Kripto bozoridagi yirik investorlar sentabr oyining yakunida uchta altkoin bo‘yicha pozitsiyalarini sekin va tinchgina kuchaytirmoqda. Ammo ular uch xil yo‘nalish bo‘yicha sarmoya qilmoqda.
«Santiment» axborot-tahlil kompaniyasi va «Nansen» tadqiqot tashkiloti maʼlumotlariga ko‘ra, yirik sarmoyadorlar Aave (AAVE), Uniswap (UNI) va Moonriver (MOVR) tokenlariga sarmoya kiritmoqda. Endi narxlar qaysi tomonga harakatlanishi mumkin?
AAVE yirik investorlari V4 versiyadagi rivojlanish natijasida xarid qilmoqda
AAVE tokenida eng aniq to‘plangan sarmoyalarni ko‘rish mumkin.
«Santiment» kompaniyasi maʼlumotiga ko‘ra, 100 000 dan 1 milliongacha AAVE tokeni saqlovchi hamyonlar 28 sentabrdan buyon taxminan 190 000 token jamg‘ardi. Bugungi narxlar bo‘yicha bu miqdor taxminan 30 million AQSH dollariga teng.
Xaridlar asosan AAVE narxi $176 ga chiqayotgan paytda amalga oshirildi. Hozirgi vaqtda yirik investorlarning tokenlari deyarli o‘zgarmay qolmoqda. Bu ulkan investorlar narx pasayishini ham sabr bilan kutayotganini ko‘rsatadi.
Xaridlar yana shuni ko‘rsatadiki, «Aave» markazsizlashtirilgan moliyaviy platformasi tomonidan taqdim etilgan AAVE V4 versiyasi orqali faol kreditlar hajmi 400 million dollardan oshdi.
AAVE narxi hozir $160 atrofida savdolanmoqda. $155 atrofidagi daraja muhim tayanch bo‘lib turibdi, $176 esa sarmoyadorlar qayta egallashga harakat qilayotgan asosiy cho‘qqidir.
UNI yirik sarmoyadorlari narx pasayishida xarid qilmoqda
Uniswap holatida vaziyat boshqacha ko‘rinishda.
Yirik sarmoyadorlar 28 sentabrdan beri 1,13 million UNI tokenini sotib olishdi. Bu 10 million AQSH dollariga teng qiymatga ega, biroq token narxi $9,66 dan $8,45 ga qadar tushib ketdi.
Bu, asosan, narx pasayganida foyda olish uchun amalga oshirilgan xaridga o‘xshaydi. Biroq, yirik sarmoyadorlar hozirda oldingi oy boshidagi darajadagi tokenlarga hali to‘liq ega emas. Ya’ni, so‘nggi to‘plamlar oldingi sotuvning faqat bir qismini qoplamoqda.
UNI uchun eng muhim daraja $8,45 atrofida. Shu darajadan yuqorida savdo davom etsa, tiklanish ham davom etadi.
MOVR yirik investorlarida 79% o‘sish uchun xarid
Moonriver – bu spekulyativ, ya’ni bozorda xavfi yuqori bo‘lgan altkoin. MOVR atigi 24 soat ichida deyarli 80% ga o‘sib, «Nansen» tashkiloti ma’lumotlariga ko‘ra, nazorat qilinayotgan shartnomadagi eng yuqori 100 manzilda tokenlar soni 11% ga ortdi.
Bu faol va xavfli xarid ekanini ko‘rsatadi. MOVR tokenining bozor qiymati taxminan 22 million AQSH dollarini tashkil qiladi. Bu shuni anglatadiki, kichik pul oqimlari ham narxga kuchli ta’sir ko‘rsatishi mumkin.
«AQSH inflyatsiyasi kutilganidan pastroq chiqdi» va «AQSH Federal zaxira banki» (moliyaviy tashkilot) oktyabr oyida foiz stavkalarini oshirish ehtimolini kamaytirdi. Shu sababdan, yirik sarmoyadorlar ehtimol 2026 yil oxiri uchun bozor o‘sishi bosqichiga hozirdan tayyorgarlik ko’rmoqda.
Biroq, bularning hammasi asosan AQSHda noyabr oyidagi oraliq saylovlardan keyin shakllanadigan iqtisodiy sharoitlarga bog‘liq bo‘ladi.
