«Litecoin» kompaniyasining rasmiy «X» ijtimoiy tarmog’idagi sahifasi va «XRP» tokeni o‘rtasidagi uzoq davom etayotgan bahs yana kuchaydi. Bu safar ular «XRP» tokeniga nisbatan nogironlarni kamsituvchi jumlani ishlatgan klipni joyladi. Biroq, bu hazil noqulay paytda chiqdi. Chunki «XRP» so‘nggi vaqtlarda narx va bozor qiymati bo‘yicha «Litecoin» («LTC»)dan ancha oldinda ketmoqda.
«XRP» qo‘llab-quvvatlovchilari javob qaytarib, «LTC»ning o‘tgan yillardagi zaif ko‘rsatkichlarini eslatib o‘tdi.
XRP qo‘llab-quvvatlovchilari hazilni ag’dardi
«Litecoin» sahifasi 5-noyabr kuni shu klipni joyladi. Tez orada «XRP» tarafdori bu post sarlavhasini teskari ma’noda talqin qilib, so‘nggi uch yil davomida ikkala tokenning «CoinMarketCap» (kripto bozor ma’lumotlari servisi)dagi ko‘rsatkichlari tasvirlangan jadval bilan bo‘lishdi. Jadvalga qaraganda, «XRP» ancha yuqorida, «LTC» esa boshlang‘ich darajasidan pastda. Ko‘pchilik javoblardagi fikrlarga ko‘ra, «Litecoin» holati bunchalik zaif bo‘lsa, «XRP» ustidan kulishga unchalik haqqi yo‘q.
Boshqalar esa «Zcash» («ZEC») tokeni ham «Litecoin»dan tezroq o‘sayotganini ta’kidlashdi, holbuki har ikkala token asosan raqamli to‘lovlarni maqsad qilgan. «Grayscale» – kriptovalyuta sarmoya kompaniyasi yaqinda Zcash’ni o‘sish uchun eng katta imkoniyatga ega to‘lov tokeni sifatida alohida qayd etdi.
Haqiqatan ham, bahsga sabab bo‘layotgan narxlar haqidagi ma’lumotlar tanqidchilar fikrini tasdiqlaydi. «XRP» 2024-yil oxiridan beri narx bo‘yicha ikki baravar ko‘paygan va hali ham eng yirik besh kriptovalyuta orasida qolmoqda. Hatto, «XRP» 2014-yildan beri har yili eng yuqori o‘ntalikdan pastga tushgani yo‘q.
«LTC» esa aksincha, 2021-yil may oyidagi – $410 darajasidagi rekordining 85 foizidan ham pastroqda savdolashmoqda. Joriy yilda u bir necha siklik pastliklarga qaytdi.
Nega Litecoin va XRP o‘rtasidagi bahs qayta-qayta yuzaga chiqadi?
«Litecoin» va «XRP» o‘rtasidagi to‘qnashuv yangilik emas. 2025-yil avgust oyida «Litecoin» sahifasi «XRP»ning banklar bilan bog‘liq hikoyasini (narrativ) masxara qilib, «Ripple» (kripto kompaniyasi) bosh direktori Bred Garlinghausni «Bred Garlicmouse» deb atagan. Oradan ko‘p o‘tmay, «XRP» atrofidagi shovqinni «kosmik aldov» deb ham belgilagan.
Keyinchalik sahifa o‘zini, hatto «Solana» tokenini ham mazax qilishini aytdi. Biroq «XRP»ga oid postlar eng kuchli qarshilikka uchrashini va hattoki, ayrim holatlarda huquqiy tahdidlar ham bo‘layotganini bildirgan.
Litecoin uchun «XRP» ustidan hazil qilish hech bo‘lmasa e’tibor jalb etsa, «XRP» egalariga esa asosiy ahamiyatga raqamlar ega, shunchaki memlar emas. AQShda spot XRP ETF investitsion jamg‘armalariga oqimlar tushmoqda, hatto «Bitkoin» va «Efirium» (Ethereum) fondlari zarar ko‘rayotgan kunda ham.
