Keyingi to‘siq $2,020 darajasida, undan so‘ng esa asosiy texnik to‘siq $2,060 atrofida joylashgan. Aynan shu hududda eng kuchli qarshilik bo‘lishi mumkin.
Agar Efirium $2,060 darajasidan yuqori ko‘tarilsa, narx o‘sishi $2,200 gacha, hatto $2,420 gacha tezlasha oladi.
Biroq, bu musbat harakatni saqlab qolish uchun muhim darajadan pastga tushmaslik kerak. Eng muhim pastki daraja — bu $1,840. Agar Efirium shu narxdan pastga tushib ketsa, tiklanish strukturasi buziladi. Bunday holda, keyingi pastdagi maqsad $1,740 atrofida bo‘ladi.
Hozirgi paytda Efirium tiklanishi soddgina qisqa muddatli o‘sish emasligini ko‘rsatmoqda. Sotuv bosimi deyarli 90 foizga kamaydi. «Ayiq» kayfiyati kuchaydi, lekin aniq ishonch bilan emas. Uzoq muddatli egalari esa jimjit holda yana bozordan joy olishga kirishgan.
Mana shu omillar uyg‘unligi Efirium narxidagi qaytish yanada keng harakat boshlanishi bosqichi bo‘lishi mumkinligini bildiradi. Endi kutilayotgan yangi yuqori darajadan chiqish — o‘sishning asosiy harakatlantiruvchi kuchiga aylanishi mumkin.
